നല്ല ഭാര്യയാകാന്‍ ചില പാഠങ്ങള്‍

Relationship

oi-Saritha

By Veena

Published: Wednesday, March 28, 2012, 13:13 [IST]

വിവാഹം കഴിയ്ക്കാന്‍ പോകുന്ന പെണ്‍കുട്ടിയാണോ, അതോ വിവാഹിതയായ സ്ത്രീയാണോ. നല്ല ഭാര്യയാകണമെന്നുണ്ടോ. ചില കാര്യങ്ങള്‍ അറിഞ്ഞിരുന്നാല്‍ നല്ലത്.

പാഠം ഒന്ന്. വീട്ടില്‍ വന്നു കയറുന്ന ഭര്‍ത്താവിനെ മുഖം വീര്‍പ്പിച്ച് സ്വീകരിക്കരുത്. പ്രത്യേകിച്ചും ഓഫീസ് ജോലി കഴിഞ്ഞു ക്ഷീണിച്ചെത്തുന്ന ഭര്‍ത്താവ് വീര്‍ത്ത മുഖം കൂടി കണ്ടാലോ. എന്തു പ്രശ്‌നങ്ങളുണ്ടെങ്കിലും പുഞ്ചിരിയോടെ ഭര്‍ത്താവിനെ സ്വീകരിച്ചു നോക്കൂ. എന്തു ടെന്‍ഷനില്‍ വന്നു കയറുന്ന ഭര്‍ത്താവാണെങ്കിലും ഒന്നു റിലാക്‌സാകാന്‍ ഇതു മതിയാകും. മുറുകിയ അന്തരീക്ഷം ഒന്നു മയപ്പെടുകയും ചെയ്യും.

ഭര്‍ത്താവിനെ ബഹുമാനിക്കുന്നത് നല്ല ഭാര്യയുടെ ലക്ഷണമെന്ന് പറയും. പ്രത്യേകിച്ച് പൊതുമധ്യത്തില്‍ ഭര്‍ത്താവിനെ താഴ്ത്തിക്കെട്ടുന്ന പോലെ പെരുമാറുകയോ സംസാരിക്കുകയോ ചെയ്യരുത്. എന്തൊക്കെ പ്രശ്‌നങ്ങളുണ്ടെങ്കിലും അത് വീടിന്റെ നാലു ചുവരുകള്‍ക്കുള്ളില്‍ ഒതുക്കാന്‍ ശ്രദ്ധിക്കണം.

നല്ല രീതിയിലുള്ള ആശയവിനിമയം പ്രധാനം. ഭര്‍ത്താവ് എന്തെങ്കിലും ചോദിച്ചാല്‍ മുഖം കുത്തി വീര്‍പ്പിച്ചു വച്ചാലോ. തിരികെ ഇത്തരമൊരു പ്രതികരണം ലഭിച്ചാല്‍ എങ്ങനെയുണ്ടാകുമെന്ന് ചിന്തിച്ചു നോക്കൂക. ഭര്‍ത്താവുമായി സംസാരിക്കാനും പ്രശ്‌നങ്ങള്‍ ചര്‍ച്ച ചെയ്യാനും സമയം കണ്ടെത്തുക. എത്രയൊക്കെ തിരക്കുകളുണ്ടെങ്കിലും. നല്ല ആശയവിനിമയം പരസ്പരം മനസിലാക്കാനും തെറ്റിദ്ധാരണകള്‍ അകറ്റാനും പ്രധാനമാണ്.