ഭാര്യയെ സന്തോഷിപ്പിക്കുകയല്ലേ ലക്ഷ്യം?

ആദ്യമായി ഭക്ഷണകാര്യത്തില്‍ ഭാര്യയുടെ ഇഷ്ടം അറിഞ്ഞു വയ്ക്കുന്നത് പ്രധാനം. ഭാര്യയ്ക്ക് ഇഷ്ടമുള്ള ഭക്ഷണം ഉണ്ടാക്കിയാല്‍ ഇരുകൂട്ടര്‍ക്കും സന്തോഷം. ഭര്‍ത്താവ് തന്റെ ഇഷ്ടങ്ങള്‍ മാനിക്കുന്നു, തന്നെ സ്‌നേഹിക്കുന്നവെന്ന തോന്നല്‍ ഭാര്യയ്ക്കും ഉണ്ടാകും.

ഭക്ഷണം ഉണ്ടാക്കുന്ന സമയവും സാഹചര്യവും പ്രധാനം. മറ്റെന്തെങ്കിലും കാര്യത്തില്‍ ഭാര്യ തിരക്കിലാണെങ്കില്‍ ഭക്ഷണമുണ്ടാക്കുന്ന ഉത്തരവാദിത്വം ഏറ്റെടുത്തു നോക്കൂ, ഭാര്യയുടെ സന്തോഷവും സമാധാനവും നിറഞ്ഞ മുഖം കാണാം.

വല്ലപ്പോഴും അടുക്കളയില്‍ കയറുമ്പോള്‍ സ്ഥിരം വിഭവങ്ങള്‍ പരീക്ഷിക്കാതെ അല്‍പം വ്യത്യസ്തമായ ഭക്ഷണം പരീക്ഷിക്കാം. ഇരുകൂട്ടര്‍ക്കും താല്‍പര്യമുണ്ടാകണമെന്നു മാത്രം. ഇക്കാര്യത്തില്‍ ഭാര്യയുടെ അഭിപ്രായവും ആരായാം.

സര്‍പ്രൈസ് ഗിഫ്റ്റായി ഭാര്യയ്ക്ക് ഭക്ഷണമുണ്ടാക്കി നല്‍കാം. പുറത്തു പോയി വരുന്ന ഭാര്യയ്്ക്ക് ഡൈനിംഗ് ടേബിളില്‍ ഒരുക്കി വച്ചിരിക്കുന്ന ഭക്ഷണസാധനങ്ങള്‍ അദ്ഭുതവും ഒപ്പം സന്തോഷവും നല്‍കും.