പാചകം ചെയ്യാം, പാട്ടിലാക്കാം

Relationship

oi-Saritha

By Veena

Published: Saturday, March 24, 2012, 16:40 [IST]

ഒരു പുരുഷന്റെ ഹൃദയത്തിലേക്കുള്ള എളുപ്പവഴി നല്ല ഭക്ഷണമാണെന്ന മുത്തശിമാര്‍ പറഞ്ഞു പഴകിയ കഥ. നല്ല ഭക്ഷണം പുരുഷനെ സന്തോഷിപ്പിക്കുമെന്ന് തീര്‍ച്ച. ഭാര്യ നല്ലപോലെ പാചകമറിയണമെന്ന് എന്തൊക്കെ പ്രത്യയശാസ്ത്രം പറയുന്ന പുരുഷനാണെങ്കിലും നല്ലപോലെ പാചകമറിയുന്നവളായിരിക്കണം പങ്കാളിയെന്ന് രഹസ്യമായെങ്കിലും ആഗ്രഹിക്കും. ഇതില്‍ തെറ്റു പറയാനുമാവില്ല. ഏതു വിധത്തില്‍ നോക്കിയാലും അന്നത്തിനാണല്ലോ മനുഷ്യന്‍ കഷ്ടപ്പെടുന്നതും.

ഇത്ര നേരം പറഞ്ഞത് പുരുഷന്റെ കഥ. ഇതുപോലെ തന്നെയാണ് സ്ത്രീയുടേയും. സ്ത്രീകളുടെ സാമ്രാജ്യമാണ് അടുക്കളയെന്ന് പൊതുവെ പറയും. താല്‍പര്യമില്ലെങ്കിലും കുടുംബത്തിന് വേണ്ടി പാചകം ചെയ്യാതെ ഗത്യന്തരമില്ലെന്നതു കൊണ്ടു പാചകം ചെയ്യുന്ന സ്ത്രീകളുണ്ട്. സന്തോഷത്തോടെ ഇത് ചെയ്യുന്നവരുണ്ട്. ഇഷ്ടമല്ലെങ്കിലും താന്‍ തന്നെ പാചകം ചെയ്‌തേ മതിയാവൂയെന്ന നല്ല വാശിയുള്ള സ്ത്രീകളുമുണ്ട്.

പുരുഷന്‍ പാചകം ചെയ്താലോ, സ്ത്രീക്കെന്തു തോന്നും. ഭൂരിഭാഗം സ്ത്രീകളും ഇതില്‍ സന്തോഷിക്കുന്നവരായിരിക്കും. അടുക്കളയില്‍ ഭര്‍ത്താവിന്റെ കൈ സഹായം തന്നെ വലിയ കാര്യമായി കരുതുന്ന സ്ത്രീകള്‍ക്കു പ്രത്യേകിച്ചും. സ്ത്രീയെ സന്തോഷിപ്പിക്കാനുള്ള വഴി കൂടിയാണ് ഈ നളപാപാചകം.