പുരുഷവന്ധ്യതയുടെ പുരുഷനറിയേണ്ട കാരണം ഇതാണ്

ബീജസംഖ്യയുടെ കുറവ്

ലോകാരോഗ്യ സംഘടനയുടെ കണക്ക് പ്രകാരം പുരുഷന് ഒരു സ്ഖലനത്തില്‍ രണ്ട് കോടി ബീജങ്ങള്‍ ആണ് പ്രത്യുത്പാദനത്തിന് ആവശ്യമുണ്ട്. ബീജത്തിന്റെ എണ്ണം കൃത്യമായില്ലെങ്കിലും ബീജത്തിന് ആരോഗ്യമില്ലെങ്കിലും ഗര്‍ഭധാരണം നടക്കില്ല എന്നതാണ് സത്യം. ഇതാണ് വന്ധ്യതയുടെ പ്രധാന കാരണങ്ങളില്‍ ഒന്ന്.

ബീജത്തിന്റെ ചലനശേഷി

വാല്‍ ചലിപ്പിച്ച് ചലനശേഷി ഉള്ള ബീജങ്ങളാണ് പ്രത്യുത്പാദനത്തിന് ആവശ്യമുള്ളത്. അതിവേഗത്തില്‍ ചലിയ്ക്കാന്‍ കഴിയുന്ന 25 ശതമാനം ബീജങ്ങളെങ്കിലും ഉണ്ടായിരിക്കണം. എന്നാല്‍ മാത്രമേ ഗര്‍ഭധാരണം സാധ്യമാകുകയുള്ളൂ.

ഹോര്‍മോണ്‍ പ്രശ്‌നങ്ങള്‍

ഹോര്‍മോണ്‍ പ്രശ്‌നങ്ങളാണ് മറ്റൊരു പ്രശ്‌നം. ജീവിതരീതിയിലെ മാറ്റമാണ് ഇതിന്റെ പ്രധാന കാരണം. ഇത് പലപ്പോഴും ബീജത്തിന്റെ എണ്ണത്തില്‍ വ്യതിയാനം ഉണ്ടാക്കുന്നു. ഇത്തരം പ്രശ്‌നങ്ങള്‍ക്ക് ചികിത്സ അത്യാവശ്യമാണ്.

ബീജവാഹിനിക്കുഴലിലെ തടസ്സം

ബീജവാഹിനിക്കുഴലിലെ തടസ്സമാണ് മറ്റൊരു പ്രശ്‌നം. ഇത്തരം തടസ്സം കണ്ടെത്തിയാല്‍ ബീജം വൃഷണത്തില്‍ നിന്നോ ബീജസംഭരണിയില്‍ നിന്നോ കുത്തിയെടുത്ത് അണ്ഡത്തില്‍ നിക്ഷേപിച്ച് ഗര്‍ഭധാരണം നടത്താവു്ന്നതാണ്.

ആന്റിബോഡിയുടെ സാന്നിധ്യം

ശരീരത്തില്‍ ആന്റിബോഡിയുടെ സാന്നിധ്യമാണ് മറ്റൊന്ന്. ഇതും വന്ധ്യതയ്ക്ക് പ്രധാന കാരണമായി കണ്ക്കാക്കാവുന്നതാണ്. ബീജത്തെ നശിപ്പിക്കുന്ന ആന്റിബോഡി ഉള്ളവരില്‍ വന്ധ്യത ചികിത്സ അത്യാവശ്യമാണ്.

ലൈംഗികാവയവത്തിന്റെ തകരാര്‍

ലൈംഗികാവയവത്തിന്റെ തകരാറാണ് മറ്റൊന്ന്. പുരുഷന്‍മാരിലുണ്ടാകുന്ന ഇത്തരം പ്രശ്‌നങ്ങള്‍ക്ക് ഉടന്‍ തന്നെ ചികിത്സ അത്യാവശ്യമാണ്.

മുണ്ടിനീര്

മുണ്ടിനീരാണ് മറ്റൊന്ന്. ഇതിന്റെ ഫലമായുണ്ടാകുന്ന വൈറസുകള്‍ വൃഷണത്തിലേക്ക് വ്യാപിക്കുന്നത് മൂലം ബീജോത്പാദനം നടക്കാതെ വരുന്നു.