ഗര്‍ഭകാലത്ത് ഭര്‍ത്താവില്‍ നിന്നും ആഗ്രഹിക്കുന്നത്

ഗര്‍ഭധാരണത്തെക്കുറിച്ചും പ്രസവത്തെക്കുറിച്ചും

ഗര്‍ഭാവസ്ഥയില്‍ സ്ത്രീ അനുഭവിയ്ക്കുന്ന എല്ലാ തരത്തിലുള്ള പ്രശ്‌നങ്ങളെക്കുറിച്ചും പ്രസവത്തെക്കുറിച്ചും നിര്‍ബന്ധമായും പുരുഷന്‍മാര്‍ അറിഞ്ഞിരിയ്ക്കണം.

ഗര്‍ഭിണികള്‍ക്കുള്ള ക്ലാസ്സ്

ഇപ്പോള്‍ പല രാജ്യങ്ങളിലും എന്തിനധികം നമ്മുടെ കേരളത്തില്‍ പോലും ഇത്തരത്തിലുള്ള ക്ലാസ്സുകള്‍ സജീവമാണ്. ഗര്‍ഭാവസ്ഥയെക്കുറിച്ചും പ്രസവത്തെക്കുറിച്ചുമുള്ള ഇത്തരം ക്ലാസ്സുകള്‍ക്ക് ഭാര്യയോടൊപ്പം ഭര്‍ത്താവും നിര്‍ബന്ധമായും പങ്കെടുക്കണം. പ്രസവശേഷം ലേബര്‍റൂമില്‍ സംഭവിയ്ക്കുന്നത്...

ഒരു വിളിപ്പാടകലെ

ഗര്‍ഭാവസ്ഥയില്‍ സ്ത്രീ ഏറ്റവും കൂടുതല്‍ ആഗ്രഹിക്കുന്നത് ഭര്‍ത്താവിന്റെ സാമീപ്യം തന്നെയാണ്. അതുകൊണ്ട് തന്നെ ഒരു വിളിപ്പാടകലെ ഉണ്ടായിരിക്കണം എന്നതാണ് ഭര്‍ത്താവിന്റെ കടമ.

ഡോക്ടറെ കാണാനുള്ള സമയം

ഓരോ മാസവും ഡോക്ടറെ കാണുന്നതിനും ചെക്കപ്പ് നടത്തുന്നതിനുമുള്ള കാര്യങ്ങള്‍ ഭാര്യയേക്കാള്‍ ഭര്‍ത്താവിന് ഓര്‍മ്മയുണ്ടായിരിക്കണം. നിങ്ങള്‍ നല്ലൊരച്ഛനാവാന്‍ തയ്യാറെടുത്തു എന്നതിന്റെ ലക്ഷണമാണ് അത്.

സംശയങ്ങള്‍ തീര്‍ക്കണം

പല പുരുഷന്‍മാര്‍ക്കും ഭാര്യയുടേയും കുഞ്ഞിന്റേയും ആരോഗ്യത്തെക്കുറിച്ച് നിരവധി സംശയങ്ങള്‍ ഉണ്ടാവും. എന്നാല്‍ ഇത്തരം സംശയങ്ങള്‍ മനസ്സില്‍ വച്ചിരിയ്ക്കാതെ ഉടന്‍ തന്നെ ഡോക്ടറുമായി സംസാരിച്ച് തീര്‍ക്കുക.

ഭാര്യക്കുള്ള വസ്ത്രങ്ങള്‍

ഗര്‍ഭിണിയായിരിക്കുമ്പോള്‍ ഒരിക്കലും പഴയ വസ്ത്രങ്ങള്‍ ഉപയോഗിക്കാന്‍ കഴിയില്ല. അതുകൊണ്ട് തന്നെ ഭാര്യക്ക് ഗര്‍ഭകാലത്തുപയോഗിക്കാന്‍ വസ്ത്രങ്ങള്‍ തിരഞ്ഞെടുക്കേണ്ടതും ഭര്‍ത്താവിന്റെ കടമയാണ്. ഇത് നിങ്ങളുടെ ബന്ധത്തിന് ദൃഢത വര്‍ദ്ധിപ്പിക്കും.

എന്താണ് ആഗ്രഹിക്കുന്നത്

ഗര്‍ഭകാലത്ത് സ്ത്രീകള്‍ക്ക് പൊതുവേ ആഗ്രഹങ്ങള്‍ കൂടുതലായിരിക്കും. അതുകൊണ്ട് തന്നെ എന്താണ് സ്ത്രീ ആഗ്രഹിക്കുന്നത് അത് നടത്തിക്കൊടുക്കാന്‍ പരമാവധി ശ്രമിക്കുക. അമ്മയുടെ സന്തോഷം കുഞ്ഞിന്റെ ആരോഗ്യം വര്‍ദ്ധിപ്പിക്കും.