പ്രസവശേഷം ലേബര്‍റൂമില്‍ സംഭവിയ്ക്കുന്നത്...

പ്രസവശേഷം

സാധാരണ പ്രസവമാണെങ്കില്‍ പ്രസവം കഴിഞ്ഞ് നാല് മണിക്കൂറിനു ശേഷം തന്നെ അമ്മയേയും കുഞ്ഞിനേയും റൂമിലേക്ക് മാറ്റുന്നു. ഈ സമയത്ത് അത്യാവശ്യമുള്ള ചികിത്സകള്‍ ലഭിക്കാത്തതിന്റെ ഫലമാണ് പ്രസവത്തോടനുബന്ധിച്ചുള്ള മരണത്തിന് കാരണം.

പരിശോധനകള്‍

പ്രസവശേഷം ലേബര്‍റൂമില്‍ വച്ചു തന്നെ ഹൃദയമിടിപ്പ് ഇടയ്ക്കിടയ്ക്ക് പരിശോധിയ്ക്കണം. രക്തസമ്മര്‍ദ്ദം, ഗര്‍ഭപാത്രം ചുരുങ്ങിയിട്ടുണ്ടോ, രക്തസ്രവാം കൂടുതലാണോ തുടങ്ങിയ കാര്യങ്ങളില്‍ പരിശോധന നിര്‍ബന്ധമായും നടത്തണം.

മുറിവുകളില്‍ ശ്രദ്ധ

പ്രസവം കഴിഞ്ഞ് റൂമിലേക്ക് മാറ്റുന്നതിന് മുന്‍പായി തന്നെ യോനിയിലുള്ള മുറിവ് പരിശോധിയ്ക്കണം. പ്രശ്‌നമില്ലെന്നും മൂത്രമൊഴിച്ചെന്നും ഉറപ്പ് വരുത്തിയതിനു ശേഷം മാത്രം റൂമിലേക്ക് മാറ്റുകയുള്ളൂ.

തലകറക്കമെന്ന പ്രശ്‌നം

സിസേറിയനു ശേഷമാണ് ഈ പ്രശ്‌നം കൂടുതല്‍ ഉണ്ടാവുന്നത്. സാവധാനം നടക്കേണ്ടത് അത്യാവശ്യമാണ്. എന്നാല്‍ എപ്പോഴും കൂടെ ഒരാള്‍ ഉണ്ടാവണം എന്നതാണ് ശ്രദ്ധിക്കേണ്ടത്.

ശ്രദ്ധിക്കേണ്ട കാര്യങ്ങള്‍

കുഞ്ഞിന് പാലു കൊടുക്കുന്നത് ശരിയായ രീതിയിലാണോ എന്നത് ശ്രദ്ധിക്കണം. മാത്രമല്ല പൊക്കിള്‍ക്കൊടിയും പരിശോധിക്കേണ്ടതാണ്.

ഭക്ഷണത്തിന്റെ കാര്യത്തില്‍

പ്രസവശേഷം റൂമിലേക്ക് മാറ്റിയാല്‍ തന്നെ ഭക്ഷണം കൊടുത്ത് തുടങ്ങാം. എന്നാല്‍ ലഘുവായ ഭക്ഷണങ്ങള്‍ മാത്രമേ കൊടുക്കാന്‍ പാടുള്ളൂ.

പ്രസവശേഷം രക്തസ്രാവം

പ്രസവശേഷം ഒരുമാസത്തിനടുത്ത് വരെ രക്തസ്രാവം ഉണ്ടാവും. എന്നാല്‍ ഇതിന്‌ ദുര്‍ഗന്ധം ഉണ്ടെങ്കില്‍ അണുബാധയുണ്ടെന്ന് ഉറപ്പിക്കാം. അതുകൊണ്ട് തന്നെ ശുചിത്വമാണ് പ്രധാനം.