ഗര്‍ഭകാലത്തില്‍ പറ്റിയ സ്‌നാക്കുകള്‍

Pre Natal

oi-Saritha

By Veena

Published: Thursday, April 19, 2012, 12:47 [IST]

ഗര്‍ഭകാലത്ത് വിശപ്പു കൂടുന്നത് സാധാരണം. എന്നാല്‍ ജോലിക്കാരായ സ്ത്രീകള്‍ക്ക് ഇഷ്ടാനുസരണം ഭക്ഷണം കഴിയ്ക്കാന്‍ പറ്റിയെന്നു വരില്ല. പലരും ഇത് വറുത്ത സ്‌നാക്കുകള്‍ കഴിച്ചാണ് പരിഹരിക്കുക. ഇത് ആരോഗ്യത്തിന് നല്ലതല്ല. ഗര്‍ഭകാലത്ത് പോഷകഗുണമുള്ള സ്‌നാക്കുകള്‍ വേണം തെരഞ്ഞെടുക്കുവാന്‍.

ഏറ്റവും ആരോഗ്യകരമായ സ്‌നാക്‌സാണ് പഴവര്‍ഗങ്ങളെന്നു പറയാം. ഇവ കഷ്ണങ്ങളാക്കി സൂക്ഷിച്ചാല്‍ ഓഫീസിലിരുന്നും കഴിയ്ക്കാന്‍ എളുപ്പമാണ്.

മുളപ്പിച്ച സാലഡുകള്‍ വിശപ്പിന് ചേര്‍ന്ന ഭക്ഷണമാണ്. ചെറുപയര്‍ മുളപ്പിച്ച് അതില്‍ തക്കാളി മുറിച്ചിട്ട് ഉപ്പും നാരങ്ങാനീരും കുരുമുളകുപൊടിയും ചേര്‍ത്താല്‍ നല്ലൊന്നാന്തരം സാലഡായി. കുക്കുമ്പര്‍, ക്യാപ്‌സിക്കം തുടങ്ങിയവ ഉപയോഗിച്ചും സാലഡുണ്ടാക്കാം. ക്യാരറ്റും ഓഫീസിലിരുന്നു കഴിയ്ക്കാന്‍ പറ്റിയ ഭക്ഷണം തന്നെ.

പച്ചക്കറികള്‍ വച്ചോ മുട്ട വച്ചോ ഉള്ള സാന്‍ഡ്‌വിച്ചും തയ്യാറാക്കി കൊണ്ടുപോയാല്‍ ഇടനേരങ്ങളില്‍ കഴിയ്ക്കാന്‍ പറ്റിയ വിഭവം തന്നെ.

ചോളം പുഴുങ്ങിയത്, വിവിധയിനം പച്ചക്കറികള്‍ അരിഞ്ഞത് എന്നിവയും കഴിയ്ക്കാം. ആവിയില്‍ വേവിച്ചെടുക്കുന്നതുകൊണ്ട് ഇഡ്ഢലിയും വേണമെങ്കില്‍ വിശക്കുമ്പോള്‍ ഓഫീസിലിരുന്നു കഴിയ്ക്കാം.

വറുത്ത സാധനങ്ങള്‍, കൃത്രിമ നിറങ്ങള്‍ ചേര്‍ത്ത ഭക്ഷണങ്ങള്‍ തുടങ്ങിയ സ്‌നാക്‌സ് ലിസ്റ്റില്‍ നിന്ന് ഒഴിവാക്കണം.

അടുത്ത പേജില്‍