ഓഫീസിലും ഗര്‍ഭകാല ശുശ്രൂഷ

Pre Natal

oi-Saritha

By Veena

Published: Thursday, April 19, 2012, 12:45 [IST]

ഗര്‍ഭകാലത്ത് രണ്ടുപേര്‍ക്കുള്ള ഭക്ഷണം കഴിയ്ക്കണമെന്നു പറയും. എന്നാല്‍ ജോലി ചെയ്യുന്ന സ്ത്രീകള്‍ക്ക് ഗര്‍ഭാവസ്ഥയില്‍ പലപ്പോഴും ഭക്ഷണകാര്യത്തില്‍ കൃത്യമായ സമയക്രമമോ ശ്രദ്ധയോ വയ്ക്കാന്‍ പറ്റിയെന്നു വരില്ല.

ഗര്‍ഭിണികളായ ഉദ്യോഗസ്ഥകള്‍ ആരോഗ്യകാര്യത്തില്‍ കൂടുതല്‍ ശ്രദ്ധ വയ്ക്കണം. കാരണം ജോലിഭാരം കൂടുന്നതു കൊണ്ട് പോഷകവും കൂടുതല്‍ വേണം. മൂന്ന് അല്ലെങ്കില്‍ നാലു നേരം ഭക്ഷണമെന്നതിന് പുറമെ പോഷകങ്ങളടങ്ങിയ ലഘുഭക്ഷണങ്ങള്‍ ഇടയ്ക്കിടെ കഴിയ്ക്കുന്നതും പതിവാക്കണം.

ഗര്‍ഭകാലത്തെ ഡയറ്റ്

ഗര്‍ഭിണിയുടെ ഡയറ്റില്‍ 5 പ്രധാന കാര്യങ്ങള്‍ ഉള്‍പ്പെടുത്തുകയെന്നത് പ്രധാനം. ധാന്യങ്ങള്‍, പച്ചക്കറികള്‍, പഴവര്‍ഗങ്ങള്‍, പാല്‍, മത്സ്യം എന്നിവയാണിവ.

ദീര്‍ഘമായി ഇടവേളകളില്‍ ഭക്ഷണം കഴിയ്ക്കാതെ ഇടയ്ക്കിടെ ആരോഗ്യത്തിനു ചേരുന്ന സ്‌നാക്‌സ് കഴിയ്ക്കാം. എന്തു കഴിയ്ക്കുമ്പോഴും മിതമായ അളവില്‍ കഴിയ്ക്കാന്‍ ശ്രദ്ധിക്കണം.

ധാരാളം വെള്ളം കുടിയ്ക്കുക. ശാരീരിക പ്രവര്‍ത്തനങ്ങള്‍ക്ക് മാത്രമല്ലാ, ഛര്‍ദി ഒഴിവാക്കാനും ഇതു നല്ലതാണ്.

പാലും പാലുല്‍പന്നങ്ങളും ധാരാളം കഴിയ്ക്കുക. പാല്‍ കുടിയ്ക്കാന്‍ മടിയുള്ളവര്‍ക്ക് പനീര്‍ ഉപയോഗിക്കാം.

മുട്ടയും നല്ലതാണ്. മുട്ട നന്നായി വേവിച്ചു മാത്രം ഉപയോഗിക്കുക. ഇറച്ചി, മീന്‍ തുടങ്ങിയവയും ഇതുപോലെത്തന്നെ ഉപയോഗിക്കുക.

ദിവസവും രണ്ടുമൂന്നു തരം ഫ്രൂട്‌സെങ്കിലും കഴിയ്ക്കണം. ഇത് നല്ലപോലെ കഴുകി വൃത്തിയാക്കി കഴിയ്ക്കണം. പപ്പായ, പൈനാപ്പിള്‍ തുടങ്ങിയവ ഒഴിവാക്കണം.

ഫോളിക് ആസിഡ് അടങ്ങിയതു കൊണ്ട് ഇലവര്‍ഗങ്ങള്‍, ബ്രൊക്കോളി തുടങ്ങിയവ ഭക്ഷണത്തില്‍ ഉള്‍പ്പെടുത്തണം.

മദ്യം, കാപ്പി, പുകവലി, ചായ, ശീതളപാനീയങ്ങള്‍ തുടങ്ങിയവ ഒഴിവാക്കേണ്ട ലിസ്റ്റില്‍ പെടുന്നു.

അടുത്ത പേജില്‍