അബോര്‍ഷന് ദൂഷ്യഫലങ്ങള്‍ ധാരാളം

Pre Natal

oi-Saritha

By Veena

Published: Friday, March 30, 2012, 13:17 [IST]

എന്തിന്റെ പേരിലായാലും അബോര്‍ഷന് ദോഷങ്ങളും ധാരാളമുണ്ട്. അബോര്‍ഷനെ തുടര്‍ന്ന് വയറുവേദന, ഛര്‍ദി തുടങ്ങിയ പ്രശ്‌നങ്ങളും ചില സ്ത്രീകളില്‍ കണ്ടുവരാറുണ്ട്. ഇതിന് പുറമെ ബ്ലീഡിംഗ്, അണുബാധ, ഗര്‍ഭപാത്രത്തിനുണ്ടാകുന്ന തകരാറുകള്‍ എന്നിവയും അബോര്‍ഷന്റെ മറ്റു ചില വശങ്ങളാണ്.

അബോര്‍ഷനായി യൂട്രസിലേക്കു കടത്തുന്ന ഉപകരണങ്ങള്‍ക്ക് എന്തെങ്കിലും പ്രശ്‌നമുണ്ടെങ്കില്‍ അണുബാധയുണ്ടാകാനുള്ള സാധ്യത കൂടുതലാണ്. വേണ്ട രീതിയില്‍ ചികിത്സിച്ചില്ലെങ്കില്‍ ഭാവിയില്‍ വന്ധ്യത വരെ വരുത്തി വയ്ക്കാവുന്ന പ്രശ്‌നമായി ഇതു മാറും.

അബോര്‍ഷന് ശേഷവും ഭ്രൂണത്തിന്റെ ഏതെങ്കിലും ഭാഗം വയറ്റില്‍ അവശേഷിക്കുന്നത് അണുബാധ, ബ്ലീഡിംഗ് തുടങ്ങിയ പ്രശ്‌നങ്ങള്‍ ഉണ്ടാക്കും.

ഉപകരണങ്ങള്‍ ഉള്ളിലേക്കു കടത്തുമ്പോള്‍ ഗര്‍ഭപാത്രത്തിനു മാത്രമല്ലാ, ശരീരത്തിലെ മറ്റ് അവയവങ്ങള്‍ക്കും അണുബാധയും മുറിവും ഉണ്ടാകാനുള്ള സാധ്യത കൂടുതലാണ്.

ചിലപ്പോള്‍ ബ്ലീഡിംഗ് അബോര്‍ഷന് വിധേയയാകുന്ന സ്ത്രീയുടെ മരണത്തില്‍ തന്നെ കലാശിക്കാറുമുണ്ട്.