അബോര്‍ഷന്‍, ചില സത്യങ്ങള്‍

Pre Natal

oi-Saritha

By Veena

Published: Friday, March 30, 2012, 13:19 [IST]

ആഗ്രഹിക്കാത്ത ഗര്‍ഭം കളയാന്‍ മിക്കവാറും പേര്‍ അബോര്‍ഷനെയാണ് ആശ്രയിക്കാറ്. നിയമപരമായ രീതിയിലും അല്ലാതെയും ഇത് നടത്തുന്നവരുണ്ട്.

മാനുവല്‍ വാക്വം, ഡയലേഷന്‍-ഇവാക്വേഷന്‍, ക്യൂറിട്ടേജ്, ഗുളികകള്‍ എന്നിവയാണ് അബോര്‍ഷന് സാധാരണ രീതിയില്‍ ചെയ്തു വരുന്ന മാര്‍ഗങ്ങള്‍.

ഏഴ് ആഴ്ച വരെ മാത്രം പ്രായമുള്ള ഭ്രൂണത്തെ നശിപ്പിക്കാന്‍ മാന്വല്‍ വാക്വം ഉപയോഗിക്കാറുണ്ട്. സിറിഞ്ച് പിടിപ്പിച്ച ഒരു ട്യൂബ് ഗര്‍ഭപാത്രത്തിലേക്കിറക്കി ഭ്രൂണത്തെ വലിച്ചെടുക്കുകയാണ് ഇവിടെ ചെയ്യുന്നത്.

മൂന്നു മാസത്തില്‍ കൂടുതലുള്ള ഭ്രൂണത്തെ നശിപ്പിക്കാന്‍ ഡയലേഷന്‍-ഇവാക്വേഷന്‍ വഴി ഉപയോഗിക്കാറുണ്ട്. ഇവിടെ സെര്‍വിക്‌സ് തുറന്ന് ഭ്രൂണത്തെ ഫോര്‍സെപ്‌സ് സഹായത്തോടെ വലിച്ചെടുക്കുകയാണ് ചെയ്യുന്നത്. വലിച്ചെടുക്കുന്നതിന് മുന്‍പു തന്നെ ഭ്രൂണത്തിന്റെ തലഭാഗം തകര്‍ക്കുകയും ചെയ്യും.

6-14 മാസം വരെ പ്രായമുള്ള ഭ്രൂണത്തെ നശിപ്പിക്കാന്‍ ക്യൂറിട്ടേജ് ഉപയോഗിക്കാറുണ്ട്. ഇവിടെ ഗര്‍ഭപാത്രം സെര്‍വിക്‌സ് തുറന്ന് സക്്ഷന്‍ മെഷീന്‍ വഴി ഭ്രൂണത്തെ ഗര്‍ഭപാത്രത്തില്‍ നിന്ന് പുറത്തേക്കു വലിച്ചെടുക്കുന്നു. പിന്നീട് ക്യൂറെറ്റ് എന്ന ഒരു ഉപകരണം ഗര്‍ഭപാത്രത്തിലേക്കു കടത്തി ഗര്‍ഭപാത്രം വൃത്തിയാക്കും.

നാലു മുതല്‍ ആറാഴ്ച വരെയുള്ള ഗര്‍ഭം അലസിപ്പിക്കാനാണ് സാധാരണയായി ഗര്‍ഭനിരോധന ഗുളികകള്‍ ഉപയോഗിക്കാറ്. ഇത്തരം ഗുളിക ഭ്രൂണത്തെ കൊല്ലുകയാണ് ചെയ്യുന്നത്.