മുലയൂട്ടിയാല്‍ ഇരട്ടക്കുട്ടികള്‍!

Pre Natal

oi-Saritha

By Veena

Published: Monday, March 19, 2012, 15:07 [IST]

ഗര്‍ഭം ധരിക്കുമ്പോഴും ആദ്യത്തെ കുട്ടിയെ മുലയൂട്ടുന്ന സ്ത്രീകളില്‍ ഇരട്ടക്കുട്ടികളുണ്ടാകാനുള്ള സാധ്യത കൂടുതലാണെന്ന് വൈദ്യശാസ്ത്ര പഠനങ്ങള്‍ തെളിയിച്ചിട്ടുണ്ട്. മുലയൂട്ടല്‍ അണ്ഡോല്‍പാദനത്തെ സ്വാധീനിക്കുന്നുവെന്നതാണ് ഇതിന് കാരണമായി പറയുന്നത്. മുലയൂട്ടുമ്പോള്‍ ഹോര്‍മോണ്‍ വ്യത്യാസങ്ങള്‍ കാരണം ഒന്നില്‍ കൂടുതല്‍ അണ്ഡങ്ങള്‍ ഉല്‍പാദിപ്പിക്കാനുള്ള സാധ്യത കൂടുതലാണ്. എന്നാല്‍ ഇത് സാര്‍വത്രികമായി അംഗീകരിക്കപ്പെട്ടിട്ടുള്ള ഒരു കാരണമല്ല.

പാലും പാലുല്‍പന്നങ്ങളും കൂടുതല്‍ കഴിയ്ക്കുന്നവര്‍ക്ക് ഇരട്ട കുട്ടികളുണ്ടാകാനുള്ള സാധ്യത കൂടുതലാണെന്നു തെളിഞ്ഞിട്ടുണ്ട്. ഇരട്ടക്കുട്ടികളുണ്ടാകാന്‍ ആഗ്രഹമുണ്ടെങ്കില്‍ ഗര്‍ഭധാരണത്തിന് ശ്രമിക്കുമ്പോള്‍ ഇത്തരം ഭക്ഷണങ്ങള്‍ കൂടുതല്‍ കഴിയ്ക്കുന്നത് ഗുണം ചെയ്യുമെന്നര്‍ത്ഥം.

ആഫ്രിക്കയിലെ ഒരു പ്രത്യേക വര്‍ഗത്തില്‍ പെട്ടവര്‍ക്ക് ഇരട്ടക്കുട്ടികള്‍ കൂടുതലായി പിറക്കുന്നതായി തെളിഞ്ഞിട്ടുണ്ട്. ഇതിന് പുറകിലുള്ള കാരണം അന്വേഷിച്ചപ്പോള്‍ ചെന്നെത്തിയതോ, ഒരു പ്രത്യേക വിഭാഗം ചേനയില്‍. ഇവര്‍ ഉപയോഗിക്കുന്ന ഭക്ഷണങ്ങളുടെ പ്രത്യേകതയാണ് ഇവിടെ ഇരട്ടക്കുട്ടികള്‍ ജനിക്കാനുള്ള കാരണമായി ശാസ്ത്രജ്ഞര്‍ കണ്ടെത്തിയത്. ഉരുളക്കിഴങ്ങ്, മധുരക്കിഴങ്ങ, ചേന എന്നിവയാണ് ഇവര്‍ കൂടുതലായി കഴിക്കുന്നത്. അതുകൊണ്ട് ഇത്തരം ഭക്ഷണസാധനങ്ങളും ഇരട്ടക്കുട്ടികള്‍ക്കുള്ള സാധ്യത വര്‍ദ്ധിപ്പിക്കുന്നതായി വേണമെങ്കില്‍ പറയാം.