ഇരട്ടക്കുട്ടികള്‍ക്കു പിന്നില്‍

Pre Natal

oi-Saritha

By Veena

Published: Monday, March 19, 2012, 15:10 [IST]

ഇരട്ടക്കുട്ടികളുണ്ടായാല്‍ അല്‍പകാലത്തേക്കെങ്കിലും വളര്‍ത്തി വലുതാക്കാന്‍ ബുദ്ധിമുട്ടാണെന്ന ധാരണയുള്ളവരുണ്ട്. ഇരട്ടക്കുട്ടികളെ ആഗ്രഹിക്കുന്നവരുമുണ്ട്. വേണമെന്നുണ്ടെങ്കില്‍ ലഭിക്കുന്നതല്ല ഇരട്ടക്കുട്ടികള്‍. എന്നാല്‍ ഈ സാധ്യത നിലനിര്‍ത്തുന്ന ചില കാര്യങ്ങളുണ്ട്.

വന്ധ്യതാചികിത്സക്കു വിധേയമാകുന്നവരില്‍ ഇരട്ടക്കുട്ടികളുണ്ടാകാനുള്ള സാധ്യത കൂടുതലാണ്. ഐവിഎഫ് വഴി ഗര്‍ഭം ധരിച്ചാലും ഇതിനു സാധ്യത കൂടുതലാണ്. ചികിത്സയുടെ പ്രത്യേകതയാണ് ഇവിടെ ഇരട്ടക്കുട്ടികള്‍ക്കുള്ള സാധ്യത കൂട്ടുന്നത്. ഗര്‍ഭധാരണത്തിന് ചില പ്രത്യേക ചികിത്സാരീതികള്‍ സ്വീകരിക്കുന്നവരിലും ഇരട്ടക്കുട്ടികള്‍ക്കുള്ള സാധ്യത കൂടുതലാണെന്നാണ് കണ്ടുവരുന്നത്.

വൈകി ഗര്‍ഭം ധരിക്കുന്നവരില്‍, പ്രത്യേകിച്ച്് നാല്‍പതിന് മുകളില്‍ പ്രായമുളളവര്‍ ഗര്‍ഭം ധരിച്ചാല്‍ ഇരട്ടക്കുട്ടികള്‍ക്ക് സാധ്യത കൂടുതലാണ്. ഇതിന് കാരണവുമുണ്ട്. മെനോപോസിനോടടുത്താണ് ഒരു സ്ത്രീയുടെ ആര്‍ത്തവചക്രം കൂടുതല്‍ പ്രവര്‍ത്തന സജ്ജമാകുന്നത്. ഇതുകൊണ്ട് ഒന്നില്‍ കൂടുതല്‍ അണ്ഡോല്‍പാദനം നടക്കാനുള്ള സാധ്യതയുണ്ട്. ഇവ ബീജങ്ങളുമായി ചേര്‍ന്നാല്‍ ഇരട്ടക്കുട്ടികള്‍ക്കുള്ള സാധ്യതയും കൂടുതലാണ്. വൈകി കുട്ടികളുണ്ടാകുന്ന ചിലര്‍ക്ക് ഇരട്ടക്കുട്ടികളുണ്ടാകുന്നത് ഈ കാരണം കൊണ്ടാണ്.

കുടുംബ പാരമ്പര്യവും ഇതില്‍ പ്രധാന പങ്കു വഹിയ്ക്കുന്നുണ്ട്. കുടുംബത്തില്‍ ആര്‍ക്കെങ്കിലും ഇരട്ടക്കുട്ടികളുണ്ടായിട്ടുണ്ടെങ്കില്‍ ഇതിനുള്ള സാധ്യയും കൂടുതലാണ്.

അമിതവണ്ണമുള്ളവരില്‍ ഇരട്ടക്കുട്ടികള്‍ക്കുള്ള സാധ്യത കൂടുതലാണ്. എന്നാല്‍ ഇരട്ടക്കുട്ടികളുണ്ടാകാന്‍ വേണ്ടി ഇത്തരമൊരു രീതി വൈദ്യശാസ്ത്രം പ്രോത്സാഹിപ്പിക്കുന്നില്ല. ഇത് തികച്ചും അനാരോഗ്യകരമായ രീതിയാണ്. അമിതവണ്ണമുള്ളവര്‍ക്ക് ഇരട്ടക്കുട്ടികളുണ്ടായാലും ഇവര്‍ ഒരേപോലെയാകാനുള്ള സാധ്യതയും വളരെ കുറവാണ്.