ആറാഴ്ചയില്‍ ഒരിക്കല്‍ തൊലിയിളകിപ്പോകും ഭീകരാവസ്ഥ

ശാലിനിയുടെ ദുരവസ്ഥ

തൊലി പൊളിയുന്ന അപൂര്‍വ്വ ചര്‍മ്മ രോഗമാണ് ശാലിനി യാദവ് എന്ന 16വയസ്സുകാരിയ്ക്ക്. ദിവസവും ഓരോ മണിക്കൂര്‍ ഇടവിട്ട് വെള്ളം നനച്ച് കൊടുക്കണം. മാത്രമല്ല ഇതിനായി പ്രത്യേക ക്രീമുകളും മരുന്നുകളും എല്ലാം പുരട്ടണം.

വേദന അതിഭീകരം

ഓരോ പ്രാവശ്യം ചര്‍മ്മം അടര്‍ന്നു പോരുമ്പോഴുള്ള വേദന അതിഭീകരമാണെന്ന് ശാലിനി തന്നെ പറയുന്നു. മാത്രമല്ല നാട്ടുകാരും വീട്ടുകാരും എല്ലാം വളരെ മോശമായ രീതിയിലാണ് തന്നോട് പെരുമാറുന്നത് എന്നും ശാലിനി.

കുട്ടിക്കാലം മുതലുള്ള അവസ്ഥ

കുട്ടിക്കാലം മുതലുള്ള അവസ്ഥയാണ് ഇത്. കുട്ടിക്കാലത്ത് 45 ദിവസത്തിലൊരിക്കലായിരുന്നു ഇത്തരം ബുദ്ധിമുട്ടുണ്ടായിരുന്നത്.

ചികിത്സ ഫലിക്കാതെ വരുന്നു

വര്‍ഷങ്ങളായി ചികിത്സിച്ചിട്ടും യാതൊരു വിധത്തിലുള്ള മാറ്റവും ഇതിനുണ്ടായില്ല. മാത്രമല്ല ഇതിന് ഇതുവരേയും കൃത്യമായ ചികിത്സ ലഭിച്ചിട്ടില്ല. എല്ലാ ചികിത്സയും പരാജയപ്പെട്ട അവസ്ഥയിലാണ് ശാലിനിയും കുടുംബവും.

സ്‌കൂളില്‍ നിന്നും പുറത്താക്കി

രൂപം കണ്ടാല്‍ പേടിയാകുമെന്ന് പറഞ്ഞ് സ്‌കൂളില്‍ നിന്നും ശാലിനിയെ പുറത്താക്കി. വികൃതരൂപിയെന്ന് പറഞ്ഞ് സഹപാഠികളും ഗുരുക്കന്‍മാരും ആക്ഷേപിക്കുകയാണ്.

നടക്കാന്‍ ബുദ്ധിമുട്ട്

കാലില്‍ തൊലി പൊളിഞ്ഞ് വരണ്ട് കൂടിയതോടെ നടക്കാന്‍ ബുദ്ധിമുട്ടുണ്ട്. വടി ഉപയോഗിച്ചാണ് ഇപ്പോള്‍ നടക്കുന്നത്. എറിത്രോഡെര്‍മ എന്നാണ് ഈ അവസ്ഥയുടെ പേര്. സാമ്പത്തിക പരാധിനതകളും പലപ്പോഴും ചികിത്സയ്ക്ക് ബുദ്ധിമുട്ട് സൃഷ്ടിയ്ക്കുന്നു. all image source