ഐശ്വര്യനേട്ടം സാമ്പത്തികലാഭം എല്ലാം ഈ ശീലത്തിലൂടെ

മുതിര്‍ന്നവരെ ബഹുമാനിയ്ക്കുക

മുതിര്‍ന്നവരെ ബഹുമാനിയ്ക്കാനും അവരോട് നല്ല രീതിയില്‍ ഇടപെടാനും ശ്രദ്ധിക്കുക. മുതിര്‍ന്നവരുടെ അനുഗ്രഹമാണ് പലപ്പോഴും നമ്മുടെ ഭാഗ്യത്തെ നിര്‍ണയിക്കുന്നത്.

സ്ത്രീകളെ ബഹുമാനിയ്ക്കുക

സ്ത്രീകളെ ബഹുമാനിയ്ക്കാന്‍ പഠിയ്ക്കണം. പലപ്പോഴും സ്ത്രീകളെ അടിച്ചു താഴ്ത്താനും മറ്റു പല രീതിയില്‍ ഉള്ള മോശമായ പെരുമാറ്റവും എല്ലാമാണ് പലപ്പോഴും നമ്മുടെ സമൂഹത്തിന്റെ അധപതനത്തിന് കാരണമാകുന്നത്.

പാവങ്ങളോട് ദയ

മനുഷ്യരാണെങ്കില്‍ സഹജീവികളോട് ദയ, കാരുണ്യം തുടങ്ങിയവ ഉണ്ടായിരിക്കണം.ഇത് നിങ്ങളുടെ യശസ്സ് ഉയര്‍ത്താനും സാമ്പത്തിക ഉന്നമനത്തിനും കാരണമാകും.

മൃഗങ്ങളോട് കരുണ

മനുഷ്യന്റെ സഹജീവികള്‍ എന്ന് പറയുമ്പോള്‍ അതില്‍ എല്ലാ തരത്തിലുള്ള ജീവജാലങ്ങളും പെടും. എല്ലാ മൃഗങ്ങളോട് സ്‌നേഹത്തോടെയും കരുണയോടെയും പെരുമാറുക.

കൈകണികാണുക

രാവിലെ എഴുന്നേല്‍ക്കുമ്പോള്‍ തന്നെ ഇരുകൈകളിലേക്കും നോക്കുക. നമ്മുടെ ഉള്ളം കൈയ്യിലാണ് ലക്ഷ്മീദേവി വസിയ്ക്കുന്നത് എന്നാണ് വിശ്വാസം.

രാവിലെ കവിള്‍ കൊള്ളുമ്പോള്‍

രാവിലെ കവിള്‍ കൊള്ളുമ്പോള്‍ തേന്‍ കൊണ്ട് കവിള്‍ കൊള്ളാന്‍ ശ്രമിക്കുക. അതിനു ശേഷം കുളിച്ച് സൂര്യനെ പ്രാര്‍ത്ഥിച്ച് പൂവും പഞ്ചസാരയും നേദിയ്ക്കാം. ഇത് സാമ്പത്തിക പ്രതിസന്ധികളെ ഇല്ലാതാക്കുന്നു.

ഭക്ഷണത്തിനു മുന്‍പ്

ഭക്ഷണം കഴിയ്ക്കുന്നതിനു മുന്‍പ് മൂന്ന് തവണയായി ഭക്ഷണം പശുവിനും പക്ഷിയ്ക്കും നായക്കുമായി മാറ്റി വെയ്ക്കുക. ഇത് നിങ്ങള്‍ക്ക് ഐശ്വര്യവും സമൃദ്ധിയും നല്‍കുന്നു.