ദുസ്വപ്‌നങ്ങള്‍ക്ക് പിന്നില്‍..

By Sruthi K M

Published: Saturday, April 25, 2015, 16:15 [IST]

ദുസ്വപ്‌നങ്ങള്‍ മിക്കവരുടെയും കൂടെപ്പിറപ്പാണ്. എന്നാല്‍ ദുസ്വപ്‌നങ്ങള്‍ കണ്ട് പേടിക്കുന്നവര്‍ ചിന്തിക്കുന്നത് ഇത് അവര്‍ക്ക് മാത്രം ഉണ്ടാകുന്ന പ്രശ്‌നമാണോ എന്നാണ്. പിന്നീട് അതോര്‍ത്തുള്ള ഭയവും ടെന്‍ഷനുമാണ്. ചില ദുസ്വപ്‌നങ്ങള്‍ സംഭവിക്കാന്‍ പോകുന്ന സൂചനകള്‍ നല്‍കുന്നു എന്നും പറയുന്നു. ആ സ്വപ്‌നം ഫലിക്കുമോ എന്നോര്‍ത്ത് പേടിച്ച് ജീവിക്കുന്നു.

എന്തിനെയാണ് നിങ്ങള്‍ ഭയക്കുന്നത്..?

ഇങ്ങനെ സ്വപ്‌നം കണ്ട് ഭയന്ന് എന്തിനാണ് നിങ്ങളുടെ ഹൃദയമിടിപ്പ് കൂട്ടുന്നത്. അപകടത്തില്‍പ്പെടുന്നതും ഉയരത്തില്‍ നിന്നും വീഴുന്നതും അധികപേരുടെയും സ്വപ്‌നങ്ങളാണ്. ഇതൊക്കെ ചിലപ്പോള്‍ ജീവിത സാഹചര്യത്തില്‍ നിങ്ങള്‍ മുന്‍പ് നേരിട്ടതാകാം. അതിനെക്കുറിച്ചുള്ള ഭയവും ചിന്തയുമാണ് ഇത്തരം സ്വപ്‌നങ്ങളിലേക്ക് നിങ്ങളെ കൊണ്ടെത്തിക്കുന്നത്.

ദുസ്വപ്‌നങ്ങള്‍ക്കുള്ള കാരണം

രാത്രി ഭക്ഷണങ്ങള്‍ കഴിക്കാതെ ഉറങ്ങുന്നവരില്‍ ഇത്തരം പ്രശ്‌നങ്ങള്‍ ഉണ്ടാകാം.

ദുസ്വപ്‌നങ്ങള്‍ക്കുള്ള കാരണം

വൈകിയുള്ള ആഹാരം കഴിക്കലും ദുസ്വപ്‌നങ്ങള്‍ക്ക് വഴിവെക്കാം. വൈകിയുള്ള ആഹാരം ശരീരത്തിലെ പ്രവര്‍ത്തനങ്ങളെ വര്‍ദ്ധിപ്പിക്കുകയും തലച്ചോറ് കൂടുതല്‍ സജീവമാകാന്‍ പ്രേരിപ്പിക്കുകയും ചെയ്യും.

മരുന്നുകളുടെ ഉപയോഗം

നിരവധി മരുന്നുകളുടെ ഉപയോഗവും ദുസ്വപ്‌നങ്ങളെ പ്രോത്സാഹിപ്പിക്കാം. ആന്റി ഡിപ്രസന്റ്‌സ്, നാര്‍ക്കോട്ടിക്‌സ് തുടങ്ങിയവ തലച്ചോറിലെ രാസപ്രക്രിയയ്ക്ക് ആക്കം കൂട്ടുന്നതാണ് കാരണം.