ശാസ്ത്രം പോലും മുട്ടുമടക്കി.. സംഭവിച്ചതും വിശ്വസിക്കാന്‍ പ്രയാസമുള്ളതുമായ യാദൃശ്ചികതകള്‍

ലോകത്ത് രണ്ട് തരം ആളുകള്‍ ഉണ്ട്. യുക്തിയിലും ശാസ്ത്രത്തിലും വിശ്വസിക്കുന്നവരും അമാനുഷിക ശക്തികളില്‍ വിശ്വസിക്കുന്നവരും. ഇതില്‍ ഏറ്റവും ആശ്ചര്യജനകമായ കാര്യം, ഒന്നാമത്തെ വിഭാഗത്തില്‍പ്പെട്ട ആളുകള്‍ മഹാശക്തികളില്‍ വിശ്വസിക്കുന്നില്ല എന്നതാണ്. എന്നാല്‍ പരിഹരിക്കപ്പെടാത്തതോ അവിശ്വസനീയമായതോ ആയ എന്തെങ്കിലും സംഭവങ്ങള്‍ അവരുടെ മുന്നില്‍ സംഭവിക്കുമ്പോള്‍, അത്തരം സംഭവങ്ങള്‍ കാരണം അവര്‍ ദൈവത്തിലോ ഏതെങ്കിലും സര്‍വ്വശക്തിയിലോ വിശ്വസിക്കാന്‍ തുടങ്ങുന്നു.

ഈ രണ്ട് വിഭാഗം ആളുകളെ കൂടാതെ, 'ശാസ്ത്ര'ത്തിലും 'സത്യ'ത്തിലും അധിഷ്ഠിതമായ കാര്യങ്ങളില്‍ മാത്രം വിശ്വസിക്കുന്ന ചിലരുണ്ട്. അവിശ്വസനീയമായ ചില സംഭവങ്ങള്‍ ഇത്തരക്കാര്‍ക്ക് സംഭവിച്ചാല്‍ പോലും അവര്‍ അതിനെ 'യാദൃശ്ചികം' എന്ന് വിളിക്കുന്നു. ഇന്ന് നമ്മള്‍ ഈ വിഷയത്തെക്കുറിച്ചാണ് സംസാരിക്കാന്‍ പോകുന്നത്. ഇന്ന് ഞങ്ങള്‍ നിങ്ങളോട് പറയാന്‍ പോകുന്നത് അത്തരം ചില വലിയ നിഗൂഢ യാദൃശ്ചികതകളെക്കുറിച്ചാണ്. ഈ സംഭവങ്ങള്‍ ശരിക്കും 'സങ്കല്‍പ്പിക്കാനാവാത്തതും' 'അവിശ്വസനീയവുമാണ്'.

ഓസിലും ഫെരാരിയും

ഈ ചിത്രം ശ്രദ്ധാപൂര്‍വ്വം നോക്കുക. രണ്ടും ഒന്നാണെന്ന് നിങ്ങള്‍ക്ക് തോന്നും. എന്നാല്‍ ഒരു ചിത്രം കറുപ്പും വെളുപ്പും മറ്റൊന്ന് നിറവുമാണ്. എന്നാല്‍ ഈ രണ്ടുപേരും ഒരുപോലെയല്ല. ഫെരാരി കമ്പനിയുടെ ഉടമയും കാര്‍ റേസറും കൂടിയായിരുന്ന എന്‍സോ ഫെരാരി എന്നാണ് ബ്ലാക്ക് ആന്‍ഡ് വൈറ്റ് ചിത്രത്തിലെ വ്യക്തിയുടെ പേര്. 1988 ഓഗസ്റ്റില്‍ അദ്ദേഹം ഇറ്റലിയില്‍ അന്തരിച്ചു. എന്നാല്‍ അതേ വര്‍ഷം, അതായത് 1988 ഒക്ടോബര്‍ 15 ന് ജര്‍മ്മന്‍ ഫുട്‌ബോള്‍ താരം ഓസില്‍ ജനിച്ചു. ഇരുവരുടെയും മുഖങ്ങള്‍ പരസ്പരം സാമ്യമുള്ളതാണെങ്കിലും അവ തമ്മില്‍ ഒരു തരത്തിലും ബന്ധമില്ല എന്നതാണ് അതിശയിപ്പിക്കുന്ന കാര്യം. അസാധ്യമെന്നു തോന്നുന്ന ഈ യാദൃശ്ചികതയും ഒരു യാഥാര്‍ത്ഥ്യമാണ്.

യുദ്ധത്തില്‍ കൊല്ലപ്പെട്ട സൈനികര്‍

നമുക്ക് ഒന്നാം ലോക മഹായുദ്ധത്തെക്കുറിച്ച് സംസാരിക്കാം. ഒന്നാം ലോക മഹായുദ്ധം 1914 ജൂലൈ 28 ന് പ്രഖ്യാപിക്കപ്പെട്ടു, 1914 ഓഗസ്റ്റ് 21 ന് ജോണ്‍ പാര്‍ എന്ന സൈനികനാണ് ഈ യുദ്ധത്തില്‍ ആദ്യം മരിച്ചത്. യുദ്ധം അവസാനിച്ചതിന്റെ ഔദ്യോഗിക പ്രഖ്യാപനം 1918 നവംബര്‍ 11 ന് നടന്നു. എന്നാല്‍ ഈ പ്രഖ്യാപനത്തിന് 90 മിനിറ്റ് മുമ്പ്, യുദ്ധത്തിലെ അവസാന സൈനികനായ ജോര്‍ജ്ജ് ആലിസണ്‍ മരിച്ചു. ജോണ്‍ 17-ആം വയസ്സില്‍ മരിച്ചു, അലിസണ്‍ ഏകദേശം 4 വര്‍ഷത്തിന് ശേഷം 40-ആം വയസ്സില്‍ മരിച്ചു. എന്നാല്‍ യാദൃശ്ചികമായി, ഇരുവരുടെയും മൃതദേഹങ്ങള്‍ ബെല്‍ജിയത്തിലെ ഒരു സെമിത്തേരിയില്‍ അടുത്തടുത്താണ് സംസ്‌കരിച്ചിരിക്കുന്നത്. ഇത് മനഃപൂര്‍വം ചെയ്തതല്ല, യുദ്ധത്തിലെ ആദ്യത്തേയും അവസാനത്തേയും സൈനികരെ അടുത്തടുത്തായി അടക്കം ചെയ്തത് യാദൃശ്ചികം മാത്രം.

മരണത്തെ രണ്ടുതവണ തോല്‍പിച്ചയാള്‍

ഒരു വ്യക്തിക്ക് അവന്റെ മരണം മാറ്റിവയ്ക്കാന്‍ കഴിയില്ല, എന്നാല്‍ നെതര്‍ലാന്‍ഡ്‌സ് സൈക്ലിസ്റ്റ് മാര്‍ട്ടന്‍ ഡി ജോങ് തന്റെ മരണം രണ്ടുതവണ മാറ്റിവച്ചത് വിചിത്രമായ യാദൃശ്ചികതയാണ്. 2014-ല്‍ ഒരിക്കല്‍ മലേഷ്യന്‍ എയര്‍ലൈന്‍സ് ഫ്‌ലൈറ്റ് 17ല്‍ ഉക്രെയ്‌നിലേക്ക് യാത്ര ചെയ്യാന്‍ പോകുകയായിരുന്നു അദ്ദേഹം. എന്നാല്‍ അവസാന നിമിഷം മറ്റൊരു വിമാനം ലഭിക്കുന്നതിനാല്‍ പ്ലാന്‍ മാറ്റി. ആ യാത്രയില്‍ ഫ്‌ലൈറ്റ് 17 തകര്‍ന്നു, മാര്‍ട്ടന്റെ ജീവന്‍ രക്ഷപ്പെട്ടു. രണ്ടാം തവണ, അതേ വര്‍ഷം തന്നെ മലേഷ്യന്‍ എയര്‍ലൈന്‍സ് ഫ്‌ലൈറ്റ് 370 ല്‍ യാത്ര ചെയ്യാന്‍ അദ്ദേഹം ഷെഡ്യൂള്‍ ചെയ്തിരുന്നെങ്കിലും വിമാനം ബെയ്ജിംഗ് വഴി പോകുന്നതിനാല്‍ ടിക്കറ്റ് ക്യാന്‍സല്‍ ചെയ്തു. പറക്കലിനിടെ ആ വിമാനം കാണാതായി. അങ്ങനെ രണ്ടു തവണ മാര്‍ട്ടന്‍ തന്റെ ജീവന്‍ തിരിച്ചുപിടിച്ചു.

അണുബോബില്‍ നിന്ന് രക്ഷപ്പെട്ട വ്യക്തി

1945 ആഗസ്ത് 6-ന്, സുട്ടോമോ യമാഗുച്ചി എന്നു പേരുള്ള ഒരാള്‍ ജോലിക്ക് പോകാനായി വീടുവിട്ടിറങ്ങി. പെട്ടെന്ന് ഒരു വലിയ ആണവാക്രമണം ഉണ്ടായി. ആ സമയത്ത് അയാള്‍ ബോബ് വീണ സ്ഥലത്തുനിന്ന് 3 കിലോമീറ്റര്‍ അകലെയായിരുന്നു. ഗുരുതരമായി പരിക്കേറ്റെങ്കിലും രക്ഷപ്പെട്ട് നാഗസാക്കിയിലെ വീട്ടിലേക്ക് മടങ്ങി. ഇതിനുശേഷം, ഓഗസ്റ്റ് 9 ന് നാഗസാക്കിയില്‍ രണ്ടാമത്തെ ബോംബ് വീണു, പക്ഷേ യാദൃശ്ചികമായി രണ്ടാം തവണയും അദ്ദേഹത്തിന്റെ ജീവന്‍ രക്ഷിക്കപ്പെട്ടു. രണ്ട് ആണവ ആക്രമണങ്ങളില്‍ നിന്നും രക്ഷപ്പെട്ട ഒരേയൊരു വ്യക്തിയായി അദ്ദേഹം മാറി.

ട്രംപിന്റെ പ്രസിഡന്റ് പദവിയും കാര്‍ട്ടൂണും

പ്രശസ്ത അമേരിക്കന്‍ കാര്‍ട്ടൂണിന്റെ ഒരു എപ്പിസോഡില്‍, ഡൊണാള്‍ഡ് ട്രംപ് അമേരിക്കയുടെ പ്രസിഡന്റാകുമെന്ന് കാണിച്ചിരുന്നു. 2016ല്‍ ട്രംപ് പ്രസിഡന്റായപ്പോള്‍ 2000ല്‍ സംപ്രേക്ഷണം ചെയ്ത ബാര്‍ട്ട് ടു ദ ഫ്യൂച്ചറിന്റെ 11ാം എപ്പിസോഡിലാണ് ഇത് കാണിച്ചതെന്നറിഞ്ഞാല്‍ നിങ്ങള്‍ ആശ്ചര്യപ്പെടും.

ലിങ്കണും കെന്നഡിയും

അമേരിക്കയിലെ രണ്ട് പ്രസിഡന്റുമാര്‍ തമ്മില്‍ നിരവധി സമാനതകളുണ്ട് - മുന്‍ അമേരിക്കന്‍ പ്രസിഡന്റുമാരായ എബ്രഹാം ലിങ്കണും ജോണ്‍ എഫ് കെന്നഡിയുമാണ് ആ വ്യക്തികള്‍. ഇരുവരും 46-ാം വയസിലാണ് പാര്‍ലമെന്റിലേക്ക് എത്തിയത്. അതായത് 1846-ല്‍ ലിങ്കണും 1946-ല്‍ കെന്നഡിയും. ഇരുവരും തങ്ങളുടെ 60-ാം വയസ്സില്‍ പ്രസിഡന്റായി. ലിങ്കണ്‍ 1860ലും കെന്നഡി 1960ലും. ജനങ്ങള്‍ക്ക് അവകാശങ്ങള്‍ ലഭ്യമാക്കാന്‍ ഇരുവരും കിണഞ്ഞു പരിശ്രമിച്ചപ്പോള്‍ പ്രസിഡന്റായിരിക്കെ ഇരുവര്‍ക്കും മക്കളെ നഷ്ടപ്പെട്ടിരുന്നു. ലിങ്കണിന്റെയും കെന്നഡിയുടെയും ഡോക്ടര്‍മാര്‍ക്ക് ചാള്‍സ് ടാഫ്റ്റ് എന്നായിരുന്നു പേര്. ലിങ്കണും കെന്നഡിയും കൊല്ലപ്പെട്ട ദിവസവും ഒന്നുതന്നെയാണ്. ഒരു വെള്ളിയാഴ്ചയാണ് ഇരുവരുടെയും തലയ്ക്ക് വെടിയേറ്റത്. മാത്രമല്ല, ഇരുവരുടെയും ഭാര്യമാരുടെ മുന്നില്‍ വെച്ചാണ് വെടിയേറ്റത് എന്നതും യാദൃശ്ചികം.

അപൂര്‍വ്വ സഹോദരങ്ങള്‍

ഈ സംഭവം സിനിമ പോലെയാണ്. എന്നാല്‍ യഥാര്‍ത്ഥ ജീവിതത്തില്‍ ഇങ്ങനെയൊരു കഥ നിങ്ങള്‍ കണ്ടിട്ടുണ്ടാകില്ല. അമേരിക്കയിലെ ഒഹിയോ നഗരത്തില്‍ നിന്നുള്ള രണ്ട് സഹോദരങ്ങള്‍ക്കിടയിലാണ് ഈ സംഭവം നടന്നത്. ഒഹായോയില്‍ താമസിക്കുന്ന 15 വയസ്സുള്ള പെണ്‍കുട്ടി ഇരട്ടക്കുട്ടികള്‍ക്ക് ജന്മം നല്‍കി. പ്രായം കുറവായതിനാല്‍ ഈ കുട്ടികളെ പരിപാലിക്കാന്‍ അവള്‍ക്ക് കഴിഞ്ഞില്ല. ഇക്കാരണത്താല്‍, ഒഹായോയില്‍ താമസിക്കുന്ന രണ്ട് വ്യത്യസ്ത കുടുംബങ്ങള്‍ ഈ ഇരട്ടകളെ ദത്തെടുത്തു. ഇവിടെ നിന്നാണ് ഈ രണ്ട് കുട്ടികളുടെയും വേറിട്ടതും എന്നാല്‍ സമാന്തരവുമായ ജീവിതം ആരംഭിച്ചത്. ഈ രണ്ട് കുട്ടികള്‍ക്കും അവരുടെ പുതിയ മാതാപിതാക്കള്‍ ജിം എന്ന് പേരിട്ടു. എന്നാല്‍ ഈ യാദൃശ്ചികത അവിടെ നിന്നില്ല, ഇത് വളരെ സങ്കീര്‍ണ്ണമായ ഒരു കഥയുടെ തുടക്കം മാത്രമായിരുന്നു.

സ്‌കൂള്‍ പഠനകാലത്ത് ഈ രണ്ട് കുട്ടികളുടെയും ഇഷ്ടവിഷയം ഗണിതമായിരുന്നു. അവര്‍ വളര്‍ന്നപ്പോള്‍, ഇരുവരും ലിന്‍ഡ എന്ന പെണ്‍കുട്ടികളെ വിവാഹം കഴിച്ചു, കുറച്ച് ദിവസങ്ങള്‍ക്ക് ശേഷം രണ്ട് സഹോദരന്മാരും അവരുടെ ഭാര്യമാരുമായി വിവാഹമോചനം നേടി. ഈ രണ്ട് സഹോദരന്മാരും രണ്ടാം വിവാഹം കഴിച്ചുവെന്നും ഇരുവര്‍ക്കും പെണ്‍മക്കളുണ്ടായി എന്നും അറിഞ്ഞാല്‍ നിങ്ങള്‍ ആശ്ചര്യപ്പെടും. രണ്ട് പെണ്‍കുട്ടികള്‍ക്കും ഒരോ കുട്ടി വീതം ഉണ്ടായി. അവരുടെ പേര് ജെയിംസില്‍ നിന്നാണ് ആരംഭിച്ചത്.

39 വര്‍ഷത്തിന് ശേഷം ഈ രണ്ട് സഹോദരങ്ങളും കണ്ടുമുട്ടിയപ്പോള്‍, തങ്ങളുടെ ജീവിതത്തില്‍ സംഭവിച്ച ഈ പൊതുവായ കാര്യങ്ങള്‍ പരസ്പരം പങ്കുവെച്ചപ്പോള്‍, ഇരുവരും ശരിക്കും അത്ഭുതപ്പെട്ടു. ഈ രണ്ട് സഹോദരന്മാരും ഏതാണ്ട് ഒരേ ജോലിയാണ് ചെയ്തിരുന്നത്. ഇരുവരും ഒരേ ബ്രാന്‍ഡ് മദ്യവും സിഗരറ്റും ഇഷ്ടപ്പെട്ടിരുന്നു. ഈ രണ്ട് സഹോദരന്മാരുടെയും ജീവിതത്തില്‍ ഇത്രയധികം സാമ്യങ്ങള്‍ ഉണ്ടായത് വെറും യാദൃശ്ചികമാണോ അല്ലെങ്കില്‍ മറ്റെന്തെങ്കിലുമാണോ! മനശാസ്ത്രജ്ഞര്‍ക്കും പോലും ഈ ചോദ്യത്തിന് ഉത്തരം കണ്ടെത്താന്‍ കഴിഞ്ഞിട്ടില്ല.

ടൈറ്റാനിക്കിന്റെ അത്ഭുത രഹസ്യം

'ടൈറ്റാനിക്' എന്ന കപ്പലിനെക്കുറിച്ച് ആര്‍ക്കാണ് അറിയാത്തത്? ലോകത്തിലെ ഏറ്റവും വലിയ കപ്പല്‍ 'ടൈറ്റാനിക്', 1912 ഏപ്രില്‍ 10-ന് ഇംഗ്ലണ്ടില്‍ നിന്നാണ് കന്നിയാത്ര പുറപ്പെട്ടത്. എന്നാല്‍ 1898-ല്‍ മോര്‍ഗന്‍ റോബര്‍ട്ട്സണ്‍ എന്ന എഴുത്തുകാരന്‍ ദി റെക്ക് ഓഫ് ദി ടൈറ്റന്‍: അല്ലെങ്കില്‍, ഫ്യൂട്ടിലിറ്റി എന്ന പേരില്‍ ഒരു നോവല്‍ പ്രസിദ്ധീകരിച്ചു. ഈ നോവലില്‍ മോര്‍ഗന്‍ 'ടൈറ്റന്‍' എന്ന കപ്പലിനെ പരാമര്‍ശിച്ചിട്ടുണ്ട്. ഈ കപ്പല്‍ ഏറ്റവും വലിയതും ഒരിക്കലും മുങ്ങിപ്പോകാത്തതുമായ കപ്പലാണെന്ന് എഴുതിയിട്ടുണ്ട്, എന്നാല്‍ അതിന്റെ ആദ്യ യാത്രയില്‍ തന്നെ ഈ കപ്പല്‍ വടക്കന്‍ അറ്റ്‌ലാന്റിക് സമുദ്രത്തിലെ ഒരു വലിയ മഞ്ഞുപാറയില്‍ ഇടിച്ച് തകര്‍ന്നു കപ്പല്‍ മുങ്ങി, അതില്‍ ഉണ്ടായിരുന്ന മിക്കവാറും എല്ലാവരും മരിച്ചു-നോവലില്‍ വിവരിക്കുന്നു.

ഈ നോവല്‍ പ്രസിദ്ധീകരിച്ച് കൃത്യം 14 വര്‍ഷങ്ങള്‍ക്ക് ശേഷമാണ് 'ടൈറ്റാനിക്' എന്ന കപ്പല്‍ നിര്‍മ്മിക്കപ്പെട്ടത് എന്നതാണ് അതിശയിപ്പിക്കുന്ന കാര്യം. നോവലില്‍ പരാമര്‍ശിച്ച അതേ വലിയ കപ്പലാണിത്. നിങ്ങളില്‍ പലരും 'ടൈറ്റാനിക്' എന്ന സിനിമ കണ്ടിട്ടുണ്ടാകും, എന്നാല്‍ ഈ അത്ഭുതകരമായ നോവലിനെക്കുറിച്ച് നിങ്ങള്‍ കേട്ടിരിക്കില്ല. 14 വര്‍ഷം മുമ്പ് എഴുതിയ നോവലില്‍ നല്‍കിയിരിക്കുന്ന എല്ലാ വിവരങ്ങളും 1912 ല്‍ നിര്‍മ്മിച്ച ടൈറ്റാനിക് കപ്പലുമായി എങ്ങനെ പൊരുത്തപ്പെട്ടു? ഇത് ചിന്തിക്കേണ്ട കാര്യമാണ്. ഇതിനെയും നമുക്ക് യാദൃശ്ചികമെന്ന് വിളിക്കാമോ?