പല്ലി ദേഹത്ത് വീണോ, ഗൗളിശാസ്ത്രം പറയുന്നത് ഇതെല്ലാം, ഭയക്കേണ്ടതോ ലക്ഷണം

പല്ലികളെക്കുറിച്ചുള്ള വിശ്വാസങ്ങളെപ്പോലെ ഇത്രയധികം ഉത്കണ്ഠയുണ്ടാക്കുന്ന മറ്റൊന്നുണ്ടോ എന്നത് സംശയമാണ്. പലപ്പോഴും അവ സ്വപ്‌നത്തില്‍ കൂടിയാവുമ്പോള്‍ ഇതിന് കൂടുതല്‍ വിശ്വാസം വരാം. പകല്‍സമയത്തെ ശകുനങ്ങളെ രാത്രിയിലെ സ്വപ്നങ്ങളുമായി കൂട്ടിക്കുഴയ്ക്കുന്നു. പല്ലി വെറുമൊരു ജീവി മാത്രമായല്ല കാണുന്നത് പലപ്പോഴും ഇവര്‍ ചില സൂചനകളും ലക്ഷണങ്ങളും ശകുനങ്ങളും നമുക്ക് നല്‍കുന്നു.

ഗൗളിശാസ്ത്രം അനുസരിച്ച് പല്ലി ശരീരത്തിന്റെ എവിടെ വീഴുന്നു എന്നതിലാണ് ശ്രദ്ധ കേന്ദ്രീകരിക്കുന്നത്, അല്ലാതെ ഉറക്കത്തില്‍ എന്ത് സംഭവിക്കുന്നു എന്നതിലല്ല. എന്നിരുന്നാലും, ആധുനിക സ്വപ്ന വ്യാഖ്യാന ലേഖനങ്ങള്‍ എല്ലാം പറയുന്നത് പല്ലി ദേഹത്ത് വീഴുന്നത് സ്വപ്‌നം കാണുന്നത് ചില സൂചനകളും ശകുനങ്ങളുമാണ് എന്നതാണ്.

പല്ലി വീഴുന്ന ശകുനങ്ങള്‍, ദിശകള്‍
ഗൗളി ശാസ്ത്രപ്രകാരം പല്ലി തല, കൈകള്‍, നെഞ്ച്, പുറം എന്നിങ്ങനെ ശരീരത്തിന്റെ പ്രത്യേക ഭാഗങ്ങളുമായി ബന്ധപ്പെടുത്തി അര്‍ത്ഥങ്ങള്‍ നല്‍കുന്നു. ചിലപ്പോള്‍ ലിംഗഭേദമനുസരിച്ച് ഇവ മാറാം. പുരുഷന്റെ വലതുഭാഗത്തോ സ്ത്രീയുടെ ഇടതുഭാഗത്തോ പല്ലി വീഴുന്നത് പൊതുവെ ശുഭകരമായി വിവരിക്കപ്പെടുന്നു, അതേസമയം തലയുടെ ചില ഭാഗങ്ങള്‍ രോഗവുമായോ കുടുംബപരമായ ഉത്കണ്ഠകളുമായോ ബന്ധപ്പെട്ടിരിക്കുന്നു.

ദിക്കുകള്‍ പ്രധാനം
വീടിന്റെ വടക്ക് വശത്തേക്ക് പല്ലി വീഴുന്നത് പണം കൊണ്ടുവരുമെന്നോ അല്ലെങ്കില്‍ പ്രധാന വാതിലിന് സമീപം വീഴുന്നത് യാത്രയെ സൂചിപ്പിക്കുന്നുവെന്നോ ആണ് അര്‍ത്ഥമാക്കുന്നത്. എന്നിരുന്നാലും, ഈ നിയമങ്ങള്‍ ഒരേപോലെയല്ല. എന്നാല്‍ ഇന്നത്തെ കാലത്ത് പലരും ഇതിനെ നിശബ്ദമായി അവഗണിക്കുന്നു. പൊതുവായുള്ളത് ഒരു മനഃശാസ്ത്രപരമായ പ്രതികരണമാണ്: പെട്ടെന്നുള്ള അറപ്പ്, ഞെട്ടല്‍, അശുദ്ധിയുണ്ടാകുമോ എന്ന ഭയം, ഇവയെ ആളുകള്‍ തങ്ങള്‍ക്കറിയാവുന്ന വിശ്വാസങ്ങളിലൂടെ വിശദീകരിക്കുന്നു.

സ്വപ്‌നങ്ങള്‍ പറയുന്നത്
പല്ലികളെക്കുറിച്ചുള്ള സ്വപ്നങ്ങളും ഉണര്‍ന്നിരിക്കുമ്പോഴുള്ള ശകുനങ്ങളും പലപ്പോഴും പല തരത്തിലാണ്. പല്ലിയെ സ്വപ്‌നം കാണുന്നത് നിങ്ങളുടെ മനസ്സിലുണ്ടാവുന്ന സമ്മര്‍ദ്ദത്തെക്കുറിച്ചുള്ള മുന്നറിയിപ്പുകളായാണ് പറയുന്നത്. അത് മാത്രമല്ല വീടിനുള്ളില്‍ പല്ലികളെ കാണുന്നത് ശത്രുക്കള്‍, വഞ്ചന അല്ലെങ്കില്‍ സംഘര്‍ഷം എന്നിവയെക്കുറിച്ചുള്ള ഉത്കണ്ഠയുടെ അടയാളങ്ങളായി കണക്കാക്കപ്പെടുന്നു, അതേസമയം ഒന്നിലധികം പല്ലികള്‍ സ്വത്ത് തര്‍ക്കങ്ങളെയോ മാനസികമായ തളര്‍ച്ചയെയോ സൂചിപ്പിക്കാം. പല്ലിക്ക് അതിന്റെ വാല് മുറിച്ചുമാറ്റി അതിജീവിക്കാനുള്ള കഴിവ് ഉള്ളതിനാല്‍, പൊരുത്തപ്പെടല്‍, പുതുക്കല്‍, കര്‍മ്മ പാഠങ്ങള്‍ തുടങ്ങിയ നല്ല വശങ്ങളും ഇതിനെക്കുറിച്ച് പറയുന്നു.

നെഗറ്റീവ് എനര്‍ജി
പലരും പല്ലിയെ നെഗറ്റീവ് എനര്‍ജി മന്ത്രവാദം അല്ലെങ്കില്‍ രഹസ്യ ശത്രുക്കള്‍ എന്നിവയുടെ പ്രതീകങ്ങളായി കണക്കാക്കുന്നു. എന്നിരുന്നാലും, ആവര്‍ത്തിച്ചുള്ള ഇത്തരം സ്വപ്നങ്ങള്‍ പലപ്പോഴും ആരോഗ്യപ്രശ്‌നങ്ങള്‍, ജോലിയിലെ സമ്മര്‍ദ്ദം അല്ലെങ്കില്‍ പരിഹരിക്കപ്പെടാത്ത ഭയം എന്നിവയെയാണ് സൂചിപ്പിക്കുന്നത്. സ്വപ്നം വ്യക്തിപരമായി തോന്നാം, പക്ഷേ അത് വൈദ്യശാസ്ത്രപരമോ സാമ്പത്തികമോ നിയമപരമോ ആയ യാഥാര്‍ത്ഥ്യങ്ങളെ മറികടക്കുന്നില്ല എന്നതും ഓര്‍ക്കണം.

പരിഹാരം കാണുന്നത്
പല്ലി വീണാല്‍ ഉണ്ടാവുന്ന പ്രശ്‌നങ്ങളെ മറികടക്കുന്നതിന്വേണ്ടി പലരും വിളക്ക് കൊളുത്തുകയോ മന്ത്രം ചൊല്ലുകയോ ചെയ്‌തേക്കാം. അതേസമയം യുവാക്കളെങ്കില്‍ അത് പലപ്പോഴും ശുചിത്വം, വായുസഞ്ചാരം, കീടനിയന്ത്രണം എന്നിവയിലേക്ക് കൂടുതല്‍ ശ്രദ്ധിക്കേണ്ടതായി വരുന്നു. സ്വപ്നങ്ങളുടെ കാര്യത്തില്‍, പല കുടുംബങ്ങളും അവയെ പണം, ബന്ധങ്ങള്‍ അല്ലെങ്കില്‍ യാത്രാ പദ്ധതികള്‍ എന്നിവയില്‍ ജാഗ്രത പാലിക്കാനുള്ള സൂചനകളായി കണക്കാക്കുന്നു. അത് കൂടാതെ നിങ്ങള്‍ പലപ്പോഴും വിവാഹബന്ധം വേര്‍പെടുത്തുകയോ ജോലി ഉപേക്ഷിക്കുകയോ പോലുള്ള കടുത്ത തീരുമാനങ്ങള്‍ എടുക്കുന്നതും ഇതിന്റെ സൂചനയാണ് എന്നാണ് പറയുന്നത്.