വിദ്യാബാലന്‍ മോഡേണായപ്പോള്‍

ഒരു സിനിമ കൊണ്ട് ബോളിവുഡില്‍ ചലനങ്ങള്‍ സൃഷ്ടിച്ച നടിയാണ് വിദ്യാ ബാലന്‍. സൗന്ദര്യവും അഭിനയ ശേഷിയും ഒത്തിണങ്ങളിയ സൗത്തിന്ത്യന്‍ ബോളിവുഡ് താരമെന്നു വേണമെങ്കില്‍ പറയാം.

വിദ്യാ ബാലന്‍ പലപ്പോഴും വേദികളില്‍ സാരിയിലാണ് പ്രത്യക്ഷപ്പെടാണ്. ഈ അഭിനേത്രിയ്ക്ക് ഏറ്റവും ഇണങ്ങിയ വസ്ത്രവും ഇതു തന്നെയാണെന്നു വേണമെങ്കില്‍ പറയാം. എങ്കിലും പലപ്പോഴും തനിയ്ക്കു ചേരാത്ത വസ്ത്രധാരണ രീതികള്‍ സ്വീകരിയ്ക്കുന്ന നടിയെന്ന ചീത്തപ്പേരും ഇവര്‍ക്കുണ്ട്.

അടുത്തിടെ തന്റെ പുതിയ ചിത്രമായ ശാദി കേ സൈഡ് ഇഫക്ട്‌സ് എന്ന ചിത്രത്തിന്റെ പ്രൊമോഷനായി രോഹിത് ഗാന്ധി, രാഹുല്‍ ഖന്ന എന്നിവര്‍ ഡിസൈന്‍ ചെയ്ത വസ്ത്രത്തില്‍ വിദ്യാബാലന്‍ പ്രത്യക്ഷപ്പെട്ടിരുന്നു.

പിങ്ക് നിറത്തിലെ ലോ ഹെം കട്ട് വസ്ത്രമാണ് ഇവര്‍ ധരിച്ചിരുന്നത്. കറുപ്പു ബെല്‍റ്റും ബ്ലാക്, വൈറ്റ് ലൈനുകളുള്ള ഹൈ ഹീല്‍ ചെരിപ്പുകളും വിദ്യയ്ക്ക് മോഡേണ്‍ ലുക് നല്‍കി.

കറുപ്പു വളകളും കറുത്ത സ്ട്രാപ്പുള്ള വാച്ചുമാണ് വസ്ത്രത്തിനു ചേരുന്ന വിധത്തില്‍ ഇവര്‍ അണിഞ്ഞിരുന്നത്.

അഴിച്ചിട്ടിരിയ്ക്കുന്ന മുടി മോഡേണ്‍ വസ്ത്രത്തിനു ചേരുന്ന വിധത്തിലായിരുന്നു.