മോശം സ്ത്രീകള്‍ ബ്രിട്ടീഷുകാരികള്‍-സര്‍വ്വേ

Insync

oi-Staff

By Super

Published: Wednesday, May 16, 2012, 18:24 [IST]

ലണ്ടന്‍: ലോകത്ത് വച്ചേറ്റവും മോശക്കാരായ ടൂറിസ്റ്റുകള്‍ ബ്രിട്ടീഷ് സ്ത്രീകളാണെന്ന് സര്‍വ്വേ റിപ്പോര്‍ട്ട്. ആഗോളതലത്തില്‍ നടന്ന ഒരു സര്‍വ്വേയിലാണ് ബ്രിട്ടീഷുകാരികള്‍ മോശം ടൂറിസ്റ്റുകളാണെന്ന് കണ്ടെത്തിയത്.

വിനോദസഞ്ചാരത്തിനെത്തുന്ന ബ്രിട്ടീഷ് സ്ത്രീകള്‍ വളരെ മോശമായി പെരുമാറുന്നവരും പുരുഷന്മാരെപ്പോലെ കുടിച്ച് ലക്കു കെടുന്നവരുമാണെന്നാണ് സര്‍വ്വേയില്‍ പങ്കെടുത്തവര്‍ പറഞ്ഞത്.

ഒട്ടേറെ വിഷയങ്ങളിലായി ഒട്ടേറെ ചോദ്യങ്ങള്‍ സര്‍വ്വേയില്‍ ഉപയോഗിച്ചിരുന്നു. ഏറ്റവും വിരൂപികളായ സ്ത്രീകള്‍ എവിടുത്തുകാരാണെന്ന ചോദ്യത്തിന് ആഫ്രിക്ക, ജപ്പാന്‍, ആസ്‌ത്രേലിയ എന്നിവിടങ്ങളില്‍ നിന്നുള്ള ജനങ്ങള്‍ നല്‍കിയ ഉത്തരം ബ്രിട്ടീഷുകാരികള്‍ എന്നാണ്.

22.4ശതമാനം പേരും ബ്രിട്ടീഷുകാരികള്‍ മോശം സ്ത്രീകളാണെന്ന് പറഞ്ഞപ്പോള്‍ 16.7ശതമാനം പേര്‍ പറഞ്ഞത് അമേരിക്കയിലെ സ്ത്രീകളാണ് മോശക്കാരെന്നാണ്. മാത്രമല്ല ബ്രിട്ടീഷുകാരികള്‍ വണ്ണം കൂടുതലുള്ളവരാണെന്നും എല്ലാം പുറത്തുകാണിക്കാന്‍ മടിയില്ലാത്തവരാണെന്നും സര്‍വ്വേയില്‍ പങ്കെടുത്തവര്‍ അഭിപ്രായപ്പെട്ടിട്ടുണ്ട്.

ടൂറിസം രംഗത്തെ പ്രമുഖ വ്യവസായിയായ യ ഗെരെ ഹെവിറ്റാണ് ലോകത്താകമാനമുള്ള പ്രമുഖ വിനോദസഞ്ചാകകേന്ദ്രങ്ങളില്‍ നിന്നുള്ളവരെ ഉള്‍പ്പെടുത്തി സര്‍വ്വേ നടത്തിയത്.

ബ്രിട്ടീഷ് സ്ത്രീകളെക്കുറിച്ച് സര്‍വ്വേയില്‍ രൂപപ്പെട്ട അഭിപ്രായത്തില്‍ തനിയ്ക്ക് അത്ഭുതമില്ലെന്നും അവര്‍ സ്വന്തം പ്രതിച്ഛായ മെച്ചപ്പെടുത്തേണ്ട സമയം അതിക്രമിച്ചിരിക്കുകയാണെന്നും ഗെരെ പറഞ്ഞു.