പ്രഷര്‍ കുക്കറില്‍ വേവിയ്ക്കുന്പോള്‍

Improvement

oi-Staff

By Super

Updated: Friday, March 15, 2013, 12:50 [IST]

പാചകത്തിന് പ്രഷര്‍ കുക്കര്‍ ആണ് ഉപയോഗിക്കുന്നതെങ്കില്‍ പച്ചക്കറികളെല്ലാം അരിഞ്ഞ് മസാലയും ചേര്‍ത്ത് അടച്ചുവച്ച് വേവിയ്ക്കുന്നതിന് പകരം ആദ്യം ആവശ്യമുള്ള വെള്ളം കുക്കറില്‍ തിളയ്ക്കാന്‍ വയ്ക്കുക. വെള്ളം നന്നായി തിളച്ചാല്‍ പച്ചക്കറിയും മസാലകളും ചേര്‍ത്ത് അടച്ച് വേവാന്‍ വയ്ക്കുക. ഇങ്ങനെയാകുമ്പോള്‍ അതികമായി വെന്ത് പോഷകം നഷ്ടപ്പെടുന്നത് ഒരു പരിധിവരെ ഒഴിവാക്കാം.

ആന്റിഓക്‌സിഡന്റുകളുടെ കലവറയാണ് ഉള്ളി. ഉള്ളി അരിഞ്ഞ് 10മിനിറ്റെങ്കിലും വച്ചശേഷംമാത്രം ഉപയോഗിക്കുക. ഈ സമയത്ത് ഇതിന്റെ ആന്റിഓക്‌സിഡന്റുകളുയെും ഫൈടോകെമിക്കലിന്റെയും പ്രവര്‍ത്തനം വര്‍ധിയ്ക്കും.

എല്ലാവരും പൊതുവേ ഉപയോഗിക്കുന്ന ഒന്നാണ് പാല്‍. പലരും കവര്‍ പൊട്ടിച്ച് പാല്‍ അങ്ങനെ തന്നെ കുടിയ്ക്കുകയും ജ്യൂസിലും മറ്റും ചേര്‍ക്കുകയും ചെയ്യാറുണ്ട്. ഇങ്ങനെ ചെയ്യുമ്പോള്‍ പാലിലുള്ള ബാക്ടീരിയകള്‍ ശരീരത്തിലെത്തി വയറിന് പ്രശ്‌നങ്ങളുണ്ടാകുന്നു. 10-15 മിനിറ്റെങ്കിലും തിളപ്പിച്ചശേഷം മാത്രം പാല്‍ ഉപയോഗിയ്ക്കുക.

പാചകം ചെയ്യുന്ന പാത്രത്തിന്റെ കാര്യവും ഏറെ ശ്രദ്ധിക്കേണ്ടതുതന്നെ. പെയിന്റ് ഉപയോഗിച്ച പാത്രങ്ങള്‍ പാചകാവശ്യത്തിന് ഉപയോഗിക്കരുത്. അതുപോലെതന്നെ അലൂമിനിയം പാത്രങ്ങളും കൂടുതലായി ഉപയോഗിക്കാതിരിക്കുക.

അലൂമിനിയം പാത്രങ്ങള്‍ സ്ഥിരമായി ഉപയോഗിച്ചാല്‍ തലച്ചോറിലെ കലകളില്‍ ഇതിന്റെ അംശം അടിയും. ഇത് അല്‍ഷിമേഴ്‌സ് പോലുള്ള രോഗങ്ങള്‍ക്ക് ഒരു കാരണമായിത്തീരുമെന്ന് കണ്ടെത്തിയിട്ടുണ്ട്. മണ്‍പാത്രങ്ങളും സ്റ്റെയിന്‍ലെസ് സ്റ്റീല്‍ പാത്രങ്ങളുമാണ് പാചകത്തിന് ഏറ്റവും നല്ലത്.