ഒന്നുമറിയാതെ സ്വസ്ഥമായി ഉറങ്ങണോ? ഉറങ്ങും മുന്‍പ് ഈ സ്‌ട്രെച്ചുകള്‍ മാത്രം

ബാലാസനം

ബാലാസനം വളരെ എളുപ്പത്തില്‍ ചെയ്യാവുന്ന ഒന്നാണ്. ഇത് എപ്രകാരം ചെയ്യണം എന്നതിനെക്കുറിച്ച് മുന്‍പ് പല ലേഖനത്തിലും വിശദീകരിച്ചിട്ടുണ്ട്. ബാലാസനം ചെയ്യുന്നതിലൂടെ നമ്മുടെ പുറം ഭാഗം, ഇടുപ്പ്, കണങ്കാലുകള്‍ എന്നീ ഭാഗങ്ങളില്‍ നല്ല രീതിയിലുള്ള സ്‌ട്രെച്ച് ലഭിക്കുന്നു. ഇത് നിങ്ങളുടെ സമ്മര്‍ദ്ദത്തേയും ക്ഷീണത്തേയും ഇല്ലാതതാക്കുന്നു. അത് മാത്രമല്ല നിങ്ങളുടെ ബാലാസനം ചെയ്യുന്ന പോസ്മികച്ച ഉറക്കത്തിലേക്ക് തന്നെയാണ് നിങ്ങളെ നയിക്കുന്നതും. ശരീരത്തിന് വളരെ മികച്ച സ്‌ട്രെച്ച് ലഭിക്കുന്നതിലൂടെ നിങ്ങള്‍ക്ക് ആരോഗ്യകരമായ ഒരു ഉറക്കം നിലനിര്‍ത്തുന്നതിന് സാധിക്കുന്നു.

ജനുശീര്‍ഷാസനം

ഇത്തരത്തില്‍ ചെയ്യുന്നതും നിങ്ങളുടെ ഉറക്കമില്ലായ്മ എന്ന പ്രശ്‌നത്തെ എന്നന്നേക്കുമായി ഇല്ലാതാക്കുന്നതിന് സഹായിക്കുന്നു. ഇത് ചെയ്യുന്നതിന് വേണ്ടി ഒരു കാല്‍ നീട്ടി വെച്ച് മറ്റേ കാല്‍ തുടക്ക് സമീപത്തായി മടക്കി വെക്കുക. ശേഷം ശരീരം മുന്നോട്ട് വളഞ്ഞ് വലത് കാലിന്റെ തള്ളവിരലില്‍ കൈകള്‍ കൊണ്ട് പിടിക്കുക. ശേഷം പതുക്കെ തല മുട്ടില്‍ മുട്ടിക്കുന്നതിന് ശ്രദ്ധിക്കുക. ഈ സമയം ശരീരത്തിന് നല്ല സ്‌ട്രെച്ച് ലഭിക്കുന്നു. ഇതിലൂടെ നിങ്ങളുടെ പുറം ഭാഗം, കഴുത്ത്, നിതംബം, കൈകാലുകള്‍ എന്നീ ഭാഗങ്ങളിലെ പേശികള്‍ക്ക് മികച്ച സ്‌ട്രെച്ച് ലഭിക്കുന്നു. ഇത് ചെയ്യുന്നതിലൂടെ ഉത്കണ്ഠ, ഉറക്കമില്ലായ്മ, തലവേദന, നേരിയ വിഷാദം എന്നിവയെ എല്ലാം ഇല്ലാതാക്കി സുഖകരമായ ഉറക്കത്തിലേക്ക് നിങ്ങളെ എത്തിക്കുന്നു.

പതംഗാസനം

പതംഗാസനം ചെയ്യുന്നത് സ്ത്രീകള്‍ക്ക് വളരെയധികം ഗുണങ്ങള് നല്‍കുന്നു. പെല്‍വിക് ഭാഗത്തെ പേശികള്‍ക്ക് അയവ് വരുത്തുകയും ആ ഭാഗത്തേക്ക് രക്തയോട്ടം വര്‍ദ്ധിപ്പിക്കുകയും ചെയ്യുന്നു. ഇത് വഴി നിങ്ങളുടെ പ്രത്യുത്പാദന ആരോഗ്യം മെച്ചപ്പെടുന്നു. പതംഗാസനം ചെയ്യുമ്പോള്‍ നിങ്ങളുടെ ഇടുപ്പ്, പെല്‍വിക് ഏരിയ, ഞരമ്പുകള്‍, കാല്‍മുട്ടുകള്‍ എന്നീ ഭാഗങ്ങളില്‍ സ്‌ട്രെച്ചുകള്‍ സംഭവിക്കുന്നു. മാത്രമല്ല ഇരുവശത്തേയും കാലുകള്‍ ഒരേ സമയം അനക്കേണ്ടതാണ.് ഇതിലൂടെ നിങ്ങള്‍ക്ക് സമ്മര്‍ദ്ദത്തെ ഇല്ലാതാക്കുന്നതിനും നല്ല ഉറക്കത്തിലേക്ക് എത്തിക്കുന്നതിനും ഉള്ള സാധ്യത കാണുന്നു.

ഏക പാദ രജകപോതാസനം

നിങ്ങള്‍ മലര്‍ന്ന് കിടന്ന് ഒരു കാല്‍ വളച്ച്, തുടയില്‍ നിങ്ങളുടെ വളഞ്ഞ കാലിന് മുകളിലൂടെ നിങ്ങളുടെ മറ്റേ കണങ്കാലിന്റെ ഭാഗത്തേക്ക് വെക്കുക. പിന്നീട് നിങ്ങളുടെ കൈകള്‍ വളഞ്ഞ കാല്‍മുട്ടിന് മുകളിലോ തുടയ്ക്ക് താഴെയോ വെക്കണം. നിങ്ങളുടെ കാല്‍ നിങ്ങളുടെ നേരെ പതുക്കെ വലിക്കുക. നിങ്ങളുടെ ഹാംസ്ട്രിംഗുകളിലും ഇടുപ്പിലും നീറ്റല്‍ അനുഭവപ്പെടുന്ന ഒരു അവസ്ഥയാണ് ഉണ്ടാവുന്നത്. ഈ പോസ് നടുവേദന ഒഴിവാക്കാനും സഹായിക്കും. നല്ല ഉറക്കത്തിന്റെ കാര്യത്തിലും ഈ യോഗ തന്നെയാണ് മികച്ചത്.

സുപ്ത മത്സ്യേന്ദ്രാസനം

ഇത്തരത്തില്‍ ചെയ്യുന്നതിലൂടെ നിങ്ങള്‍ക്ക് ശരീരത്തിനെ മൊത്തം സ്‌ട്രെച്ച് ലഭിക്കുന്നു. ഇത് ചെയ്യുന്നതിന് വേണ്ടി മലര്‍ന്ന് കിടക്കുക. പിന്നീട് ഒരു കാല്‍മുട്ട് വളച്ച് നിങ്ങളുടെ മറ്റേ കാലിന് മുകളില്‍ വെക്കുക. നിങ്ങളുടെ തോളുകള്‍ നിലത്ത് അമര്‍ത്തി വെക്കുന്നതിന് ശ്രദ്ധിക്കണം. പതുക്കെ നിങ്ങളുടെ ഇടുപ്പും താഴത്തെ ശരീരവും സ്‌ട്രെച്ച് ചെയ്യുക. ഇത്തരത്തില്‍ ചെയ്യുന്നതിലൂടെ നിങ്ങളുടെ നെഞ്ച്, കൈകാലുകള്‍, ഇടുപ്പ് എന്നീ ഭാഗങ്ങള്‍ക്ക് സ്‌ട്രെച്ച് സംഭവിക്കുന്നു. രാത്രി ഉറക്കത്തിന് ശേഷം എന്തുകൊണ്ടും ചെയ്യാന്‍ പറ്റിയ യോഗ പോസ ആണ് ഇത്. നല്ല ഉറക്കം ഇതിലൂടെ ലഭിക്കുന്നു.

ശവാസനം

ശവാസനം ചെയ്യുന്നത് മനസ്സിനെ ശാന്തമാക്കുന്നതിനും മാനസിക പിരിമുറുക്കം അകറ്റുന്നതിനും സഹായിക്കുന്നു. ഇതിലൂടെ ഈ കിടപ്പില്‍ പലപ്പോഴും നല്ല ഉറക്കവും നിങ്ങള്‍ക്ക് ലഭിക്കുന്നു. ഇത് ചെയ്യുന്നതിന് വേണ്ടി ബെഡില്‍ മലര്‍ന്ന് കിടക്കുക. കൈകള്‍ ശരീരത്തോട് ചേര്‍ത്ത് വെച്ച് കണ്ണടച്ച് ഏകാഗ്രതയോടെ കിടക്കുക. ഇത് അവസാനം നിങ്ങളെ ഇരക്കത്തിലേക്ക് എത്തിക്കുന്നതിന് സഹായിക്കുന്നു.