വെറുംവയറ്റിലെ വ്യായാമം തടി കുറക്കില്ലെന്ന് ഉറപ്പ്

ഏത് സമയവും ചെയ്യാം

രാവിലെ തന്നെ എഴുന്നേറ്റ് വ്യായാമം ചെയ്താൽ മാത്രമേ ആരോഗ്യം നിലനിൽക്കുകയുള്ളൂ എന്ന് വിചാരിക്കരുത്. കാരണം ഏത് സമയത്ത് ചെയ്താലും അത് ഗുണം നൽകുന്നത് തന്നെയാണ്. ഒരാഴ്ച ചുരുങ്ങിയത് മൂന്ന് മണിക്കൂറെങ്കിലും വ്യായാമം ചെയ്യണം എന്നുള്ളതാണ് ശ്രദ്ധിക്കേണ്ട കാര്യം. ഒന്നിച്ച് ചെയ്യാൻ സാധിക്കാത്തവർക്ക് ചെറിയ സെഷനുകളായും വ്യായാമം ചെയ്യാവുന്നതാണ്.

വെറും വയറ്റിൽ വേണോ?

വെറും വയറ്റിൽ വ്യായാമം ചെയ്യണോ വേണ്ടയോ എന്നുള്ളത് പലപ്പോഴും വെല്ലുവിളി ഉയർത്തുന്ന ഒന്ന് തന്നെയാണ്. വെറും വയറ്റിൽ വ്യായാമം ചെയ്താൽ പെട്ടെന്ന് ഭാരം കുറയും എന്നൊരു ചിന്ത നിങ്ങളിൽ ഉണ്ടോ? എങ്കിൽ അതൊരു തെറ്റിദ്ധാരണയാണ്. കാരണം ഇത് മസിലിന്‍റെ അനാരോഗ്യത്തിനും മറ്റ്ചില ആരോഗ്യ പ്രശ്നങ്ങളിലേക്കും നിങ്ങളെ നയിക്കുന്നുണ്ട്. അതുകൊണ്ട് വളരെയധികം ശ്രദ്ധിക്കണം.

ഭക്ഷണത്തിൻറെ ക്രമം

ഭക്ഷണ ക്രമം പലപ്പോഴും നിങ്ങളുടെ ആരോഗ്യത്തിന് വളരെയധികം വെല്ലുവിളി ഉയർത്തുന്നതാണ്. ഇത് നിങ്ങളുടെ ആരോഗ്യത്തിന് വെല്ലുവിളിയാവാതിരിക്കുന്നതിന് വേണ്ടി പ്രധാന ആഹാരം കഴിച്ച് രണ്ട് മണിക്കൂർ കഴിഞ്ഞേ വ്യായാമത്തിന് വേണ്ടി ഇറങ്ങിപ്പുറപ്പെടാവു. രാവിലെ എന്തെങ്കിലും ലഘുവായ ആഹാരമാണ് കഴിക്കാൻ ശ്രദ്ധിക്കേണ്ടത്. ഒരിക്കലും ശരീരത്തിൽ നിർജ്ജലീകരണം ഉണ്ടാവാതിരിക്കുന്നതിന് ശ്രദ്ധിക്കണം.

വെള്ളം കുടിക്കണം

വ്യായാമം ചെയ്യുന്നതിന് മുൻപ് ഒരു ഗ്ലാസ്സ് വെള്ളം നിർബന്ധമായും കഴിച്ചിരിക്കണം. ശരീരത്തിൽ നിന്ന് ജലാംശം നഷ്ടപ്പെടുന്നതിന് പലപ്പോഴും ഇത് ഒരു കാരണമാകുന്നുണ്ട്. അതുകൊണ്ട് തന്നെ ഇടക്കിടക്ക് വെള്ളവും ജ്യൂസും കഴിക്കാന്‍ ശ്രദ്ധിക്കണം. ഇതെല്ലാം നിർജ്ജലീകരണത്തെ ഇല്ലാതാക്കുന്നതിന് സഹായിക്കുന്നതാണ്. കൃത്യമായ പ്ലാൻ തയ്യാറാക്കി വേണം ഓരോ വ്യായാമവും ചെയ്യുന്നതിന്.

ഭാരം കുറക്കാൻ

ഭാരം കുറക്കാനാണ് നിങ്ങൾ വ്യായാമം ചെയ്യുന്നത് എന്നുണ്ടെങ്കിൽ കാർബോഹൈഡ്രേറ്റ് അടങ്ങിയ ഭക്ഷണങ്ങൾ ഒഴിവാക്കേണ്ടതാണ്. എന്നാൽ ഫിറ്റ്നസിന് വേണ്ടിയാണ് വ്യായാമം എന്നുണ്ടെങ്കിൽ കാർബ്സ് ഉൾപ്പെടുത്താവുന്നതാണ്. ചപ്പാത്തി, അരിയാഹാരം, ബ്രെഡ് എന്നിവയെല്ലാം കഴിക്കണം. മുട്ട, കടല, നട്സ്, പഴങ്ങൾ എന്നിവയെല്ലാം ഭക്ഷണത്തിൽ ഉൾപ്പെടുത്താൻ ശ്രദ്ധിക്കണം. ഇതെല്ലാം നിങ്ങളിൽ ഭാരം കുറക്കുന്നതിനും അമിതവണ്ണത്തെ തടയുന്നതിനും ഫിറ്റ്നസിനും സഹായിക്കുന്നുണ്ട്.

സ്ത്രീകൾ ശ്രദ്ധിക്കാൻ

വണ്ണം കൂടി ഇനി അത് കുറക്കാൻ വ്യായാമം ചെയ്താൽ മസിൽ വരും എന്ന് ധരിക്കുന്നവരാണ് പലരും. എന്നാൽ സ്ത്രീകളിൽ ഒരു പരിധിയിൽ കൂടുതൽ മസിൽ വരുകയില്ല. മാത്രമല്ല സ്ത്രീ ശരീരത്തിലെ ഹോര്‍മോൺ ആയ ഈസ്ട്രജൻ മസിൽ വളർച്ചയെ പ്രതിരോധിക്കുകയും ചെയ്യുന്നുണ്ട്. സ്ത്രീകൾക്ക് നടത്തം, സൈക്ക്ലിംങ്, നീന്തൽ എന്നിവയെല്ലാം സ്ഥിരമായി ചെയ്യാവുന്നതാണ്. ഇതെല്ലാം ആരോഗ്യത്തിന് വളരെയധികം സഹായിക്കുന്നുമുണ്ട്.

വയർ മാത്രം കുറയില്ല

എന്നാൽ പലരും വയർ മാത്രം കുറക്കുന്നതിന് വേണ്ടി വ്യായാമം ചെയ്യുന്നുണ്ട്. എന്നാൽ ഒരിക്കലും വയർമാത്രമായിട്ട് കുറക്കാൻ ആവില്ല എന്നുള്ളതാണ്. കുറയുകയാണെങ്കിൽ ശരീരത്തിലെ ആകെയുള്ള കൊഴുപ്പാണ് കുറയുന്നത്. അതുകൊണ്ട് ഇത്തരം കാര്യങ്ങൾ അത്ര വലിയ പ്രശ്നമായി എടുക്കേണ്ടതില്ല, കൃത്യമായ ഭക്ഷണം വ്യായാമം എന്നിവയിലൂടെ ഏത് ചാടി നിൽക്കുന്ന വയറും ഇല്ലാതാക്കാം.