For Quick Alerts
ALLOW NOTIFICATIONS  
For Daily Alerts

തളര്‍ച്ചയും കിതപ്പുമുണ്ടോ? ഹീമോഗ്ലോബിന്‍ കുറവാകാം

|

അനീമിയ അഥവാ വിളര്‍ച്ചയ്ക്ക് കാരണമാകുന്നതാണ് രക്തത്തിലെ ഹീമോഗ്ലോബിന്റെ അളവ് കുറയുന്നത്. മുതിര്‍ന്നവരെയും കുട്ടികളെയും ഒരുപോലെ ബാധിക്കുന്ന ഒരു അസുഖമാണിത്. ശരീരത്തിന് ആവശ്യത്തിന് ചുവന്ന രക്താണുക്കള്‍ ഉല്‍പാദിപ്പിക്കപ്പെടാത്ത സ്ഥിതി, ശരീരത്തിന് പുനസ്ഥാപിക്കാന്‍ കഴിയാത്ത വിധത്തില്‍ രക്താണുക്കളെ നഷ്ടപ്പെടുക, രക്താണുക്കള്‍ നശിക്കുക എന്നിവയാണ് പൊതുവെ വിളര്‍ച്ചയുടെ കാരണങ്ങള്‍. വിളര്‍ച്ച ബാധിച്ച ഒരാളില്‍ ഉത്‌സാഹക്കുറവ്, അമിതമായ കിതപ്പ്, തലവേദന, നെഞ്ചുവേദന തുടങ്ങിയവ പ്രതക്ഷപ്പെടാം. രോഗതീവ്രത അനുസരിച്ച് ഹൃദയസ്തംഭനത്തിനു വരെ ചിലപ്പോള്‍ വിളര്‍ച്ച കാരണമായേക്കാം.

Most read: ഓരോ സ്ത്രീയും ബദാം കഴിക്കണം; കാരണം

ആരോഗ്യമുള്ള ചുവന്ന രക്താണുക്കളുടെ അഭാവമാണ് വിളര്‍ച്ചയ്ക്ക് കാരണമാകുന്നത്. ചുവന്ന രക്താണുക്കളില്‍ അടങ്ങിയിരിക്കുന്ന ഇരുമ്പ് സമ്പുഷ്ടമായ പ്രോട്ടീനാണ് ഹീമോഗ്ലോബിന്‍. ശരീരത്തിലുടനീളം ഓക്‌സിജന്‍ വഹിക്കാന്‍ ഇത് സഹായിക്കുന്നു. വിളര്‍ച്ച തടയാനായി കൈക്കൊള്ളാവുന്ന ഒരു നടപടിയാണ് ഹീമോഗ്ലോബിന്റെ അളവ് വര്‍ധിപ്പിക്കുക എന്നത്.

രക്തത്തിലെ ഹീമോഗ്ലോബിന്‍ അളവ്

രക്തത്തിലെ ഹീമോഗ്ലോബിന്‍ അളവ്

നിങ്ങളുടെ ശരീരം ശരിയായി പ്രവര്‍ത്തിക്കുന്നതിന് നിങ്ങളുടെ രക്തത്തിലെ സാധാരണ ഹീമോഗ്ലോബിന്‍ നിലനിര്‍ത്തേണ്ടത് ആവശ്യമാണ്. മുതിര്‍ന്ന പുരുഷന്മാര്‍ക്ക് 14 മുതല്‍ 18 ഗ്രാം/ഡി.എല്‍ വരെയും മുതിര്‍ന്ന സ്ത്രീകള്‍ക്ക് 12 മുതല്‍ 16 ഗ്രാം/ഡി.എല്‍ വരെയും ആവശ്യമാണ്. ഹീമോഗ്ലോബിന്റെ അളവ് കുറയുമ്പോള്‍, അത് ബലഹീനത, ക്ഷീണം, തലവേദന, ശ്വാസം മുട്ടല്‍, തലകറക്കം, വിശപ്പ്, വേഗത്തിലുള്ള ഹൃദയമിടിപ്പ് എന്നിവയ്ക്ക് കാരണമാകും. ഹീമോഗ്ലോബിന്റെ അളവ് ഗണ്യമായി കുറയുകയാണെങ്കില്‍, ഈ അവസ്ഥ അനീമിയയിലെത്തുകയും രോഗലക്ഷണങ്ങള്‍ കഠിനമാവുകയും ചെയ്യും. ഹീമോഗ്ലോബിന്റെ ഉത്പാദനത്തിനായി നിങ്ങളുടെ ശരീരത്തിന് പ്രധാനമാണ് ഇരുമ്പ്, ബി വിറ്റാമിനുകള്‍ വിറ്റാമിന്‍ സി എന്നിവ. ഹീമോഗ്ലോബിന്‍ പരമാവധി നിലനിര്‍ത്താന്‍ ശരിയായ ഭക്ഷണക്രമം നടത്തേണ്ടത് അത്യാവശ്യമാണ്.

ഇരുമ്പ് സമ്പുഷ്ടമായ ഭക്ഷണം

ഇരുമ്പ് സമ്പുഷ്ടമായ ഭക്ഷണം

ദേശീയ അനീമിയ ആക്ഷന്‍ കൗണ്‍സിലിന്റെ അഭിപ്രായത്തില്‍ ഇരുമ്പിന്റെ കുറവ് ഹീമോഗ്ലോബിന്‍ അളവ് കുറയ്ക്കുന്നതിനുള്ള സാധാരണമായ കാരണമാകുന്നു. ചീര, ബീറ്റ്‌റൂട്ട്, ടോഫു, ശതാവരി, മുട്ട, ആപ്പിള്‍, മാതളനാരങ്ങ, ആപ്രിക്കോട്ട്, തണ്ണിമത്തന്‍, പ്‌ളം, മത്തങ്ങ വിത്ത്, ഈന്തപ്പഴം, ബദാം, ഉണക്കമുന്തിരി, അംല, എന്നിവ ഇരുമ്പ് ധാരാളമായി അടങ്ങിയ ഭക്ഷണങ്ങളാണ്. ഇവ കഴിക്കുന്നതിലൂടെ നിങ്ങള്‍ക്ക് രക്തത്തിലെ ഹീമോഗ്ലോബിന്റെ അളവ് ക്രമപ്പെടുത്താവുന്നതാണ്.

Most read: പ്രായം കാത്തുവച്ചത് ഈ കാന്‍സറുകള്‍

ഒരു വ്യക്തിക്ക് ദിവസവും എത്ര അളവ് വേണം

ഒരു വ്യക്തിക്ക് ദിവസവും എത്ര അളവ് വേണം

പ്രായം, ഭാരം, പോഷകാഹാര നിലവാരം, ലിംഗഭേദം എന്നിവ അനുസരിച്ച് ഇത് വ്യത്യാസപ്പെടാമെങ്കിലും, പ്രായപൂര്‍ത്തിയായ പുരുഷന് പ്രതിദിനം 8 മില്ലിഗ്രാം വരെ ഇരുമ്പ് ആവശ്യമാണെന്നും 18 മുതല്‍ 50 വയസ്സുവരെയുള്ള സ്ത്രീകള്‍ക്ക് ദിവസം 19 മില്ലിഗ്രാം ആവശ്യമാണെന്നും ആരോഗ്യ വിദഗ്ദ്ധര്‍ പറയുന്നു.

വിറ്റാമിന്‍ സി സമ്പുഷ്ടമായ ഭക്ഷണം

വിറ്റാമിന്‍ സി സമ്പുഷ്ടമായ ഭക്ഷണം

ഇരുമ്പും വിറ്റാമിന്‍ സിയും കൂടിച്ചേരുന്നത് പ്രധാനമാണ്. കാരണം ഇരുമ്പ് നന്നായി ആഗിരണം ചെയ്യാന്‍ സഹായിക്കുന്ന തന്മാത്രയാണ് രണ്ടാമത്തേത്. ഓറഞ്ച്, നാരങ്ങ, സ്‌ട്രോബെറി, പപ്പായ, മണി കുരുമുളക്, ബ്രൊക്കോളി, മുന്തിരി, തക്കാളി തുടങ്ങിയ വിറ്റാമിന്‍ സി അടങ്ങിയ ഭക്ഷണങ്ങള്‍ കഴിക്കുക.

ഫോളിക് ആസിഡ് കഴിക്കുന്നത് വര്‍ദ്ധിപ്പിക്കുക

ഫോളിക് ആസിഡ് കഴിക്കുന്നത് വര്‍ദ്ധിപ്പിക്കുക

ചുവന്ന രക്താണുക്കളെ നിര്‍മ്മിക്കാന്‍ ബി-കോംപ്ലക്‌സ് വിറ്റാമിനായ ഫോളിക് ആസിഡ് ആവശ്യമാണ്. ഫോളിക് ആസിഡിന്റെ കുറവ് സ്വാഭാവികമായി ഹീമോഗ്ലോബിനും കുറയ്ക്കുന്നു. ഇലക്കറികള്‍, ഉണങ്ങിയ ബീന്‍സ്, ഗോതമ്പ്, നിലക്കടല, വാഴപ്പഴം, ബ്രൊക്കോളി എന്നിവയാണ് ഫോളിക് ആസിഡിന്റെ നല്ല ഭക്ഷണ സ്രോതസ്സുകള്‍. ഫോളിക് ആസിഡ്, ഇരുമ്പ്, പൊട്ടാസ്യം, ഫൈബര്‍ എന്നിവ കൂടുതലായതിനാല്‍ ശരീരത്തിലെ ചുവന്ന രക്താണുക്കളുടെ എണ്ണം വര്‍ദ്ധിപ്പിക്കാന്‍ ബീറ്റ്‌റൂട്ട് കഴിക്കാവുന്നതാണ്.

Most read: ഒരിക്കല്‍ ഹാര്‍ട്ട് അറ്റാക്ക് വന്നവരാണോ നിങ്ങള്‍ ?

ആപ്പിള്‍, മാതളം

ആപ്പിള്‍, മാതളം

ആരോഗ്യകരമായ ഹീമോഗ്ലോബിന് ആവശ്യമായ ഇരുമ്പും ആരോഗ്യ ഘടകങ്ങളും അടങ്ങിയിരിക്കുന്നതിനാല്‍ ഒരു ദിവസം ഒരു ആപ്പിള്‍ കഴിക്കുന്നത് ഉത്തമമാണ്. ആപ്പിള്‍ പോലെ തന്നെ പ്രധാനമാണ് മാതളനാരങ്ങയും. ഇരുമ്പ്, കാല്‍സ്യം, ഫൈബര്‍, പ്രോട്ടീന്‍ എന്നിവയും മാതളനാരങ്ങയില്‍ അടങ്ങിയിട്ടുണ്ട്. ഇതിന്റെ പോഷകമൂല്യം ഹീമോഗ്ലോബിന്‍ വര്‍ദ്ധിപ്പിക്കാനും ആരോഗ്യകരമായ രക്തയോട്ടം പ്രോത്സാഹിപ്പിക്കാനും സഹായിക്കും.

ഇരുമ്പിനെ തടയുന്നവ വേണ്ട

ഇരുമ്പിനെ തടയുന്നവ വേണ്ട

ഇരുമ്പിനെ ആഗിരണം ചെയ്യാനുള്ള നിങ്ങളുടെ ശരീരത്തിന്റെ കഴിവിനെ തടയുന്ന ഭക്ഷണങ്ങള്‍ കഴിക്കാതിരിക്കുക. പ്രത്യേകിച്ചും നിങ്ങള്‍ കുറഞ്ഞ ഹീമോഗ്ലോബിനാല്‍ കഷ്ടപ്പെടുന്നവരാണെങ്കില്‍ കോഫി, ചായ, കോള പാനീയങ്ങള്‍, വൈന്‍, ബിയര്‍ തുടങ്ങിയവ ഒഴിവാക്കുക.

Most read: ഇതൊക്കെ വേനലില്‍ കഴിച്ചില്ലെങ്കില്‍ പിന്നെപ്പോള്‍

വ്യായാമം

വ്യായാമം

വ്യായാമം മിതമായാലും ഉയര്‍ന്നതായാലും ശരീരത്തിന് വളരെ ഉത്തമമാണ്. കാരണം നിങ്ങള്‍ വ്യായാമം ചെയ്യുമ്പോള്‍ ശരീരത്തിലുടനീളം ഓക്‌സിജന്റെ ആവശ്യം നിറവേറ്റുന്നതിന് നിങ്ങളുടെ ശരീരം കൂടുതല്‍ ഹീമോഗ്ലോബിന്‍ ഉത്പാദിപ്പിക്കുന്നു.

English summary

Natural Ways To Increase Hemoglobin Levels

A variety of conditions and lifestyle factors can lead to a reduction in hemoglobin. Here, learn some best ways to boost hemoglobin levels naturally.
Story first published: Tuesday, March 3, 2020, 18:21 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more
X