അര്‍ദ്ധ ചന്ദ്രാസനം: നട്ടെല്ലിന് കരുത്ത് നല്‍കും ഹൃദയം സംരക്ഷിക്കും

അര്‍ദ്ധ ചന്ദ്രാസനം ചെയ്യുമ്പോള്‍

അര്ദ്ധ ചന്ദ്രാസനം എന്നത് ഒരു ബാലന്‍സിംഗ് പോസ് ആണ്. യോഗ ആരംഭിച്ച് കഴിഞ്ഞ ആര്‍ക്കും ചെയ്യാവുന്ന ഒന്നാണ് അര്‍ദ്ധചന്ദ്രാസനം. എന്നാല്‍ അര്‍ദ്ധ ചന്ദ്രാസനം ചെയ്യുന്നതിന് മുന്‍പ് ത്രികോണാസനം ചെയ്യാന്‍ സാധിക്കുമെന്ന് ഉറപ്പാക്കേണ്ടതാണ്. അതിന് ശേഷം മാത്രമേ അര്‍ദ്ധ ചന്ദ്രാസത്തിലേക്ക് കടക്കാവൂ. ബാലന്‍സിംഗ് പോസ് ആയത് കൊണ്ട് തന്നെ ആരോഗ്യത്തോടെ ഇരിക്കുന്നതിനും ശരീരത്തിന് ബാലന്‍സ് കിട്ടുന്നതിനും ഈ ആസനം സഹായിക്കുന്നു.

ചെയ്യേണ്ടത് എപ്രകാരം?

താഡാസനത്തില്‍ നില്‍ക്കുകയാണ് ആദ്യം ചെയ്യേണ്ടത്. അതായത് ഉപ്പൂറ്റി മുതല്‍ കാലിന്റെ പെരുവിരല്‍ വരെയുള്ള ഭാഗം നിലത്ത് അമര്‍ത്തി കൈകള് ഇരു വശത്തും വരുന്ന തരത്തില്‍ സ്റ്റെഡിയായി നില്‍ക്കണം. അതിന് ശേഷം കാലുകള്‍ രണ്ടും അകത്തി വെക്കണം. പിന്നീട് ത്രികോണാസനത്തിലേക്ക് വരുക. ശേഷം പതുക്കെ ഇടത് കൈ മുകളിലേക്ക് പൊന്തിക്കുക. വലത് കാല്‍ പതിയെ മുട്ട് മടക്കിയ ശേഷം പതിയെ ഇടത് കാല്‍ നേര്‍രേഖയില്‍ പൊന്തിക്കുന്നതിന് ശ്രദ്ധിക്കുക. ശേഷം വലത് കാല്‍ തറയില്‍ ഉറപ്പിച്ച് നിര്‍ത്തുന്നതിന് ശ്രദ്ധിക്കണം. നെഞ്ചിന്റെ ഭാഗം തുറന്ന് വെക്കുക. നിങ്ങള്‍ക്ക് ദൃഷ്ടി മുകളിലേക്ക് ഉയര്‍ത്തണം. പതിയെ കൈകള്‍ താഴ്ത്തി പൂര്‍വ്വ സ്ഥിതിയിലേക്ക് വരിക. ഇടത് ഭാഗത്തും ഇത് തന്നെ ആവര്‍ത്തിക്കുക. ശ്വാസം ബാലന്‍സ് ചെയ്യുന്നതിന് ശ്രദ്ധിക്കണം.

ഗുണങ്ങള്‍

അര്‍ദ്ധ ചന്ദ്രാസനം ചെയ്യുന്നതിലൂടെ എന്തൊക്കെ ഗുണങ്ങള്‍ ഉണ്ട് എന്നത് നോക്കാം. ഇത് നിങ്ങളുടെ കൈകാലുകള്‍ക്ക് ശക്തി നല്‍കുന്നു. കൈകാലുകളിലെ പേശികള്‍ക്ക് ശക്തിയും കരുത്തും ഉറപ്പും നല്‍കുന്നു. ശരീരത്തിന് ബാലന്‍സ് നല്‍കുന്നതിന് സഹായിക്കുന്നു അര്‍ദ്ധ ചന്ദ്രാസനം. ഇത് ശരീരത്തിനുണ്ടാവുന്ന അസ്വസ്ഥതകളെ പ്രതിരോധിക്കുന്നു. അത് മാത്രമല്ല ഹൃദയത്തിന്റെ ആരോഗ്യം സംരക്ഷിക്കുന്നതിനും സഹായിക്കുന്നു. ബാലന്‍സ് എന്നത് ശരീരത്തിന് അത്യാവശ്യമായി വേണ്ട ഒന്നാണ്. അതിന് വേണ്ടി അര്ദ്ധചന്ദ്രാസനം സഹായിക്കുന്നു,

ഗുണങ്ങള്‍

നട്ടെല്ലിന് ഉറപ്പും കരുത്തും നല്‍കുന്നതിന് സഹായിക്കുന്നുണ്ട് അര്‍ദ്ധ ചന്ദ്രാസനം, നട്ടെല്ല് സംബന്ധമായുണ്ടാവുന്ന ചെറിയ ചെറിയ അസ്വസ്ഥതകളെ പരിഹരിക്കുന്നതിന് അര്‍ദ്ധ ചന്ദ്രാസനം സഹായിക്കുന്നു. പ്രായമാവുമ്പോള്‍ ഉണ്ടാവുന്ന ശാരീരിക അസ്വസ്ഥതകള്‍ക്കും നമുക്ക് അര്ദ്ധ ചന്ദ്രാസനത്തിലൂടെ പരിഹാരം കാണാം. അമിതവണ്ണം എന്ന പ്രശ്‌നത്തെ ഭയപ്പെടുന്നവര്‍ക്ക് അതില്‍ നിന്ന് മോചനം നല്‍കുന്നതിന് സഹായിക്കുന്നു അര്‍ദ്ധ ചന്ദ്രാസനം. കൂടാതെ ശരീരത്തിന് ലഭിക്കുന്ന സ്‌ട്രെച്ച് നിങ്ങള്‍ക്ക് പല അസ്വസ്ഥതകളില്‍ നിന്നും പരിഹാരം കാണുന്നതിന് സഹായിക്കുന്നു.

ഗുണങ്ങള്‍

കാല്‍മുട്ടിന് ബലം നല്‍കുന്ന കാര്യത്തിലും മികച്ചതാണ് അര്‍ദ്ധചന്ദ്രാസനം. ഇത് നടുവേദനക്ക് ആശ്വാസം നല്‍കുന്നു. നിതംബ ഭാഗത്തെ മസിലുകള്‍ക്ക് ഉറപ്പ് നല്‍കുന്നു. തോളുകള്‍ക്കും നെഞ്ചിനും ഉറപ്പും അത് പോലെ തന്നെ ആരോഗ്യവും നല്‍തുന്നു. കാല്‍മുട്ടിനുണ്ടാവുന്ന വേദനകള്‍ക്ക് പരിഹാരം കാണുന്നതിനും ഇത് സഹായിക്കുന്നു. കൂടാതെ മികച്ച ദഹനത്തിന്റെ കാര്യത്തിലും അര്‍ദ്ധ ചന്ദ്രാസനം മികച്ചതാണ്. കൂടാതെ ഡിപ്രഷന്‍ ഉത്കണ്ഠ സമ്മര്‍ദ്ദം തുടങ്ങിയ മാനസികാരോഗ്യത്തെ ബാധിക്കുന്ന പ്രശ്‌നങ്ങളെ പ്രതിരോധിക്കുന്നതിനും അര്‍ദ്ധ ചന്ദ്രാസനം സഹായിക്കുന്നു. എങ്കിലും എന്ത് യോഗ പോസ് ചെയ്യുമ്പോഴും അത് കൃത്യമായിരിക്കാന്‍ നല്ലൊരു യോഗാചാര്യനെ സമീപിക്കേണ്ടത് അത്യാവശ്യമാണ്.