ദഹനാരോഗ്യം ശക്തിപ്പെടുത്താം, രോഗങ്ങളെ ചെറുക്കാം; ആയുര്‍വേദം പറയും പ്രതിവിധികള്‍

ശൈത്യകാല പച്ചക്കറികള്‍ കഴിക്കുക

ആയുര്‍വേദ പ്രകാരം, ശീതകാല പച്ചക്കറികള്‍ നിങ്ങളുടെ ദഹനവ്യവസ്ഥയ്ക്ക് ഉത്തമമാണ്. കാരറ്റ്, ഉരുളക്കിഴങ്ങ്, മധുരക്കിഴങ്ങ്, ബീറ്റ്റൂട്ട്, ടേണിപ്സ്, കെയ്ല്‍ തുടങ്ങിയ ശൈത്യകാല ഇലക്കറികള്‍ കഴിക്കുക. പച്ചക്കറികളിലെ ഉയര്‍ന്ന ഫൈബര്‍ ഉള്ളടക്കം ദഹനവ്യവസ്ഥയെ ശക്തമാക്കാനും നിങ്ങളുടെ രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുന്നു. നാരുകള്‍ അടങ്ങിയ ഭക്ഷണക്രമം നിങ്ങളെ ദീര്‍ഘനേരം സംതൃപ്തിയോടെ നിലനിര്‍ത്തുന്നു. അതുവഴി മറ്റ് കൊഴുപ്പ് കൂട്ടുന്ന ഭക്ഷണങ്ങള്‍ കഴിക്കാനുള്ള നിങ്ങളുടെ ആഗ്രഹവും തടയുന്നു.

ചൂടുവെള്ളം കുടിക്കുക

രാവിലെ വെറുംവയറ്റില്‍ ചെറുചൂടുള്ള വെള്ളം കുടിക്കുന്നത് നല്ല ദഹനാരോഗ്യത്തെ പ്രോത്സാഹിപ്പിക്കും. ഭക്ഷണത്തിന് 30 മിനിറ്റ് മുമ്പ് ചെറുചൂടുള്ള വെള്ളം കുടിക്കുന്നത് നിങ്ങളുടെ ദഹനവ്യവസ്ഥയെ ശുദ്ധീകരിക്കുന്നതിനും നിങ്ങളുടെ ഭക്ഷണം എളുപ്പത്തില്‍ ദഹിപ്പിക്കുന്നതിനും സഹായിക്കും. ശൈത്യകാലത്ത് ചൂടുള്ള പാനീയങ്ങള്‍ കഴിക്കുന്നത് നിങ്ങളുടെ വയറിനെ സന്തോഷിപ്പിക്കും. അതിനാല്‍, ദഹനത്തെ സഹായിക്കുന്ന പെപ്പര്‍മിന്റ് ടീ, ജിഞ്ചര്‍ ടീ എന്നിവ പരീക്ഷിക്കുക.

സുഗന്ധവ്യഞ്ജനങ്ങള്‍

ഔഷധസസ്യങ്ങളും മസാലകളും ഭക്ഷണത്തില്‍ ഉള്‍പ്പെടുത്തുന്നത് നിങ്ങളുടെ ദഹനാരോഗ്യം വര്‍ദ്ധിപ്പിക്കാന്‍ സഹായിക്കും. കറുവപ്പട്ട, മഞ്ഞള്‍, ഇഞ്ചി, ഏലം, പച്ചമുളക്, ജാതിക്ക, ഗ്രാമ്പൂ എന്നിവയെല്ലാം നിങ്ങളുടെ ദഹനത്തെ ഉത്തേജിപ്പിക്കുകയും നിങ്ങളുടെ പ്രതിരോധശേഷി ശക്തിപ്പെടുത്തുകയും ചെയ്യുന്നു.

ആവശ്യത്തിന് വെള്ളം കുടിക്കുക

തണുത്ത കാലാവസ്ഥയില്‍ മിക്കവരും വെള്ളം കുടിക്കുന്നത് കുറവാണ്. നിങ്ങളുടെ ദഹനത്തിന് ഇത് ഒരു വെല്ലുവിളിയാണ്. കാരണം, വെള്ളത്തിന്റെ അഭാവം കുടലിനെ കടുപ്പമുള്ളതാക്കുന്നു. കുടലിലൂടെ ഭക്ഷണത്തിന് സുഗമമായി ചലിക്കാന്‍ ജലാംശം ഉണ്ടായിരിക്കേണ്ടത് അത്യാവശ്യമാണ്. അതിനാല്‍, ദിവസവും ചുരുങ്ങിയത് 2 ലിറ്റര്‍ വെള്ളമെങ്കിലും നിങ്ങള്‍ കുടിക്കുക.

വ്യായാമം മറക്കരുത്

പതിവ് വ്യായാമം നിങ്ങളുടെ ദഹന ആരോഗ്യം മെച്ചപ്പെടുത്താന്‍ സഹായിക്കും. ശൈത്യകാലത്ത് ദഹനനാളത്തിന്റെ അസ്വസ്ഥതകള്‍ കുറയ്ക്കുന്നതിന് നിങ്ങളുടെ ദിനചര്യകള്‍ പരമാവധി പിന്തുടരുക.

നെയ്യ് ഉപയോഗിക്കുക

ശരീരത്തെ കുളിര്‍പ്പിക്കാന്‍ നെയ്യ് ഉത്തമമാണ്. ദഹന പ്രവര്‍ത്തനത്തിന് പുറമേ, തണുത്ത കാലാവസ്ഥയില്‍ നെയ്യ് കഴിക്കുന്നത് നിങ്ങളുടെ രോഗപ്രതിരോധ സംവിധാനത്തെയും പിന്തുണയ്ക്കുന്നു. സുഗമമായ ദഹനത്തില്‍ നിര്‍ണായക പങ്ക് വഹിക്കുന്ന ആരോഗ്യകരമായ ഗട്ട് ബാക്ടീരിയകളെ സഹായിക്കാന്‍ നിങ്ങള്‍ നെയ്യ് കഴിക്കുന്നത് ശീലമാക്കുക.

ഫൈബര്‍ ഡയറ്റ്

ഉയര്‍ന്ന ഫൈബര്‍ അടങ്ങിയ ഭക്ഷണങ്ങള്‍ ദഹനത്തിന്റെ വേഗത നിലനിര്‍ത്തുകയും സുഗമമായ മലവിസര്‍ജ്ജനത്തെ പിന്തുണയ്ക്കുകയും ചെയ്യുന്നു. നല്ല ഹൃദയാരോഗ്യം വളര്‍ത്തുന്നതിനും അവ നിര്‍ണായക പങ്ക് വഹിക്കുന്നു. ഉയര്‍ന്ന ഫൈബര്‍ ഡയറ്റ് നിങ്ങളെ കൂടുതല്‍ നേരം പൂര്‍ണ്ണമായി നിലനിര്‍ത്തുകയും അനാവശ്യ ഭക്ഷണ ആസക്തികള്‍ നിയന്ത്രിക്കുകയും ചെയ്യുന്നു. ഇതിലൂടെ നിങ്ങളുടെ ശരീരഭാരം നിയന്ത്രിക്കാനും സാധിക്കുന്നു.

അത്തിപ്പഴം കഴിക്കുക

ശൈത്യകാലത്ത് അത്തിപ്പഴം കഴിക്കുന്നത് ഗുണകരമാണ്. അത്തിപ്പഴം കഴിക്കുന്നത് മെറ്റബോളിസം മെച്ചപ്പെടുത്തുന്നു. ദിവസവും 2 മുതല്‍ 3 വരെ അത്തിപ്പഴം പാലിനൊപ്പം കഴിക്കാം. മഞ്ഞുകാലത്ത് പ്രതിരോധശേഷി കൂട്ടാനും അത്തിപ്പഴം കഴിക്കാറുണ്ട്. അത്തിപ്പഴം കഴിച്ചാല്‍ അസിഡിറ്റി പ്രശ്നവും മാറിക്കിട്ടും.

ശര്‍ക്കര കഴിക്കുക

ഇരുമ്പ്, കാല്‍സ്യം, ഫോസ്ഫറസ്, പൊട്ടാസ്യം, വിറ്റാമിനുകള്‍ മുതലായവ ശര്‍ക്കരയില്‍ കാണപ്പെടുന്നു. ശൈത്യകാലത്ത് ദഹനം മെച്ചപ്പെടുത്താന്‍ നിങ്ങള്‍ ശര്‍ക്കര കഴിക്കണം. തണുപ്പുകാലത്ത് ശര്‍ക്കര കഴിക്കുന്നത് ശരീരത്തിന് ഊഷ്മളത നല്‍കുന്നതിനും ദഹനവ്യവസ്ഥയെ ശക്തിപ്പെടുത്തുന്നതിനും സഹായിക്കുന്നു.

നെല്ലിക്ക കഴിക്കുക

ആന്റിഓക്സിഡന്റ് ഗുണങ്ങളും വിറ്റാമിന്‍ സിയും നെല്ലിക്കയില്‍ ധാരാളമായുണ്ട്. ശരീരത്തിന്റെ പ്രതിരോധശേഷി വര്‍ധിപ്പിക്കുന്നതിന് നെല്ലിക്ക വളരെയേറെ ഉപയോഗപ്രദമാണ്. നിങ്ങള്‍ ദിവസവും നെല്ലിക്ക കഴിക്കുകയാണെങ്കില്‍, ദഹനവ്യവസ്ഥയുമായി ബന്ധപ്പെട്ട മിക്ക പ്രശ്‌നങ്ങളും നിങ്ങള്‍ക്ക് ഒഴിവാക്കാം.