1 സ്പൂണ്‍ പെരുഞ്ചീരകം കുടവയര്‍ ഒതുക്കും

പെരുഞ്ചീരകം മഞ്ഞള്‍, കറുവാപ്പട്ട

തടിയും വയറും കുറയ്ക്കാന്‍ പെരുഞ്ചീരകം മഞ്ഞള്‍, കറുവാപ്പട്ട എന്നിവയുമായി കലര്‍ത്തി ഒരു പ്രത്യേക പാനീയം തയ്യാറാക്കാം. 1 ടീ സ്പൂണ്‍ പെരുഞ്ചീരകപ്പൊടി, കാല്‍ ടീ സ്പൂണ്‍ കറുവാപ്പട്ട പൊടി, അര ടീസ്പൂണ്‍ ഇഞ്ചിപ്പൊടി, അര ടീസ്പൂണ്‍ മഞ്ഞള്‍പ്പൊടി എന്നിവയാണ് ഇതിനായി വേണ്ടത്. ഇവയെല്ലാം ഒരുമിച്ച് ഒരു കപ്പു ചെറുചൂടുവെള്ളത്തില്‍ കലര്‍ത്തി രാവില വെറുംവയറ്റില്‍ കുടിയ്ക്കാം. ഇത് അടുപ്പിച്ച് അല്‍നാള്‍ ചെയ്താല്‍ ഗുണം ലഭിയ്ക്കും.

മഞ്ഞളും

മഞ്ഞളും ശരീരത്തിലെ കൊഴുപ്പു തള്ളിക്കളയുന്ന ഒന്നാണ്. ശരീരത്തിലെ ടോക്‌സിനുകള്‍ നീക്കാനും ഇതു സഹായിക്കും. ഇതിലെ കുര്‍കുമിനാണ് ഈ ഗുണം നല്‍കുന്നത്.കറുവാപ്പട്ടയും ശരീരത്തിലെ ചൂടു വര്‍ദ്ധിപ്പിച്ച് അപചയപ്രക്രിയ ശക്തിപ്പെടുത്തുന്ന ഒന്നാണ്. നല്ല ദഹനത്തിനും ഇത് നല്ലതാണ്. അതുവഴിയും ഇത് വയര്‍ കുറയ്ക്കാന്‍ സഹായകമാണ്.

പെരുഞ്ചീരകം

വളരെ ലളിതമായ മറ്റൊരു വിദ്യയുണ്ട്. ഒരു ടീസ്പൂണ്‍ പെരുഞ്ചീരകം പൊടിച്ച് ഇതു വെള്ളത്തിലിട്ടു തിളപ്പിച്ചു കുടിയ്ക്കുക. ഇത് ദിവസവും രാവിലെ വെറുംവയറ്റില്‍ കുടിയ്ക്കാം. സാധാരണ പൊടികള്‍ ഉപയോഗിച്ചു വെളളം തിളപ്പിയ്ക്കുന്നതിനു പകരം പെരുഞ്ചീരകമിട്ട് വെള്ളം തിളപ്പിച്ചു ദിവസം മുഴുവന്‍ കുടിയ്ക്കുകയും ചെയ്യാം. അതല്ലെങ്കില്‍ ഈ വെള്ളത്തില്‍ ചെറുചൂടാകുമ്പോള്‍ തേന്‍, ചെറുനാരങ്ങ എന്നിവ പിഴിഞ്ഞു ചേര്‍ത്തു കുടിയ്ക്കാം.

പെരുഞ്ചീരകത്തിനൊപ്പം ജീരകം, മല്ലി, ഇഞ്ചി, കറുവാപ്പട്ട, തേന്‍

പെരുഞ്ചീരകത്തിനൊപ്പം ജീരകം, മല്ലി, ഇഞ്ചി, കറുവാപ്പട്ട, തേന്‍ എന്നിവ ചേര്‍ത്തൊരു പാനീയവും വയറും തടിയും കുറയ്ക്കാന്‍ സഹായിക്കും. 1 ടേബിള്‍ സ്പൂണ്‍ പെരുഞ്ചീരകം, 1 ടേബിള്‍ സ്പൂണ്‍ മല്ലി, 1 ടേബിള്‍ സ്പൂണ്‍ ജീരകം, 4 കപ്പു വെള്ളം, ഒരു കഷ്ണം ഇഞ്ചി, കറുവാപ്പട്ട, 1 ടീസ്പൂണ്‍ തേന്‍ എന്നിവയാണ് ഈ പ്രത്യേക പാനീയം തയ്യാറാക്കാന്‍ വേണ്ടത്. ജീരകം, പെരുഞ്ചീരകം, മല്ലി എന്നിവ വറുക്കുക. പിന്നീട് ഇത് പൊടിയ്ക്കുക. ഈ പൊടിയും തേനൊഴികെ മറ്റു ചേരുവകളും വെള്ളത്തിലിട്ടു തിളപ്പിയ്ക്കുക. നല്ലപോലെ തിളക്കുമ്പോള്‍ വാങ്ങി വച്ച് ചൂടാറുമ്പോള്‍ ഊറ്റി തേനും ചേര്‍ത്തു കുടിയ്ക്കുക. രാവിലെ വെറുംവയറ്റില്‍ കുടിയ്ക്കുന്നതാണ് കൂടുതല്‍ നല്ലത്. ദിവസം പല തവണയായി ഇതു കുടിയ്ക്കാം. ഇത് അല്‍പനാള്‍ അടുപ്പിച്ചു ചെയ്യുന്നത് തടി കുറയാന്‍ സഹായിക്കും. വയറും കുറയ്ക്കും.

പെരുഞ്ചീരകം

പെരുഞ്ചീരകം പൊടിയ്ക്കുക. ഇത് ഗ്ലാസ് ജാറില്‍ വെള്ളത്തിലിട്ടു വയ്ക്കുക. പിന്നീട് ഇതിലേയ്ക്ക് കുറച്ചു പുതിനയിലയും ഇട്ടു വയ്ക്കുക. ഒരു രാത്രി മുഴുവന്‍ ഇങ്ങനെ വച്ച ശേഷം രാവിലെ വെറുംവയറ്റില്‍ കുടിയ്ക്കാം. പല തവണയായും ഇത് കുടിയ്ക്കാം. ഗുണമുണ്ടാകും.

പെരുഞ്ചീരകത്തിന്റെ ഇലയും

പെരുഞ്ചീരകത്തിന്റെ ഇലയും ഇതിന്റെ സവാള പോലെ തോന്നിപ്പിയ്ക്കുന്ന കടഭാഗവുമെല്ലാം തടിയും വയറും കുറയ്ക്കാന്‍ സഹായിക്കുന്ന ഒന്നാണ്. പെരുഞ്ചീരകത്തിന്റെ ഇലകള്‍ ചെറുതായി നുറുക്കി ഇതില്‍ ചൂടുവെള്ളം ഒഴിച്ചു വയ്ക്കുക. അര മണിക്കൂര്‍ കഴിയുമ്പോള്‍ കുടിയ്ക്കാം. ഇതുപോലെ കടഭാഗത്തെ സവാള പോലുള്ള അടിഭാഗം കഷ്ണമാക്കി മുറിച്ച് ഇതില്‍ ചൂടുവെള്ളമൊഴിയ്ക്കുക. അര മണിക്കൂര്‍ കഴിയുമ്പോള്‍ ഈ വെള്ളം ഊറ്റിയെടുത്തും കുടിയ്ക്കാം. ഇതെല്ലാം തടിയും വയറും കുറയ്ക്കാനുള്ള വിദ്യകളാണ്.

പെരുഞ്ചീരകം

ദിവസവും ഭക്ഷണശേഷം ഒരു ടീസ്പൂണ്‍ പെരുഞ്ചീരകം കടിച്ചു ചവച്ചു തിന്നുന്നതും തടി കുറയ്ക്കാന്‍ നല്ലതാണ്.

ദഹനം

ദഹനം മെച്ചപ്പെടുത്തിയും അപചയപ്രക്രിയ ശക്തിപ്പെടുത്തിയുമാണ് പെരുഞ്ചീരകം തടിയും വയറും കുറയ്ക്കാന്‍ സഹായിക്കുന്നത്. ഗ്യാസ്, അസിഡിറ്റി പ്രശ്‌നങ്ങള്‍ക്കുള്ള നല്ലൊരു പ്രതിവിധി കൂടിയാണിത്. നെഞ്ചെരിച്ചിലിനുള്ള നല്ലൊരു പ്രതിവിധി കൂടിയാണ് ഇത്.

വയറ്റിലെ വിരകളെ

വയറ്റിലെ വിരകളെ കൊന്നൊടുക്കുന്നതിനും പെരുഞ്ചീരകം നല്ലതാണ്. ഇതുവഴി വയറിനെ ബാധിയ്ക്കാനിടയുള്ള രോഗങ്ങളില്‍ നിന്നും രക്ഷ നല്‍കുന്നു.

ഈസ്ട്രജന്‍

സ്ത്രീ ഹോര്‍മോണായ ഈസ്ട്രജന്‍ ഉല്‍പാദനത്തിന് സഹായിക്കുന്ന ഒന്നു കൂടിയാണിത്. ഇത് സ്ത്രീകളില്‍ സ്തനവലിപ്പം വര്‍ദ്ധിപ്പിയ്ക്കാന്‍ സഹായിക്കും. മുലപ്പാല്‍ ഉല്‍പാദനം വര്‍ദ്ധിപ്പിയ്ക്കാനും പെരുഞ്ചീരകം ഏറെ ന്ല്ലതാണ്.

പ്രതിരോധശേഷിയ്ക്ക്

പെരുഞ്ചീരകം വൈറ്റമിന്‍ സിയാല്‍ സമ്പുഷ്ടമാണ്. ഇതുകൊണ്ടുതന്നെ ശരീരത്തിന് പ്രതിരോധശേഷി നല്‍കാന്‍ ഏറെ ഉത്തമവുമാണ്. ഇതിലെ സെലേനിയം എന്നൊരു ഘടകമുണ്ട്. ഇത് ടി സെല്‍ ഉല്‍പാദനത്തിന് സഹായിക്കുന്നു. ടി സെല്ലുകള്‍ പ്രതിരോധശേഷിയ്ക്ക് ഉത്തമമാണ്.

ശ്വാസകോശസംബന്ധമായ രോഗങ്ങള്‍ക്കുള്ള നല്ലൊരു മരുന്നാണ്

പെരുഞ്ചീരകത്തിലെ അനിത്തോള്‍, സിനിയോള്‍ തുടങ്ങിയ കെമിക്കലുകള്‍ ശ്വാസകോശസംബന്ധമായ രോഗങ്ങള്‍ക്കുള്ള നല്ലൊരു മരുന്നാണ്. ചുമയും കഫക്കെട്ടും മാറ്റാന്‍ പെരുഞ്ചീരകം നല്ലതാണ്. ആസ്തമ, അലര്‍ജി പോലുള്ള രോഗങ്ങളുള്ളവര്‍ക്ക് ഇത് നല്ലതാണ്. ശ്വസം ശുദ്ധീകരിക്കാനും പെരുഞ്ചീരകം കഴിയ്ക്കുന്നത് ഗുണം ചെയ്യും.

രക്തത്തെ ശുദ്ധീകരിക്കാനും

രക്തത്തെ ശുദ്ധീകരിക്കാനും പെരുഞ്ചീരകത്തിന് കഴിയും. രക്തത്തിലെ ടോക്‌സിനുകള്‍ ഇത് നീക്കം ചെയ്യുന്നു. വാതരോഗികള്‍ക്ക് പറ്റിയൊരു മരുന്നാണ് പെരുഞ്ചീരകം. രക്തത്തിലെ യൂറിക് ആസിഡ് നീക്കം ചെയ്യാന്‍ പെരുഞ്ചീരകത്തിന് സാധിക്കും.

ഡിമന്‍ഷ്യ

ഡിമന്‍ഷ്യ പോലുള്ള പ്രശ്‌നങ്ങള്‍ പരിഹരിക്കാന്‍ പെരുഞ്ചീരകത്തിന് സാധിക്കും. ഇത് തലച്ചോറിന്റെ പ്രവര്‍ത്തനങ്ങളെ ശക്തിപ്പെടുത്തുന്നു. തലച്ചോര്‍ സംബന്ധമായ എല്ലാ പ്രശ്‌നങ്ങളും ഒരു പരിധി വരെ മാറ്റി നിര്‍ത്താന്‍ പെരുഞ്ചീരകത്തിന് കഴിയും.