കരളിങ്ങനെയാകേണ്ടെങ്കില്‍ ഈ കാര്യങ്ങള്‍ ശ്രദ്ധിക്കൂ

ചര്‍മ്മം ചൊറിഞ്ഞ് തടിയ്ക്കല്‍

ചര്‍മ്മത്തില്‍ യാതൊരു വിധത്തിലുള്ള അലര്‍ജിയും ഇല്ലാതെ തന്നെ ചൊറിഞ്ഞ് തടിയ്ക്കുന്നതായി അനുഭവപ്പെട്ടാല്‍ കരളിന്റെ കാര്യത്തില്‍ ശ്രദ്ധ വേണം എന്നതാണ് സത്യം.

രക്തം കട്ടപിടിയ്ക്കുന്നത്

ചിലരില്‍ ചര്‍മ്മത്തിനു താഴെ രക്തം കട്ട പിടിച്ച രീതിയില്‍ കാണപ്പെടും. കരള്‍ പ്രവര്‍ത്തന ക്ഷമമല്ലെന്നതിന്റെ പ്രധാന ലക്ഷണങ്ങളില്‍ ഒന്നാണ് ഇത്. ഹൃദയത്തിന്റെ ആയുസ്സ് തീരാറായാല്‍ കാല്‍വിരല്‍ പറയും

അമിതമായി തടി കുറയുക

അമിതമായി തടി കുറയുന്നതും ശ്രദ്ധിക്കുക. വ്യായാമമോ ഭക്ഷണശീലങ്ങളിലെ മാറ്റമോ ഒന്നും ഇല്ലാതെ തന്നെ തടി കുറയുന്നതാണ് ശ്രദ്ധിക്കേണ്ടത്.

ഛര്‍ദ്ദി

ഭക്ഷണത്തില്‍ വിഷബാധയുണ്ടെങ്കിലോ അല്ലെങ്കില്‍ മറ്റെന്തെങ്കിലും ആരോഗ്യപരമായ കാരണങ്ങളാലോ പലര്‍ക്കും ഛര്‍ദ്ദി അനുഭവപ്പെടറുണ്ട്. എന്നാല്‍ യാതൊരു കാരണവുമില്ലാതെ ഛര്‍ദ്ദിയുണ്ടെങ്കില്‍ അത് പലപ്പോഴും കരളിന്റെ പ്രവര്‍ത്തനക്ഷമതയെ ചോദ്യം ചെയ്യുന്നതാണ്.

കണ്ണിന്റെ നിറം മാറ്റം

മഞ്ഞപ്പിത്തം കരള്‍ ജന്യ രോഗങ്ങളുടെ മുഖ്യ ലക്ഷണമാണ്. കണ്ണിന്റെ നിറത്തിലൂടെ ഇത് മനസ്സിലാക്കാം. കണ്ണിലെ വെളുത്ത ഭാഗത്തിന് മഞ്ഞ നിറം ആണ് കാണപ്പെടുന്നതെങ്കില്‍ ഉടന്‍ തന്നെ ഡോക്ടറെ കാണേണ്ടതാണ്.

മുടി കൊഴിച്ചില്‍

സാധാരണ എല്ലാവരുടേയും മുടി കൊഴിയും. എന്നാല്‍ അമിതമായ തോതിലുള്ള മുടി കൊഴിച്ചില്‍ കരള്‍ പ്രശ്‌നങ്ങളുടെ തുടക്കം തന്നെയാണ് എന്ന കാര്യത്തില്‍ തര്‍ക്കമില്ല.

പനി

വിട്ടു മാറാത്ത പനിയാണ് മറ്റൊരു ലക്ഷണം. മാത്രമല്ല പകല്‍ സമയങ്ങളില്‍ ഉള്ളതിനേക്കാള്‍ ക്ഷീണവും പനിയും രാത്രിയിലാണെങ്കില്‍ ഡോക്ടറെ സമീപിയിക്കാന്‍ വൈകിക്കേണ്ടതില്ല.

വീങ്ങിയ കാലുകള്‍

തട്ടാതെയും മുട്ടാതെയും തന്നെ കാലുകളിലും കാല്‍പ്പാദത്തിലും വീക്കം കാണപ്പെടുന്നുണ്ടെങ്കില്‍ ശരീരത്തില്‍ കരളിന്റെ പ്രവര്‍ത്തനം മന്ദഗതിയിലാണ് നടക്കുന്നതെന്ന് മനസ്സിലാക്കാം.

ഓര്‍മ്മക്കുറവ്

അല്‍ഷിമേഴ്‌സാണ് സാധാരണയായി ഓര്‍മ്മക്കുറവ് എന്ന് പറയുന്നത്. എന്നാല്‍ കരള്‍ പ്രവര്‍ത്തനങ്ങള്‍ പ്രശ്‌നത്തിലാകുമ്പോഴും ഓര്‍മ്മക്കുറവ് അനുഭവപ്പെടാം.

മലത്തില്‍ നിറം മാറ്റം

മലത്തില്‍ നിറം മാറ്റവും രക്തവും കാണപ്പെടുന്നുണ്ടെങ്കിലും അത് ശ്രദ്ധിക്കുക. കാരണം ലിവര്‍ സിറോസിസ് എന്ന ഭീകരന്‍ ശരീരത്തില്‍ പിടിമുറുക്കിയെന്നതിന്റെ ലക്ഷണമാണ് ഇത്.