കിഡ്‌നി വേണമെങ്കില്‍ ഈ ശീലങ്ങള്‍ നിര്‍ത്തൂ...

വെള്ളം ആവശ്യത്തിന് കുടിയ്ക്കാത്തത്

ആവശ്യത്തിന് വെള്ളം കുടിയ്ക്കാത്തത് കിഡ്‌നിയുടെ പ്രവര്‍ത്തനങ്ങളെ പ്രശ്‌നത്തിലാക്കുന്നു. ഇത് ശരീരത്തില്‍ ടോക്‌സിന്‍ വര്‍ദ്ധിപ്പിക്കുന്നു. ഇത് പല തരത്തിലുള്ള അനാരോഗ്യ പ്രശ്‌നങ്ങള്‍ക്ക് കാരണമാകുന്നു. ദിവസവും 12 ഗ്ലാസ്സ് വെള്ളമെങ്കിലും സ്ത്രീകള്‍ നിര്‍ബന്ധമായും കുടിച്ചിരിയ്ക്കണം.

മൂത്രമൊഴിക്കുന്നതില്‍ നിയന്ത്രണം

മൂത്രമൊഴിക്കാന്‍ തോന്നിയാലും മൂത്രം പിടിച്ചു വെയ്ക്കുന്നത് അനാരോഗ്യത്തിനാണ് കാരണമാകുന്നത്. ഇത് കിഡ്‌നിയെ പ്രശ്‌നത്തിലാക്കുന്നു. പ്രത്യേകിച്ച് സ്ത്രീകളില്‍.

മദ്യപാനം

സ്ത്രീകളിലാണെങ്കിലും പുരുഷന്‍മാരിലാണെങ്കിലും മദ്യപാനം ഇന്ന് വളരെയേറെ ശക്തി പ്രാപിച്ചു കൊണ്ടിരിയക്കുന്ന ഒന്നാണ്. മദ്യപിക്കുന്നത് കിഡ്‌നിയേയും കരളിനേയും പ്രശ്‌നത്തിലാക്കുന്നു.

മരുന്നുകളുടെ ഉപയോഗം

മരുന്നുകളുടെ അമിതോപയോഗവും പലപ്പോഴും ആരോഗ്യപ്രശ്‌നങ്ങള്‍ ഉണ്ടാക്കുന്നു. പ്രത്യേകിച്ച് പുരുഷന്‍മാരില്‍. വേദനസംഹാരിയും അതുപോലുള്ള മരുന്നുകളും ഉണ്ടാക്കുന്ന പ്രശ്‌നങ്ങള്‍ പെട്ടെന്ന് ബാധിയ്ക്കുന്നത് കിഡ്‌നിയെയാണ് എന്നതാണ് കാര്യം.

പുകവലിയെന്ന വില്ലന്‍

പുകവലിയെ ഏറ്റവും വലിയ വില്ലനായാണ് പലരും കാണുന്നത്. എന്നാല്‍ ഇതൊഴിവാക്കിയില്ലെങ്കില്‍ അത് കിഡ്‌നിയെ ചീത്തയാക്കും എന്ന കാര്യത്തില്‍ സംശയം വേണ്ട. മാത്രമല്ല ഇത്തരമൊരു ശീലം ഉപേക്ഷിച്ചില്ലെങ്കില്‍ അത് അങ്ങേയററം അപകടമാകും എന്നതാണ് സത്യം.

ഉറക്കത്തിന്റെ അഭാവം

കൃത്യമായ ഉറക്കം ലഭിയ്ക്കാത്തതും കിഡ്‌നിയെ പ്രശ്‌നത്തിലാക്കുന്നു. ദിവസവും 8 മണിക്കൂറെങ്കിലും ഉറങ്ങിയിരിക്കണം എന്നതാണ് കാര്യം.

ഉപ്പിന്റെ അമിതോപയോഗം

ഉപ്പിന്റെ അമിതോപയോഗവും ഉണ്ടാക്കുന്ന പ്രശ്‌നം ചില്ലറയല്ല. ശരീരത്തില്‍ സോഡിയത്തിന്റെ അളവ് വര്‍ദ്ധിക്കുമ്പോള്‍ ഇത് വിഷമായി മാറുകയാണ് ചെയ്യുന്നത്. ഇത് പലപ്പോഴും കിഡ്‌നി പ്രശ്‌നത്തിലാകാന്‍ കാരണമാകുകയാണ് ചെയ്യുന്നത്.

ഉയര്‍ന്ന പ്രോട്ടീന്‍ ഡയറ്റ്

പ്രോട്ടീന്‍ ശരീരത്തിന് അത്യാവശ്യമായ ഒന്നാണ്. എന്നാല്‍ പ്രോട്ടീന്‍ ആവശ്യത്തിലധികമായാലും അപകടം തന്നെയാണ്. ഇത് ഏറ്റവും എളുപ്പത്തില്‍ ബാധിയ്ക്കുന്നത് കിഡ്‌നിയെയാണ്.

കാപ്പി കൂടുതല്‍ കഴിയ്ക്കുന്നത്

നിത്യമുള്ള ശീലങ്ങളില്‍ കാപ്പി കൂടുതല്‍ കഴിയ്ക്കുന്നത് പലപ്പോഴും പ്രശ്‌നങ്ങള്‍ ഉണ്ടാക്കുന്നു. ഇത് കിഡ്‌നി പ്രവര്‍ത്തനങ്ങളെ താറുമാറാക്കുന്നു.

അണുബാധയെ മറക്കുന്നത്

ഏതെങ്കിലും തരത്തിലുള്ള അണുബാധ ഉണ്ടാകുന്നത് പലപ്പോഴും കിഡ്‌നിയോ കരളോ പ്രശ്‌നത്തിലാവുമ്പോഴാണ്. എന്നാല്‍ ഇതിനെ അവഗണിയ്ക്കുമ്പോള്‍ അതുണ്ടാക്കുന്ന പ്രശ്‌നങ്ങള്‍ വളരെ വലുതാണ്.