ഈ ശീലങ്ങള്‍ക്ക് നിങ്ങള്‍ അടിമയാണോ, എങ്കില്‍ അപകടം

ജങ്ക്ഫുഡ്

ജങ്ക് ഫുഡാണ് ഇതിലെ പ്രധാന വില്ലന്‍. ഒരിക്കല്‍ കഴിച്ചാല്‍ പിന്നെ ആ രുചിക്കൂട്ടില്‍ നിന്നും പുറടത്തു കടക്കാനാവില്ലെന്നതാണ് സത്യം. അതുകൊണ്ടു തന്നെയാണ് ഇന്നത്തെ കാലത്ത് രോഗങ്ങളുടെ എണ്ണവും കൂടുന്നത്.

സ്മാര്‍ട്ട് ഫോണ്‍

സ്മാര്‍ട്ട് ഫോണിനെപ്പിരിഞ്ഞ് ഒരു നിമിഷം പോലും ഇരിയ്ക്കാന്‍ കഴിയാത്തവരാണ് നമ്മളില്‍ നല്ലൊരു ശതമാനവും. ഉറങ്ങുമ്പോള്‍ പോലും ഫോണ്‍ അടുത്തു വേണം എന്നതാണ് സ്ഥിതി. എന്നാല്‍ ഇതുണ്ടാക്കുന്ന ആരോഗ്യപ്രശ്‌നങ്ങളെക്കുറിച്ച് പലര്‍ക്കും അറിയാമെങ്കിലും കണ്ടില്ലെന്ന് നടിയ്ക്കുന്നവരാണ് പലരും.

കാപ്പി

കാപ്പിയുടേയും ചായയുടേയും കാര്യത്തില്‍ പലപ്പോഴും യാതൊരു വിധത്തിലുള്ള കോംപ്രമൈസിനും നമ്മള്‍ തയ്യാറാവില്ല. എന്നാല്‍ ഈ ശീലത്തെ പെട്ടെന്ന് നിര്‍ത്തിയാല്‍ അതുണ്ടാക്കുന്ന പ്രശ്‌നവും ചില്ലറയല്ല എന്നതാണ് കാര്യം.

ചോക്ലേറ്റിനോടുള്ള അമിതാഗ്രഹം

ചോക്ലേറ്റ് കഴിയ്ക്കുന്നതിനോടും മധുരപലഹാരങ്ങളോടുമുള്ള പ്രിയം പലപ്പോഴും പലര്‍ക്കും മറച്ചു വെയ്ക്കാന്‍ കഴിയില്ല. ഇവ കഴിയ്ക്കുന്നതിലൂടെ ഇത്തരം പലഹാരങ്ങള്‍ കഴിയ്ക്കാനുള്ള ആഗ്രഹം വര്‍ദ്ധിക്കുന്നതിനു പിന്നിലും ഇതിലുള്ള മധുരമാണ് എന്നതാണ് സത്യം. ഗുരുതരമായ ആരോഗ്യപ്രശ്‌നങ്ങളാണ് ഇതിലൂടെ ഉണ്ടാവുന്നതും.

ഷോപ്പിംഗ് എന്ന രോഗം

പലര്‍ക്കും ഷോപ്പിംഗ് എന്നത് ഒരു ശീലമായിരിക്കും. ആവശ്യമുള്ളതും ആവശ്യമില്ലാത്തതുമായ പല വസ്തുക്കളും നമ്മള്‍ ഷോപ്പിംഗിനിറങ്ങി വാങ്ങിച്ചു കൂട്ടുന്നു. ഇതാകട്ടെ നമ്മളെ സാമ്പത്തികമായും ശാരീരികമായും തളര്‍ത്തും എന്ന കാര്യത്തില്‍ സംശയം വേണ്ട.

ചൂതുകളിയിലെ അപകടം

ചൂതുകളിയിലും ഒളിഞ്ഞിരിയ്ക്കുന്ന അപകടം പലര്‍ക്കും അറിയില്ല. ഇത് ഡോപ്‌മൈന്‍ എന്ന ഹോര്‍മോണ്‍ കൂടുതല്‍ ഉത്പാദിപ്പിക്കാന്‍ കാരണമാകുന്നു. മാനസികമായും ശാരീരികമായും നമ്മളെ തകര്‍ക്കാന്‍ ഡോപ്‌മൈന്‍ കാരണമാകും.

വ്യായാമവും അമിതമായാല്‍ പ്രശ്‌നം

വ്യായാമം ചെയ്യുന്നത് എന്തുകൊണ്ടും നല്ലതാണ്. എന്നാല്‍ അമിതമായി വ്യായാമം ചെയ്യുന്നത് ഉണ്ടാക്കുന്ന പ്രശ്‌നം പലര്‍ക്കും അറിയില്ല. പലരും വ്യായാമം ചെയ്ത് അതിന് അടിമപ്പെടാറുണ്ട്.

സോഷ്യല്‍ മീഡിയയുടെ അതിപ്രസരം

ലഹരി എങ്ങനെയെല്ലാം തലച്ചോറിനെ ബാധിയ്ക്കുമോ അതുപോലെ തന്നെയാണ് സോഷ്യല്‍ മീഡിയ നമ്മളെ ബാധിയ്ക്കുന്നത്. ഒരു പക്ഷേ ലഹരി ഉത്പ്പന്നങ്ങളേക്കാള്‍ അപകടകരമായ രീതിയിലാണ് സോഷ്യല്‍ മീഡിയ നമ്മളെ ബാധിയ്ക്കുന്നത്.

സെക്‌സും അപകടം

ലൈംഗിക കാര്യങ്ങളിലുള്ള അമിതമായ താല്‍പ്പര്യവും നമ്മുടെ ആരോഗ്യത്തെ പ്രതികൂലമായി ബാധിയ്ക്കുന്നതാണ്. ഇത് പലപ്പോഴും പല രോഗാവസ്ഥയിലേക്കും ചിലരെ കൊണ്ടെത്തിക്കും.