ഉദ്ധാരണക്കുറവിന്‌ പരിഹാരങ്ങള്‍

നല്ല ഉറക്കം

ഉറക്കപ്രശ്‌നങ്ങള്‍, അതായത് നല്ല ഉറക്കം കിട്ടാത്തത് ഉദ്ധാരണക്കുറവിന് ഇട വരുത്തും. ഉറങ്ങാന്‍ കൃത്യസമയത്ത് കിടക്കാനും ഉണരാനും ശ്രദ്ധിയ്ക്കുക. ഇത് നല്ല ഉറക്കം ലഭിയ്ക്കാന്‍ സഹായകമാണ്.

ഡയറ്റ്

പോഷകഗുണങ്ങള്‍ ഒത്തിണങ്ങിയ ഡയറ്റ് ശീലമാക്കുക. സിങ്ക്, പ്രോട്ടീന്‍ എന്നിവയടങ്ങിയ ഭക്ഷണങ്ങള്‍ കഴിയ്ക്കുക. പച്ചക്കറികള്‍, പഴവര്‍ഗങ്ങള്‍, മുഴുവന്‍ ധാന്യങ്ങള്‍, മത്സ്യം എന്നിവയെല്ലാം പ്രധാനം.

അമിതവണ്ണം നിയന്ത്രിയ്ക്കുക

അമിതവണ്ണം നിയന്ത്രിയ്ക്കുക. അരക്കെട്ടിന്റെ വണ്ണം 32 ഇഞ്ചില്‍ കൂടുതലുള്ള പുരുഷന്മാര്‍ക്ക് ഉദ്ധാരണക്കുറവ് വരാന്‍ സാധ്യത കൂടുതലാണെന്നു പഠനങ്ങള്‍ പറയുന്നു.

പുകവലി, മദ്യപാന ശീലങ്ങള്‍

പുകവലി, മദ്യപാന ശീലങ്ങള്‍ ഉപേക്ഷിയ്ക്കുക. ഇത് ഉദ്ധാരണക്കുറവിനുള്ള പ്രധാന കാരണങ്ങളാണ്.

മരുന്നുകള്‍

കൊളസ്‌ട്രോള്‍, ബിപി മരുന്നുകള്‍, ആന്റിഡിപ്രസന്റുകള്‍, ഹോര്‍മോണ്‍ അടങ്ങിയ മരുന്നുകള്‍, കോര്‍ട്ടിക്കോസ്റ്റിറോയ്ഡുകള്‍ എന്നിവയെല്ലാം ഉദ്ധാരണ പ്രശ്‌നങ്ങള്‍ക്ക് വഴി വയ്ക്കുന്നതായി തെളിഞ്ഞിട്ടുണ്ട്. ഇത്തരം ഘട്ടങ്ങളില്‍ ഡോക്ടറുടെ ഉപദേശം തേടാം.

വ്യായാമം

വ്യായാമം വളരെ പ്രധാനം. രക്തപ്രവാഹം വര്‍ദ്ധിയ്ക്കാനും ഉദ്ധാരണ പ്രശ്‌നങ്ങള്‍ക്കും ഇത് പരിഹാരമാകാറുണ്ട്.

അക്യുപങ്ചര്‍

അക്യുപങ്ചര്‍ ഉദ്ധാരണ പ്രശ്‌നങ്ങള്‍ക്ക് പരിഹാരമാകുമെന്നു തെളിഞ്ഞിട്ടുണ്ട്. ഈ മാര്‍ഗം പരീക്ഷിയ്ക്കാം.