മസില്‍ കയറ്റം ഇനിയില്ല...

കാല്‍സ്യത്തിന്റെ കുറവ്

പലരിലും മസില്‍ കയറ്റത്തിന്റെ പ്രധാന കാരണം കാല്‍സ്യത്തിന്റെ കുറവാണ്. അതുകൊണ്ടു തന്നെ പാലും മുട്ടയും ധാരാളം കഴിയ്ക്കുന്നത് കാല്‍സ്യത്തിന്റഎ കുറവ് പരിഹരിക്കാന്‍ സഹായിക്കും.

കാലാവസ്ഥാ മാറ്റം

പലപ്പോഴും കാലാവസ്ഥയിലുണ്ടാകുന്ന മാറ്റവും ഇത്തരത്തിലുള്ള പ്രശ്‌നങ്ങള്‍ക്ക് കാരണമാകും. കഠിനമായ തണുപ്പ് പേശിവേദനയ്ക്കും കോച്ചിപ്പിടുത്തവും ഉണ്ടാവുന്നതിന് കാരണമാകും. കഠിനമായ ചൂടും ഇത്തരം പ്രശ്‌നങ്ങള്‍ക്ക് വഴിവെയ്ക്കും.

നിര്‍ജ്ജലീകരണം

ശരീരത്തിലുണ്ടാകുന്ന നിര്‍ജ്ജലീകരണവും ഇത്തരത്തില്‍ കോച്ചിപ്പിടുത്തത്തിനു കാരണമാകാം. അതുകൊണ്ടു തന്നെ നാരങ്ങാവെള്ളവും ഉപ്പും പഞ്ചസാരയും ഇട്ട് കുടിയ്ക്കുന്നതും നിര്‍ജ്ജലീകരണം കുറയ്ക്കുകയും മസില്‍ കയറ്റം തടയുകയും ചെയ്യുന്നു.

വ്യായാമത്തിന്റെ അഭാവം

വ്യായാമത്തിന്റെ അഭാവവും ഇത്തരത്തില്‍ മസില്‍ കയറ്റം അഥവാ കോച്ചിപ്പിടുത്തത്തിനു കാരണമാകാം. അതുകൊണ്ടു തന്നെ ദിവസവും സ്‌ട്രെച്ചിങ് വ്യായാമങ്ങള്‍ ചെയ്യുക. ഇത് പലപ്പോും പേശികളുടെ പ്രവര്‍ത്തനത്തെ സഹായിക്കും.

ചെയ്യേണ്ടവ

മസില്‍ കയറ്റമുണ്ടായാല്‍ ഉടന്‍ തന്നെ അതുവരെ ചെയ്തു കൊണ്ടിരുന്ന പ്രവൃത്തി നിര്‍ത്തുക. പിന്നീട് കോച്ചിപ്പിടുത്തമുണ്ടായ ഭാഗം പതിയെ നിവര്‍ത്താന്‍ ശ്രമിക്കുക. ചെറിയ ചൂടോ തണുപ്പോ വെയ്ക്കുന്നത് നല്ലതാണ്.