വയറൊതുക്കാന്‍ നാരങ്ങയിലുണ്ട് എളുപ്പവഴി

ലെമണ്‍ ഡയറ്റ്

ഒരു ദിവസം ലെമണ്‍ ഡയറ്റ് ശീലമാക്കുക. ശരീരത്തിലെ വിഷാംശം ഇല്ലാതാക്കാന്‍ ഇത്രയും പറ്റിയ ഒരു സാധനം വേറെ ഇല്ലെന്നു തന്നെ പറയാം. ഇത് ശരീരത്തിലെ ആവശ്യമില്ലാത്ത കൊഴുപ്പിനെ ഇല്ലാതാക്കുന്നു. മാത്രമല്ല കൊളസ്‌ട്രോളിന്റെ കാര്യത്തിലും ശക്തമായ നേട്ടം കൊയ്യാന്‍ നാരങ്ങയ്ക്കു കഴിയും. ഇതൊക്കെ ഇല്ലാതായാല്‍ തന്നെ കുടവയര്‍ കുറയും എന്ന കാര്യത്തില്‍ സംശയം വേണ്ട.

സാലഡിനോടൊപ്പം നാരങ്ങാ നീര്

സാലഡ് കഴിയ്ക്കുമ്പോള്‍ അതിനോടൊപ്പം സവാളയും നാരങ്ങയും നമ്മള്‍ കണ്ടിട്ടുണ്ടാവും. എന്നാല്‍ ഇതൊരു ഭംഗിയ്ക്കു വേണ്ടി വെയ്ക്കുന്നതല്ല. കാരണം ഇത് നമ്മുടെ അമിത വിശപ്പിനെ പലപ്പോഴും ഇല്ലാതാക്കും. മാത്രമല്ല അമിത വണ്ണം കുറയ്ക്കുകയും വയറൊതുക്കുകയും ചെയ്യുന്നു.

രാവിലെ തന്നെ നാരങ്ങവെള്ളം

നേരം വെളുക്കുന്നതിനു മുന്‍പ് തന്നെ ചായ കുടിച്ച് ശീലിക്കുന്നവരാണ് നമ്മള്‍ മലയാളികള്‍. എന്നാല്‍ ഇനി മുതല്‍ നാരങ്ങാ വെള്ളം കുടിച്ച് ശീലിച്ചോളൂ. ഇത് ശരീരത്തിന് ഊര്‍ജ്ജം നല്‍കുന്നതോടൊപ്പം വയറങ്ങോട്ടു കുറയ്ക്കും. ഇതോടൊപ്പം അല്‍പം തേനും കൂടി ചേര്‍ത്താല്‍ കാര്യങ്ങള്‍ ഒന്നു കൂടി ഉഷാറാവും.

ആയുര്‍വ്വേദ ലെമണ്‍ ടീ

ലെമണ്‍ ടീ നമ്മളില്‍ പലരും കഴിച്ചിട്ടുണ്ടാകും. എന്നാല്‍ രണ്ട് ടീസ്പൂണ്‍ നാരങ്ങാ നീര്, രണ്ട് ടീ സ്പൂണ്‍ ഇഞ്ചി നീര്, ഒരു കപ്പ് ഗ്രീന്‍ ടീ ഒരു ടീസ്പൂണ്‍ തേന്‍ എന്നിവ ചേര്‍ത്ത ചായ കുടിച്ചു നോക്കൂ. ഒരാഴ്ചയ്ക്കുള്ളില്‍ തന്നെ വിവരമറിയാം.

അമൃത് പോലൊരു പാനീയം

വയറു കുറയ്ക്കാന്‍ സ്‌പെഷ്യല്‍ നാരങ്ങാ ജ്യൂസ് തയ്യാറാക്കാം. അതെങ്ങനെയെന്ന് നോക്കാം. ഒരു നാരങ്ങ ചെറുതായി അരിഞ്ഞത്, ഒരു കുക്കുമ്പര്‍ ചെറുതായി അരിഞ്ഞത്, ഒന്നര ലിറ്റര്‍ വെള്ളം, ഒരു ടേബിള്‍ സ്പൂണ്‍ ഇഞ്ചി അരിഞ്ഞത്. ഇവ എല്ലാം കൂടി നന്നായി യോജിപ്പിച്ച് ഒരു ദിവസം രാത്രി മുഴുവന്‍ വെയ്ക്കുക. പിറ്റേ ദിവസം മുതല്‍ ഉപയോഗിക്കാം. ഇത് തടി കുറയാനും വയറു കുറയാനും നല്ലതാണ്.

ഈ പുളിരസമുള്ള പാനീയം ട്രൈ ചെയ്യാം

വയറു കുറയ്ക്കാനുള്ള ഏറ്റവും നല്ല പാനീയമാണ് ഇത്. നാരങ്ങയും അതു പോലെ തന്നെ വിറ്റാമിന്‍ സി ധാരാളമുള്ള ഓറഞ്ചും മിക്‌സ് ചെയ്ത് ജ്യൂസ് അടിച്ചു കഴിച്ചു നോക്കൂ. എന്നും ഭക്ഷണത്തിനു ശേഷം ഈ ജ്യൂസ് കഴിച്ചാല്‍ വയറെവിടെപ്പോകുന്നു എന്നതു പോലും പലപ്പോഴും നമുക്ക് മനസ്സിലാവില്ല. അത്രത്തോളം ഫലപ്രദമാണ് ഈ ജ്യൂസ്.

ലെമണ്‍ ഡയറ്റ് സൂപ്പ്

ലെമണ്‍ ഡയറ്റ് സൂപ്പ് ആഴ്ചയ്ക്കുള്ളില്‍ തന്നെ തടിയും വയറും കുറയ്ക്കും. മാത്രമല്ല ഇത് ശരീര്തതിന്റെ താപനില നിയന്ത്രിക്കുകയും ചെയ്യും. അര ടീസ്പൂണ്‍ എണ്ണയും ഒരു ടീസ്പൂണ്‍ അരിഞ്ഞ വെളുത്തുള്ളിയും അര ടീസ്പൂണ്‍ ഇഞ്ചിയും പച്ചമുളക് സവാള എന്നിവ അരിഞ്ഞതും നന്നായി ഫ്രൈ ചെയ്യുക. ഇതില്‍ അല്‍പം നാരങ്ങാ നീരും മിക്‌സ് ചെയ്ത് ഉപ്പു ചേര്‍ത്ത് കഴിയ്ക്കുക. ഒരാഴ്ചയ്ക്കുള്ളില്‍ തന്നെ വയറു കുറയ്ക്കും എന്നതാണ് സത്യം