പച്ചക്കറി ഇഷ്ടമാണോ? ഇത്രയും ശ്രദ്ധിക്കുക

പച്ചക്കറിയെ പച്ചക്കറിയായി തിരഞ്ഞെടുക്കുക

സോസ് ആണ് നമ്മുടെ ആവശ്യമെങ്കില്‍ നമ്മള്‍ ഉടനെ തക്കാളി സോസ് തിരഞ്ഞെടുക്കും. എന്നാല്‍ ടിന്‍ ഫുഡ് ഒഴിവാക്കി തക്കാളിയെ തക്കാളിയായിത്തന്നെ തിരഞ്ഞെടുക്കാന്‍ ശ്രമിക്കുക. ഇത് കൂടുതല്‍ ആരോഗ്യമുള്ള ശരീരം പ്രദാനം ചെയ്യും.

സൂക്ഷിക്കുന്നത് ശ്രദ്ധിച്ച്

പച്ചക്കറി വാങ്ങി അത് നമ്മള്‍ ഉടന്‍ തന്നെ ഫ്രിഡ്ജിലേക്ക് തള്ളുന്ന ശീലമാണ് ഉള്ളത്. എന്നാല്‍ അതൊരു തെറ്റായ രീതി ആണെന്നുള്ളതിന് യാതൊരു സംശയവുമില്ല. പച്ചക്കറി കൂടുതലായി വാങ്ങുകയാണെങ്കിലും അവ രണ്ട് ദിവസത്തിനുള്ളില്‍ തീര്‍ന്നു പോകത്തക്ക രീതിയില്‍ വാങ്ങിക്കുക.

വേവിക്കേണ്ടതും വേവിക്കേണ്ടാത്തതും

പല പച്ചക്കറികളും നല്ല പോലെ വേവിച്ച് മാത്രമേ ഉപയോഗിക്കാന്‍ പാടുകയുള്ളൂ. എന്നാല്‍ അധികം വേവിക്കാതെ ഉപയോഗിക്കേണ്ടവയും ഉണ്ട്. ഇവയില്‍ പെട്ടതാണ് പല ഇലവര്‍ഗ്ഗങ്ങളും. ഇവ നന്നായി വേവിച്ചാല്‍ ഇവയിലുള്ള പോഷകങ്ങളെല്ലാം ആവിയായി പോവും എന്നതാണ് സത്യം.

സാലഡിനായി തിരഞ്ഞെടുക്കുമ്പോള്‍

സാലഡ് എന്നും ആരോഗ്യത്തിന് നല്ലതാണ്. എന്നാല്‍ സാലഡിനായി പച്ചക്കറികള്‍ തിരഞ്ഞെടുക്കുമ്പോള്‍ പ്രത്യേകം ശ്രദ്ധിക്കണം. അതുകൊണ്ടു തന്നെ പച്ചവെള്ളത്തില്‍ പലവട്ടം കഴുകിയതിനു ശേഷം മാത്രമേ പച്ചക്കറികള്‍ ഉപയോഗിക്കാവൂ. മാത്രമല്ല കൊഴുപ്പ് രഹിതമായ സാലഡ് ശീലമാക്കാന്‍ ശ്രമിക്കുക.

വെളുത്തുള്ളി വേവിച്ചതിനു ശേഷം പാചകം

വെളുത്തുള്ളി ഇന്ന് നമ്മുടെ പാചകത്തില്‍ ഒഴിച്ചു കൂടാനാവാത്തതാണ്. അതുകൊണ്ടു തന്നെ വെളുത്തുള്ളി വേവിച്ചതിനു ശേഷം പാചകത്തിനുപയോഗിച്ചാല്‍ അതിന്റെ എല്ലാ വിധ ഗുണങ്ങളും നഷ്ടപ്പെടുന്നു.

ഉരുളക്കിഴങ്ങിലുമുണ്ട് രഹസ്യം

ഉരുളക്കിഴങ്ങ് പച്ചയ്ക്കു തിന്നിട്ടുണ്ടോ? തിന്നാന്‍ ശ്രമിച്ചിട്ടുണ്ടോ? ഉരുളക്കിഴങ്ങില്‍ കൂടിയ അളവില്‍ ഗ്ലൂക്കോസ് അടങ്ങിയിട്ടുണ്ട്. എന്നാല്‍ ശരിക്ക് വേവിക്കാതിരുന്നാല്‍ ഇത് നെഗറ്റീവ് ഫലം പ്രദാനം ചെയ്യുന്നു.

കാരറ്റിനേയും ശ്രദ്ധിക്കാം

കാരറ്റ് മുറിച്ച് പാചകം ചെയ്യുന്നത് അതിലെ പോഷകഗുണം നഷ്ടപ്പെടാന്‍ കാരണമാകുന്നു. അതിനാല്‍ കാരറ്റ് വേവിച്ചതിനു ശേഷം മുറിക്കുക.

ബ്രൊക്കോളിയുടെ തണ്ട്

ബ്രോക്കോളിയില്‍ അടങ്ങിയിട്ടുള്ള ആന്റി ഓക്‌സിഡന്റ്‌സിന്റെ അളവ് വളരെ കൂടുതലാണ്. അതുകൊണ്ടു തന്നെ ബ്രൊക്കോളി മുഴുവനായി ഉള്‍പ്പെടുത്തുന്നതിനു പകരം തണ്ട് ഉള്‍പ്പെടുത്തുന്നതും ഏറ്റവും നല്ലതാണ്.

തണുപ്പിക്കുന്നതില്‍ ശ്രദ്ധ

പച്ചക്കറിയുടെ കാലാവധി കൂടിപ്പോയാല്‍ ഒരാഴ്ചയാണ്. എന്നാല്‍ പലരും പല പച്ചക്കറികളും ചിലപ്പോള്‍ മാസങ്ങളോളം സൂക്ഷിക്കുന്നു. ഇത് പിന്നീട് പാകം ചെയ്യുമ്പോഴുള്ള ദോഷം പറഞ്ഞറിയിക്കാന്‍ പറ്റാത്തതാണ്.

പച്ചക്കറികളിലും മായം

പല പച്ചക്കറികളിലും സ്വാഭാവിക നിറം ലഭിക്കുന്നതിനു വേണ്ടി പല തരത്തിലുള്ള കളര്‍ ചേര്‍ക്കാറുണ്ട്. എന്നാല്‍ ഇതുണ്ടാക്കുന്ന ദോഷം ജീവിതകാലം മുഴുവന്‍ നമ്മള്‍ അനുഭവിക്കേണ്ടതാണ്.