നല്ല ഉറക്കത്തിന് ഇവ കഴിക്കൂ...

ഏത്തപ്പഴം

ഏത്തപ്പഴത്തില്‍ അടങ്ങിയിരിക്കുന്ന പൊട്ടാസിയം മസിലുകളെ റിലാക്‌സ് ചെയ്യാന്‍ സഹായിക്കും. ഇതിലടങ്ങിയിരിക്കുന്ന വൈറ്റമിന്‍ ബി-6 ശരീരത്തിലെ മെലാടോണിന്റെ അളവ് കൂട്ടാന്‍ സഹായിക്കും. ഇത് ഇന്‍സോംനിയ രോഗത്തെ ചികിത്സിക്കും.

ചെറിപ്പഴം

ചെറിപ്പഴത്തിന്റെ ജ്യൂസ് രാവിലെ എന്നും കഴിക്കുന്നത് നല്ല ഉറക്കത്തിന് സഹായിക്കും. ഇതില്‍ ധാരാളം മെലടോണിന്‍ അടങ്ങിയിട്ടുണ്ട്.

മുന്തിരി

മുന്തിരിയിലും മെലടോണിന്റെ അളവ് കൂടിയതോതില്‍ അടങ്ങിയിട്ടുണ്ട്. ഇത് കഴിക്കുന്നത് നല്ല ഉറക്കം കിട്ടാന്‍ സഹായിക്കും.

ധാന്യങ്ങള്‍

പഞ്ചസാര കുറഞ്ഞ ധാന്യങ്ങള്‍ ഒരുകപ്പ് കഴിക്കുന്നത് നല്ലതാണ്. കാര്‍ബോഹൈഡ്രേറ്റ് അടങ്ങിയ ഇവ രക്തത്തില്‍ ധാരാളം ട്രൈപ്‌റ്റോഫെന്‍ ഉല്‍പ്പാദിപ്പിക്കുന്നു. ഇത് നല്ല ഉറക്കം സമ്മാനിക്കും.

ബദാം

മെഗ്നീഷ്യത്തിന്റെ കേന്ദ്രമായ ബദാം പേശികള്‍ക്ക് റിലാക്‌സ് നല്‍കുന്നു. ഇത് രക്തത്തിലെ പഞ്ചസാരയുടെ അളവ് സാധാരണ നിലയിലാക്കുന്നു. അങ്ങനെ സുഖകരമായ ഉറക്കം നല്‍കുന്നു.

മധുരക്കിഴങ്ങ്

പൊട്ടാസിയവും പ്രോട്ടീനും അടങ്ങിയ മധുരക്കിഴങ്ങ് മസിലുകള്‍ക്ക് റിലാക്‌സ് നല്‍കുന്നു.

ചൂടുള്ള പാല്‍

പാല്‍ ഉറക്കം നല്‍കുന്ന ഒരു പാനീയമാണെന്ന് അറിയാം. ചൂടു പാല്‍ കുടിച്ച് കിടന്നാല്‍ സുഖകരമായ ഉറക്കം കിട്ടും. പാല്‍ ചേര്‍ത്ത ഓട്‌സ്, ഗ്രനോള, ടോസ്റ്റ് ചെയ്ത വിഭവങ്ങള്‍ എന്നിവ കഴിക്കുന്നതും നല്ല ഉറക്കം നല്‍കും. ഇതില്‍ ധാരാളം കാത്യവും മിനറല്‍സും അടങ്ങിയിട്ടുണ്ട്. ഇത് നല്ല വിശ്രമം തരും.

തേന്‍

തേനില്‍ ഗ്ലൂക്കോസ് സംയുക്തം അടങ്ങിയിട്ടുണ്ടെന്നാണ് പറയുന്നത്. ഇത് തലച്ചോറിനെ മയക്കിക്കെടുത്താന്‍ സഹായിക്കുന്നു. ഉറങ്ങുന്നതിനുമുന്‍പ് ഒരു ടീസ്പൂണ്‍ തേന്‍ കഴിച്ചാല്‍ ഗുഡ് നൈറ്റ് കിട്ടും.

ഡാര്‍ക്ക് ചോക്ലേറ്റ്

ശുദ്ധമായ ചോക്ലേറ്റ് നല്ല ഉറക്കം സമ്മാനിക്കും. ഇതില്‍ സെറോടോണിന്‍ അടങ്ങിയിട്ടുണ്ട്. ഇത് മനസിനെയും ശരീരത്തെയും റിലാക്‌സ് ആക്കുന്നു.