നടക്കുന്നതിന്റെ ചില ഗുണങ്ങളറിയൂ

Published: Tuesday, February 10, 2015, 10:05 [IST]

ഏറ്റവും ലളിതവും അതേ സമയം ഏറ്റവും ഫലപ്രദവുമായ ഒരു വ്യായാമമാണ് നടക്കുകയെന്നത്. ജിമ്മില്‍ പോകാന്‍ പണമില്ലെന്നും സമയമില്ലെന്നും സന്ദര്‍ഭമില്ലെന്നുമെല്ലാം വിലപിയ്ക്കുന്നവര്‍ക്കുമുള്ള ഏറ്റവും നല്ലൊരു വ്യായാമം.

എന്നാല്‍ പലരും നടക്കുന്നതിനെ നല്ലൊരു വ്യായാമത്തിന്റെ ഗണത്തില്‍ പെടുത്തിയിട്ടില്ലെന്നതാണ് വാസ്തവം. ഭക്ഷണം കഴിച്ചാല്‍ ദഹിയ്ക്കാന്‍, അല്ലെങ്കില്‍ വയറിന്റെ കനം കുറയ്ക്കാന്‍ എന്നിങ്ങനെ മാത്രമാണ് നടപ്പിനെ പലരും കാണുന്നത്.

നടക്കുന്നതു കൊണ്ടു പലതരം ഗുണങ്ങളുണ്ട്. ഇവയെന്തൊക്കെയെന്നു നോക്കൂ,

തടി കുറയും

ഏറ്റവും നല്ല ഗുണം നടപ്പ് ശരീരത്തിലെ കൊഴുപ്പു കുറയ്ക്കുമെന്നതാണ്. അതായത് തടിയും വയറുമെല്ലാം കുറയും.

ഗ്ലൈസമിക് ഇന്‍ഡെക്‌സ്

ഗ്ലൈസമിക് ഇന്‍ഡെക്‌സ് നിയന്ത്രിയ്ക്കും. അതായത് പ്രമേഹം തടയും.

ബിപി

ശരീരത്തിലെ ട്രൈഗ്ലിസറൈഡ് തോത് കുറയ്ക്കാനും ഇതുവഴി ബിപി കുറയ്ക്കാനും നടപ്പിനു കഴിയും.

ആയുസ്‌

നടക്കുന്നത് ആയുസു വര്‍ദ്ധിപ്പിയ്ക്കുമെന്നു് പഠനങ്ങള്‍ തെളിയിച്ചിട്ടുണ്ട്.

വാതം

വാതരോഗത്തിനുള്ള നല്ലൊരു പ്രതിവിധിയാണിത്.

ഓര്‍മശക്തി

കൂടുതല്‍ നടക്കുന്നവര്‍ക്ക് കൂടുതല്‍ ഓര്‍മശക്തിയുണ്ടാകുമെന്നും ലോജിക്കല്‍ ടെസ്റ്റുകള്‍ ചെയ്യാനാകുമെന്നും പഠനങ്ങള്‍ പറയുന്നു. നടപ്പ് തലച്ചോറിന്റെ പ്രവര്‍ത്തനത്തെ ശക്തിപ്പെടുത്തുന്നതാണ് കാരണം.