നാല് ഭക്ഷണം, രണ്ട് വ്യായാമം, കുടവയര്‍ പോയി

പ്രോട്ടീന്‍ സമ്പുഷ്ടം ഭക്ഷണം

മുട്ട, ചിക്കന്‍ തുടങ്ങിയവ കഴിക്കണം, കഴിച്ചേ മതിയാവൂ, എന്നാല്‍ പലപ്പോഴും കഴിക്കുന്നതിന്റെ അളവിന്റെ കാര്യത്തില്‍ ഒരു തീരുമാനം ഉണ്ടാകണമെന്നു മാത്രം. പ്രത്യേകിച്ച് കലോറി കുറഞ്ഞ ഭക്ഷണങ്ങള്‍ കഴിയ്ക്കാന്‍ ശ്രമിക്കുക.

ക്രിയാറ്റിന്‍ ഉള്‍പ്പെടുത്തുക

ക്രിയാറ്റിന്‍ അടങ്ങിയ ഭക്ഷണം ധാരാളം കഴിയ്ക്കുക. ഇത് മസിലിനെ ബലപ്പെടുത്തുകയും അമിനോ ആസിഡിന്റെ പ്രവര്‍ത്തനം നല്ല രീതിയിലാക്കുകയും ചെയ്യും. മത്സ്യം ഇത്തരത്തില്‍ ക്രിയാറ്റിന്‍ ധാരാളം അടങ്ങിയ ഒന്നാണ്.

തുവരപ്പരിപ്പ്

തുവരപ്പരിപ്പും പരിപ്പു വര്‍ഗ്ഗങ്ങളും കുടവയര്‍ കുറയ്ക്കുന്ന ഭക്ഷണമാണ്. കുറച്ചു ദിവസം തുവരപ്പരിപ്പ് കഴിച്ചാല്‍ അതുണ്ടാക്കുന്ന മാറ്റം ശരീരത്തില്‍ പ്രകടമാകുന്നതാണ്. തുവരപ്പരിപ്പ് മാത്രമല്ല പയര്‍ വര്‍ഗ്ഗത്തില്‍ പെട്ട ഭക്ഷണങ്ങളെല്ലാം തടി കുറയ്ക്കും എന്ന കാര്യത്തില്‍ സംശയം വേണ്ട.

ഗ്രീന്‍ ടീ

ഗ്രീന്‍ ടീ തടി കുറയ്ക്കുന്നതിന് ബെസ്റ്റാണെന്ന് നമുക്കെല്ലാം അറിയാം. എന്നാല്‍ പലപ്പോഴും ഗ്രീന്‍ ടീ കുടിയ്‌ക്കേണ്ട രീതിയില്‍ കുടിച്ചാലേ ഫലമുള്ളൂ. രാവിലെ വെറും വയറ്റില്‍ ഗ്രീന്‍ ടീ കുടിയ്ക്കുന്നതാണ് ഉത്തമം ഇതിനോടൊപ്പം അല്‍പം തേനും കൂടി ചേര്‍ത്താല്‍ ഉഷാറാവും.

പുഷ് അപ്

ദിവസേന ഇരുന്നുള്ള പണി ചെയ്യുന്നവരില്‍ കുടവയര്‍ വര്‍ദ്ധിക്കാനുള്ള സാധ്യത വളരെ കൂടുതലാണ്. എന്നാല്‍ ഇത്തരത്തിലുള്ളവരാണ് പുഷ്അപ് ചെയ്യേണ്ടത്. ഇത് അമിതവണ്ണം കുറയ്ക്കുകയും കുടവയര്‍ ഇല്ലാതാക്കുകയും ചെയ്യുന്നു.

ബര്‍പീസ്

ബര്‍പീസ് ചെയ്യുന്നത് ശരീരത്തിലെ കൊഴുപ്പ് കുറയാന്‍ ഏറ്റവും നല്ലതാണ്. എന്നാല്‍ ഇതിനെക്കുറിച്ച് പലര്‍ക്കും അറിയില്ല എന്നതാണ് സത്യം. ഈ വ്യായാമം ശീലമാക്കുന്നതിലൂടെ ശരീരത്തിലെ കലോറിയുടെ അളവ് കുറയുന്നു. ഇത് കുടയവര്‍ എന്ന ഭീകരനെ തുടച്ചു നീക്കുന്നു.