അത്താഴം വൈകിയാല്‍

ഉറക്കത്തിന്‌ തടസ്സം

രാത്രി വൈകി ഭക്ഷണം കഴിച്ചിട്ട്‌ ഉറങ്ങുന്നത്‌ നിങ്ങളുടെ ഉറക്ക രീതിയെ തകരാറിലാക്കും . പ്രത്യേകിച്ച്‌ എരിവുള്ള ഭക്ഷണങ്ങളാണ്‌ കഴിച്ചതെങ്കില്‍. നിങ്ങള്‍ക്ക്‌ ശരിക്കും വിശക്കുന്നുണ്ടെങ്കില്‍ വളരെ ലളിതമായിട്ട്‌ എന്തെങ്കിലും കഴിക്കുക. കഫീനും മദ്യവും ഒഴിവാക്കുക. ഇവ രണ്ടും ഉറക്കത്തിന്‌ തടസ്സമുണ്ടാക്കുന്നവയാണ്‌.

ലഘുഭക്ഷണം

ലഘുഭക്ഷണങ്ങള്‍ അനാവശ്യമായി കലോറി ഉയര്‍ത്തുകയും ശരീര ഭാരം കൂട്ടുകയും ചെയ്യും. സമയത്തിന്‌ ഉറങ്ങാന്‍ കഴിയുന്നില്ല എങ്കില്‍ എന്തെങ്കിലും ചവയ്‌ക്കാനുളള തോന്നലുണ്ടാവും. രാത്രി വൈകിയുള്ള ലഘുഭക്ഷണം ഒഴിവാക്കുക . ശരീര ഭാരം കൂടാന്‍ ഇത്‌ കാരണമാകും.

മൂത്രം ഒഴിക്കാനുള്ള തോന്നല്‍

രാത്രി വൈകി ആഹാരം കഴിക്കുന്നത്‌ മൂലം രാത്രിയില്‍ ഇടയ്‌ക്കിടെ മൂത്രമൊഴിക്കാനുള്ള തോന്നല്‍ ഉണ്ടാക്കും. ഇതിനായി ഇടയ്‌ക്കിടെ ഉണരുന്നത്‌ ഉറക്കത്തിന്‌ തടസ്സമുണ്ടാക്കും.

അസിഡിറ്റി

രാത്രി വൈകി ആഹാരം കഴിക്കുന്നത്‌ അസിഡിറ്റിക്ക്‌ കാരണമാകാറുണ്ട്‌. അസിഡിക്‌ ആയിട്ടുള്ള ആഹാരങ്ങള്‍ കഴിച്ചിട്ട്‌ പെട്ടെന്ന്‌ ഉറങ്ങാന്‍ കിടന്നാല്‍ അസിഡിറ്റി ഉണ്ടാകാനുള്ള സാധ്യത കൂടുതലാണ്‌. അതിനാല്‍ ഉറങ്ങാന്‍ കിടക്കുന്നതിനും വളരെ നേരത്തെ ആഹാരം കഴിച്ച്‌ ശീലിക്കുക.