കുടവയര്‍ ഒരു പ്രശ്‌നമേ അല്ല

നേരെ നില്‍ക്കാന്‍ പഠിക്കുക

നില്‍ക്കുമ്പോള്‍ നേരെ നില്‍ക്കാന്‍ പഠിക്കുക എന്നുള്ളതാണ് ആദ്യം ചെയ്യേണ്ടുന്ന കാര്യം. വളഞ്ഞോ തിരിഞ്ഞോ കുഴഞ്ഞോ നില്‍ക്കുന്നത് നമ്മുടെ വയര്‍ ചാടാന്‍ മാത്രമേ ഉപകരിക്കൂ എന്നുള്ളതാണ് സത്യം. നിവര്‍ന്നു നില്‍ക്കുന്നത് നിങ്ങളുടെ നട്ടെല്ലിനെ ബലപ്പെടുത്തും എന്നുള്ളതും സത്യമാണ്.

ഇരുത്തം ശ്രദ്ധിക്കുക

ഇരിക്കുമ്പോഴും അല്‍പം ശ്രദ്ധിക്കുന്നത് നന്നായിരിക്കും. എന്നാല്‍ മണിക്കൂറുകളോളം ഉള്ള ഇരുത്തം നമ്മുടെ വയര്‍ ചാടാന്‍ പ്രധാന കാരണമാകുമെന്നും ശ്രദ്ധിക്കുക. വളഞ്ഞ് തിരിഞ്ഞ് ഇരിക്കാതെ അല്‍പം ശ്രദ്ധിച്ച് നടു നിവര്‍ത്തി ഇരുന്നാല്‍ ഒരുപരിധി വരെ നമുക്ക് വയര്‍ ചാടുന്നതില്‍ നിന്ന് മുക്തി നേടാം.

വയറനുസരിച്ച് ഫാഷന്‍ സെന്‍സ്

അല്‍പം വയര്‍ കൂടിയാലും അതനുസരിച്ച് വസ്ത്രം ധരിക്കുന്നത് നന്നായിരിക്കും. എന്നാല്‍ പലപ്പോഴും നമ്മുടെ ഡ്രസ്സിംഗ് തന്നെ നമുക്ക് പാരയായി വരുന്നുണ്ടെന്നതാണ് മറ്റൊരു സത്യം. കുടവയറുള്ളവര്‍ അല്‍പ്പം കടുത്ത നിറത്തിലുള്ള വസ്ത്രങ്ങള്‍ ധരിക്കുന്നതായിരിക്കും ഉത്തമം. ഇത് നമ്മുടെ കുടവയര്‍ വെളിവാക്കുകയില്ല എന്നതാണ് സത്യം.

അടുത്ത ദിവസത്തേക്കു കൂടി വേണ്ട

ഭക്ഷണം എന്തായാലും ഒരു പ്രധാന ഘടകമാണെന്നത് നമുക്കറിയാ അതുകൊണ്ടു തന്നെ വിശപ്പ് മാറാന്‍ പാകത്തിന് മാത്രം ഭക്ഷണം കഴിക്കുക. അതായത് വയര്‍ നിറഞ്ഞ് ഉറങ്ങാന്‍ പോലും പറ്റാത്ത വിധത്തില്‍ വേണ്ട എന്നതാണ് സത്യം.

വെള്ളത്തിനു പകരം സോഡയായാലോ

പച്ചവെള്ളത്തിനു പകരം ഇടയ്ക്ക് സോഡ കഴിച്ചു നോക്കൂ. ഇത് നിങ്ങളുടെ കുടവയര്‍ കുറയ്ക്കും എന്ന കാര്യത്തില്‍ സംശയം വേണ്ട.ഇടയ്ക്കിടയ്ക്ക് ഇനി മുതല്‍ സോഡ കുടിച്ചോളൂ.

ധാന്യങ്ങള്‍ നല്ലതിന്

മുളപ്പിച്ച ധാന്യങ്ങള്‍ കഴിക്കുന്നത് കുടവയര്‍ കുറയാന്‍ നല്ലതാണ്. കൂടാതെ ഇതിലൂടെ ധാരാളം പ്രോട്ടീനും ലഭിക്കും എന്നുള്ളതാണ് സത്യം. ഇത് ശരീരത്തിലെ ഇന്‍സുലിന്റെ പ്രവര്‍ത്തനം കുറയ്ക്കുകയും കുടവയറിന് കടിഞ്ഞാണിടുകയും ചെയ്യും.

ഡെസ്സേര്‍ട്ടിന് തണ്ണിമത്തന്‍

തണ്ണിമത്തന്‍ ഒരു ഡെസ്സേര്‍ട്ടാി ഉപയോഗിക്കുന്നതും നല്ലതാണ്. എന്തുകൊണ്ടെന്നാല്‍ തണ്ണിമത്തന്‍ കുടവയര്‍ മാത്രമല്ല കുറയ്ക്കുന്നത് ഇത് തടി കൂടെ കുറയ്ക്കും എന്ന കാര്യത്തില്‍ സംശയം വേണ്ട.

ആരോഗ്യകരമായ ഡയറ്റിന് തുടക്കമിടുക

ഇന്ന് മുതല്‍ വയര്‍ കുറയ്ക്കും എന്ന് പ്രതിഞ്ജയെടുത്ത് ഡയറ്റ് തുടങ്ങുക. ഇത് നിത്യേന പാലിച്ചു പോന്നാല്‍ തന്നെ നിങ്ങളുടെ കുടവയര്‍ കുറയും എന്ന കാര്യത്തില്‍ സംശയം വേണ്ട.

അരിഭക്ഷണം പതുക്കെ കുറയ്ക്കുക

അരിഭക്ഷണം പതുക്കെ പതുക്കെ കുറയ്ക്കുക. പകരം ആരോഗ്യകരമായ ഭക്ഷണങ്ങള്‍ ഉള്‍പ്പെടുത്തുക. ഇതിലൂടെ എന്തായാലും കുടവയറിന്റെ കാര്യത്തില്‍ തീരുമാനമാകുമെന്നാണ് കാലിഫോര്‍ണിയ സര്‍വ്വകലാശാലയിലെ ഗവേഷകര്‍ അഭിപ്രായപ്പെടുന്നത്.