പച്ചക്കറികള്‍ ആരോഗ്യകരമായി പാചകം ചെയ്യാം

ആവിയില്‍ വേവിച്ചു കഴിയ്‌ക്കുന്നത്‌

പച്ചക്കറികള്‍ ആവിയില്‍ വേവിച്ചു കഴിയ്‌ക്കുന്നത്‌ ഇവയിലെ പോഷകാംശം നഷ്ടപ്പെടാതിരിയ്‌ക്കുന്നതിനുള്ള ഒരു പ്രധാന വഴിയാണ്‌. ഏറ്റവും ആരോഗ്യകരമായ പാചകരീതി ഇതാണെന്നു പറയാം.

ഗ്രില്‍

ഗ്രില്‍ ചെയ്‌തു കഴിയ്‌ക്കുന്നത്‌ രുചികരവും അതേ സമയം ആരോഗ്യകരവുമാണ്‌. ഗ്രില്‍ ചെയ്യുമ്പോള്‍ ഒലീവ്‌ ഓയില്‍ ഉപയോഗിയ്‌ക്കുന്നതാണ്‌ കൂടുതല്‍ നല്ലത്‌.

അത്യാവശ്യത്തിനു മാത്രം ഉപ്പുപയോഗിയ്‌ക്കുക

പച്ചക്കറികളില്‍ അത്യാവശ്യത്തിനു മാത്രം ഉപ്പുപയോഗിയ്‌ക്കുക. ഇത്‌ ആരോഗ്യത്തിന്‌ ശ്രദ്ധിയ്‌ക്കേണ്ട ഒരു പ്രധാന കാര്യമാണ്‌.

എണ്ണ ചേര്‍ക്കാതെ വറുക്കാം

ഇവ എണ്ണ ചേര്‍ക്കാതെ വറുക്കാം. ഇത്‌ ആരോഗ്യകരമായ ഒരു പാചകരീതി തന്നെയാണ്‌.

റോസ്‌റ്റ്‌

പച്ചക്കറികള്‍ റോസ്‌റ്റ്‌ ചെയ്യുന്നതാണ്‌ മറ്റൊരു പ്രധാന വഴി. ഇത്‌ സ്വാദിനൊപ്പം പോഷകങ്ങള്‍ നഷ്ടപ്പെടാതിരിയ്‌ക്കാനും സഹായിക്കും.

വെള്ളത്തിലിട്ട്‌ വേവിയ്‌ക്കാം

പച്ചക്കറികള്‍ വെള്ളത്തിലിട്ട്‌ വേവിയ്‌ക്കാം. ഇങ്ങനെ ലഭിയ്‌ക്കുന്ന വെള്ളം കളയാതെ സൂപ്പോ മറ്റോ ആക്കി ഉപയോഗിയ്‌ക്കുക. കാരണം ഇവയിലും പോഷകങ്ങള്‍ അടങ്ങിയിരിയ്‌ക്കും.

ഗ്രേവി

പച്ചക്കറികള്‍ തിളപ്പിയ്‌ക്കുന്ന വെള്ളം അല്‍പം പോലും കളയാതെ കറിയ്‌ക്കുള്ള ഗ്രേവിയായി പച്ചക്കറികള്‍ക്കൊപ്പം തന്നെ ചേര്‍ക്കുക. ഇതും ആരോഗ്യകരമായ ഒരു പാചകരീതിയാണ്‌.

മൈക്രോവേവില്‍

മൈക്രോവേവില്‍ പച്ചക്കറികള്‍ വേവിയ്‌ക്കുന്നത്‌ ആരോഗ്യകരമായ മറ്റൊരു പാചകരീതിയാണ്‌. ഇതില്‍ എണ്ണയുടെ ഉപയോഗം കുറയുന്നതു തന്നെ കാരണം.