ടെന്‍ഷന്‍ തലവേദനക്ക് പരിഹാരവുമുണ്ട്

ടെന്‍ഷന്‍ കൊണ്ടുണ്ടാകുന്ന തലവേദന മാറ്റാന്‍ മരുന്നുകള്‍ ഗുണം ചെയ്‌തെന്നു വരില്ല. സാധാരണ ഗതിയില്‍ പുരുഷന്മാരേക്കാള്‍ സ്ത്രീകളെയാണ് ഇത്തരം തലവേദനകള്‍ കൂടുതല്‍ ബാധിക്കുന്നത്. ചില സ്ത്രീകളില്‍ ഇത് ദിവസങ്ങളോളം നീണ്ടുനിന്നുവെന്നു വരാം.

ടെന്‍ഷന്‍ തലവേദന അപൂര്‍വമായി പാരമ്പര്യം കൊണ്ടുമുണ്ടാകാം. ഡിപ്രഷന്‍, വിശപ്പ്, ക്ഷീണം തുടങ്ങിയവ ടെന്‍ഷനും അതുവഴി തലവേദനക്കും കാരണമാകാം. ജോലിത്തിരക്കും മൂലം ഭക്ഷണം കഴിക്കാതിരിക്കുന്നത് മറ്റൊരു പ്രശ്‌നം. ഇതു കൂടാതെ ജോലിയില്‍ നിന്നുള്ള ടെന്‍ഷന്‍ മറുവശത്തും.

ചുറ്റുപടുമുള്ള പൊടിയു തിരക്കും ടെന്‍ഷനുണ്ടാക്കാം. ഇത് തലവേദനക്കും കാരണമാകും.

ടെന്‍ഷന്‍ അകറ്റുകയാണ് ഇത്തരം തലവേദനക്കുള്ള ഏറ്റവും നല്ല പ്രതിവിധി. യോഗ, മെഡിറ്റേഷന്‍, വ്യായാമം തുടങ്ങിയവ പ്രയോജനം ചെയ്യും.

സാധാരണ തലവേദനക്കുപയോഗിക്കുന്ന യോഗ, മെഡിറ്റേഷന്‍, വ്യായാമം തുടങ്ങിയവ മനസിന് ഉന്മേഷം നല്‍കുകയും ടെന്‍ഷന്‍ കുറയ്ക്കുകയും അതുവഴി തലവേദന മാറ്റുകയും ചെയ്യും.

മസാജ് തലവേദനക്കുള്ള ഒരു പരിഹാര മാര്‍ഗമാണ്. ലേപനങ്ങളോ ചെറുചൂടുള്ള എണ്ണയോ നെറ്റിയില്‍ തേച്ചു തടവുന്നത് ഗുണം ചെയ്യും.

മനസിന് ടെന്‍ഷനില്‍ നിന്ന് വിടുതല്‍ നല്‍കുകയെന്നതാണ് പ്രധാനമെന്നോര്‍ക്കണം. അതിന് അനുയോജ്യമായ ഏതു വഴി വേണമെങ്കിലും സ്വീകരിക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.