ടൈറ്റ് ജീന്‍സ് വജൈനല്‍ അണുബാധയുണ്ടാക്കും

Wellness

oi-Saritha

By Veena

Updated: Tuesday, July 10, 2012, 12:01 [IST]

ടൈറ്റ് ജീന്‍സ് ഫാഷനാണ്. എന്നാല്‍ വല്ലാതെ ഇറുകിയ ജീന്‍സ് സ്ത്രീകള്‍ക്ക് ധാരാളം ആരോഗ്യപ്രശ്‌നങ്ങളുമുണ്ടാക്കുന്നുണ്ട്. യോനീ ഭാഗത്ത് അണുബാധ, യൂറിനറി ഇന്‍ഫെക്ഷന്‍, കാലില്‍ രക്തം കട്ടി പിടിക്കുക തുടങ്ങിയവ ഇതുണ്ടാക്കുന്ന ആരോഗ്യപ്രശ്‌നങ്ങളാണ്. എന്തിന്, ഇറുകിയ ജീന്‍സിട്ട് ഭക്ഷണം കഴിയ്ക്കുമ്പോള്‍ വയറിന് അസ്വസ്ഥതയുണ്ടാകുന്നത് അനുഭിച്ചറിയാം.

ചെരുപ്പാണ് മറ്റൊരു പ്രശ്‌നം. ഹൈഹീല്‍ ചെരിപ്പുകള്‍ ഉണ്ടാക്കുന്ന പ്രശ്‌നങ്ങളെക്കുറിച്ച് എടുത്തു പറയേണ്ടതില്ലല്ലോ. നടുവേദന തുടങ്ങിയ പ്രശ്‌നങ്ങള്‍ തന്നെ. സന്ധിവാതം പോലുള്ള രോഗങ്ങളും ഇവയുണ്ടാക്കും. ഫാഷനു വേണ്ടി പല ഷേപ്പുകളിലെ ചെരിപ്പുകള്‍ ധരിക്കുന്നവരുണ്ട്. ഇതും ആരോഗ്യത്തിന് കേടാണ്. ഫാഷനേക്കാളുമുപരിയായി കാലിനും നടപ്പിനും സുഖകരമായ ചെരിപ്പുകള്‍ നോക്കി വാങ്ങുന്നതാണ് നല്ലത്.

ഫാഷന്‍ അടിവസ്ത്രങ്ങളെ വരെ ബാധിച്ചിട്ടുള്ള കാലഘട്ടമാണ്. കോട്ടന്‍ തുണിക്കു പകരം സിന്തെറ്റിക് തുണി കൊണ്ടുള്ള അടിവസ്ത്രങ്ങള്‍ ധരിക്കുന്നവരുണ്ട്. അസുഖങ്ങള്‍ വരാന്‍ മറ്റൊന്നും വേണ്ട. എന്തൊക്കെ ഫാഷന്റെ പേരു പറഞ്ഞാലും കൃത്യമായ അളവിലുള്ള കോട്ടന്‍ അടിവസ്ത്രങ്ങള്‍ തന്നെ ധരിക്കാന്‍ ശ്രദ്ധിക്കണം.

വ്യായാമം ഒഴിവാക്കുന്ന സ്ത്രീകളുണ്ട്. പ്രത്യേകിച്ചും വീട്ടമ്മമാര്‍. വീട്ടിലെ പണികള്‍ ചെയ്യുന്നതു തന്നെ നല്ല വ്യായാമമാണല്ലോയെന്നായിരിക്കും ഇവരുടെ ചിന്താഗതി. ഇത് തികച്ചും തെറ്റാണ്. വീട്ടുപണികള്‍ ഒരു പരിധി വരെ വ്യായാമം കൂടിയാണ്. എന്നാല്‍ ശരിരായ വ്യായാമത്തിന്റെ ഗുണം ഇത് തരുന്നുണ്ടെന്നും പറയാനാവില്ല. വീട്ടമ്മമാരാണെങ്കിലും വ്യായാമം ചെയ്യുക തന്നെ വേണം. അസുഖങ്ങള്‍ ഒഴിവാക്കാന്‍ ഇത് അത്യാവശ്യമാണ്.

ഹൃദയാരോഗ്യത്തിന്റെ കാര്യത്തില്‍ സ്ത്രീകള്‍ അധികം ശ്രദ്ധിക്കാറില്ല. ഹാര്‍ട്ട് അറ്റാക്ക് സ്ത്രീകള്‍ക്ക് വരില്ല എന്ന തെറ്റിദ്ധാരണയും ചിലര്‍ക്കുണ്ട്. സ്ത്രീ ഹോര്‍മോണായ ഈസ്ട്രജന്‍ ഹൃദയത്തിന് സംരക്ഷണം നല്‍കുന്നുവെന്ന കാര്യത്തില്‍ സംശയമില്ല. ഇതുകൊണ്ട് ഹൃദയാഘാത സാധ്യതയും കുറവാണ്.

എന്നാല്‍ അറ്റാക് വരില്ലെന്നു പറയാനാവില്ല. പ്രത്യേകിച്ചും മെനോപോസിനു ശേഷം. ഈസ്ട്രജന്‍ ഉല്‍പാദനം മിക്കവാറും നിലയ്ക്കുന്ന സമയമാണിത്. ഹാര്‍ട്ട് അറ്റാക്ക് ലക്ഷണങ്ങളും ഹൃദയത്തിന്റെ ആരോഗ്യവും സ്ത്രീകള്‍ വിസ്മരിക്കരുതെന്ന് ചുരുക്കം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.