തലച്ചോറിന്റെ ആരോഗ്യത്തിന് ചിലത്

Wellness

oi-Saritha

By Veena

Published: Monday, May 21, 2012, 12:10 [IST]

തലച്ചോറിന്റെ ആരോഗ്യം പ്രധാനമാണ്. തലച്ചോര്‍ നേരെയായാല്‍ മാത്രമേ ശരീരം നേരായ രീതിയില്‍ പ്രവര്‍ത്തിക്കൂ. തലച്ചോറിന്റെ ആരോഗ്യം നേരെയാക്കുവാന്‍ വേണ്ടി ചെയ്യാവുന്ന ചില കാര്യങ്ങളുണ്ട്.

ഭക്ഷണത്തിന് തലച്ചോറിന്റെ ആരോഗ്യത്തില്‍ പ്രധാനമായ പങ്കു വഹിക്കാനുണ്ട്. ചിക്കന്‍, വറുത്ത സാധനങ്ങള്‍ തുടങ്ങിയവ തലച്ചോറിന്റെ ശരിയായ വളര്‍ച്ചയെ ബാധിക്കുമെന്ന് പഠനങ്ങള്‍ തെളിയിച്ചിട്ടുണ്ട്. ബ്ലൂബെറി, സ്‌ട്രോബെറി പോലുള്ള സാധനങ്ങള്‍ തലച്ചോറിന്റെ വളര്‍ച്ചയെ സഹായിക്കുമെന്ന് തെളിഞ്ഞിട്ടുമുണ്ട്. ഇവയിലെ ഫ്‌ളേവനോയ്ഡ്‌സ് എന്ന ആന്റി ഓക്‌സിഡന്റുകളാണ് ഈ ഗുണം നല്‍കുന്നത്. ഇവ മാത്രമല്ല, പഴവര്‍ഗങ്ങള്‍ കൂടുതലായി ഭക്ഷണത്തില്‍ ഉള്‍പ്പെടുത്തുന്നത് ഡിമെന്‍ഷ്യ, അല്‍ഷീമേഴ്‌സ് തുടങ്ങിയ രോഗങ്ങള്‍ക്ക് പരിഹാരവുമാകും.

ഗ്രീന്‍ ടീ കുടിയ്ക്കുന്നതും അല്‍ഷീമേഴ്‌സ് തുടങ്ങിയ രോഗങ്ങള്‍ വരാതിരിക്കാന്‍ സഹായിക്കും. അല്‍ഷീമേഴ്‌സിന് കാരണമാകുന്ന ആംലോയ്ഡ് എന്ന വിഷവസ്തു തലച്ചോറിനെ ബാധിക്കുന്നത് ഗ്രീന്‍ ടീയിലെ ആന്റി ഓക്‌സിഡന്റ് തടയും.

വീട്ടുജോലികള്‍ ചെയ്യുന്നതും തലച്ചോറിന് നല്ലതാണെന്ന് തെളിഞ്ഞിട്ടുണ്ട്. പാചകം, വീട് വൃത്തിയാക്കുക, ചെസ്, സുഡാക്കോ തുടങ്ങിയവ കളിയ്ക്കുന്നതും തലച്ചോറിന്റെ ആരോഗ്യത്തെ സഹായിക്കും.

തലച്ചോറിന് പുതിയ അറിവുകള്‍ കൊടുത്തുകൊണ്ടിരിക്കുക, തലച്ചോറിനെ അമിതമായി വിശ്രമിക്കാന്‍ അനുവദിക്കാതിരിക്കുക തുടങ്ങിയവ നല്ലതാണ്. പുതിയ ഭാഷകള്‍ പഠിക്കുന്നതും തലച്ചോറിന് നല്‍കാവുന്ന ഒരു വ്യായാമമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.