സ്തനാര്‍ബുദം, മുന്‍കരുതലുകള്‍

Wellness

oi-Saritha

By Veena

Published: Saturday, May 5, 2012, 12:25 [IST]

സ്ത്രീകളെ ഇപ്പോഴത്തെ കാലത്ത് ഭയപ്പെടുത്തുന്ന പ്രധാന രോഗമാണ് സ്തനാര്‍ബുദം. ഇത് വരാതിരിക്കാന്‍ ചില മുന്‍കരുതലുകളെടുക്കാം. ഇവയെന്തെന്ന് അറിയൂ.

ഭക്ഷണത്തിന് സ്താനാര്‍ബുദം തടയുന്നതില്‍ പ്രധാന സ്ഥാനമുണ്ട്. ഫൈറ്റോ കെമിക്കലുകള്‍, ആന്റി ഓക്‌സിഡന്റുകള്‍, ഒമേഗ ത്രീ ഫാറ്റി ആസിഡ്, ഫൈബറുകള്‍ എന്നിവ അടങ്ങിയ ഭക്ഷണങ്ങള്‍ ധാരാളം കഴിയ്ക്കണം.

ഹോര്‍മോണ്‍ കുത്തിയവയ്ക്കുന്ന കോഴികളുടെ ഇറച്ചി, ഇവയില്‍ നിന്നുള്ള മുട്ട, സോസുകള്‍, ബേക്കിംഗ് പൗഡര്‍, അജിനോമോട്ടോ തുടങ്ങിയവ കഴിവതും ഒഴിവാക്കുക. മാത്രമല്ലാ, എണ്ണ വീണ്ടും വീണ്ടും ചൂടാക്കി കഴിയ്ക്കുക, അമിതമായ ഉപ്പ് എന്നിവയും ബ്രെസ്റ്റ് ക്യാന്‍സര്‍ സാധ്യത വര്‍ദ്ധിപ്പിക്കും. ഇവയും ഒഴിവാക്കുക.

അമിതവണ്ണം സ്തനാര്‍ബുദ സാധ്യത കൂട്ടുന്നതായി കണ്ടെത്തിയിട്ടുണ്ട്. പ്രത്യേകിച്ച് മെനോപോസിനോടനുബന്ധിച്ച് ഹോര്‍മോണ്‍ വ്യതിയാനങ്ങളുണ്ടെങ്കില്‍ അമിതവണ്ണത്തിനുള്ള സാധ്യത ഏറെയാണ്. ഇത് സ്തനാര്‍ബുദത്തിനും കാരണമാകും. ഇവിടെയാണ് വ്യായാമത്തിന് പ്രസക്തിയേറുന്നത്. വ്യായാമം വഴി അമിതവണ്ണം കുറയ്ക്കുക. ഇത് ശരീരത്തില്‍ കൊഴുപ്പടിഞ്ഞ് കൂടാതിരിക്കാനും നല്ലതാണ്.

തുടക്കത്തില്‍ കണ്ടെത്തിയാല്‍ പൂര്‍ണമായും ചികിത്സിച്ചു മാറ്റാവുന്ന രോഗമാണിത്. അതുകൊണ്ട് സ്തനാര്‍ബുദം നേരത്തെ തന്നെ തിരിച്ചറിയാനുള്ള പരിശോധനകള്‍ നടത്തുക.

നാല്‍പതിന് മീതെയുള്ളവര്‍ എല്ലാ വര്‍ഷവും മാമോഗ്രാഫി ചെയ്യേണ്ടത് അത്യാവശ്യം. പാരമ്പര്യമായി രോഗസാധ്യതയുള്ളവര്‍ മുപ്പതു വയസു മുതല്‍ മൂന്നു വര്‍ഷത്തിലൊരിക്കലെങ്കിലും ഈ ടെസ്റ്റ് നടത്തേണ്ടതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.