ജീവിയ്ക്കൂ, ആരോഗ്യത്തോടെ

Published: Friday, April 27, 2012, 17:12 [IST]

ശരീരത്തിന്റെയും മനസിന്റെയും ആരോഗ്യത്തിന് ആദ്യം വേണ്ടത് സന്തോഷമായിരിക്കുകയെന്നതാണ്. ഇത് കാശു കൊടുത്തു വാങ്ങാനൊന്നും സാധിക്കില്ല. അവനവനില്‍ തന്നെ സന്തോഷം കണ്ടെത്തുകയാണ് വേണ്ടത്. അപകര്‍ഷതാബോധം സന്തോഷം നശിപ്പിക്കും. ഉള്ള ഗുണങ്ങളോടും ദോഷങ്ങളോടും കൂടി തങ്ങളെത്തന്നെ അംഗീകരിക്കാന്‍ പഠിക്കണം.

സന്തോഷത്തിന് ശരീരവും മനസും ഒരുമിച്ചു തന്നെ പ്രവര്‍ത്തിക്കണം. ഒരു ഭാഗത്തു പ്രശ്‌നമുണ്ടെങ്കില്‍ മറുഭാഗത്തും പ്രശ്‌നമുണ്ടാകുമെന്ന കാര്യത്തില്‍ സംശയം വേണ്ട.

ഭക്ഷണം ആരോഗ്യത്തിന് പ്രധാനമാണ്. പോഷകഗുണമുള്ള ഭക്ഷണം തെരഞ്ഞടുത്തു കഴിയ്ക്കുക. എന്തെങ്കിലുമൊക്കെ കഴിച്ചാല്‍ മതിയെന്ന ചിന്ത മാറ്റുക. ഭക്ഷണനിയന്ത്രണം ആരോഗ്യപരമായ കാര്യങ്ങള്‍ക്ക് പ്രധാനമാണ്. എന്നാല്‍ ഇഷ്ടമുള്ള എല്ലാ ഭക്ഷണവും ഉപേക്ഷിക്കുകയെന്ന് ഇതിനര്‍ത്ഥമില്ല. എല്ലാ ഭക്ഷണങ്ങളും നിയന്ത്രിച്ചു കഴിയ്ക്കാം എന്നത് പ്രധാനമാണ്.

വ്യായാമം ആരോഗ്യം മാത്രമല്ലാ, മാനസിക സന്തോഷവും നല്‍കും. യോഗ, മെഡിറ്റേഷന്‍ തുടങ്ങിയവ ടെന്‍ഷനുകള്‍ അകറ്റുവാനും സമാധാനമുണ്ടാകാനും നല്ലതാണ്. ഇവ ചെയ്യുമ്പോള്‍ അതു കൊണ്ടുള്ള വ്യത്യാസം വ്യക്തമായി മനസിലാകും.

നല്ല കൂട്ടുകെട്ടുകള്‍ പ്രധാനമാണ്. സ്വയമെ നന്മയും സന്തോഷവുമുള്ളവരുടെ കൂടെ കൂട്ടുകൂടാന്‍ ശ്രമിക്കുക. കൂട്ടുകാരില്‍ നിന്ന് നല്ലതു പഠിച്ചെടുക്കുക. ഇത് നമ്മുടെ ഉള്ളില്‍ത്തന്നെ നല്ല ഊര്‍ജം ഉണ്ടാകാന്‍ സഹായിക്കും.

യാത്രകള്‍ പോകുന്നതും പുതിയ സ്ഥലങ്ങള്‍ സന്ദര്‍ശിക്കുന്നതും മനസിന് സന്തോഷം നല്‍കുകയും പുതിയ കാര്യങ്ങള്‍ പഠിച്ചെടുക്കാന്‍ സഹായിക്കുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.