സന്തോഷിക്കാനും ഒരു ഡയറ്റ്

Wellness

oi-Saritha

By Veena

Published: Monday, April 23, 2012, 12:39 [IST]

ഭക്ഷണത്തിന് ആരോഗ്യം നന്നാക്കാനും നശിപ്പിക്കാനും കഴിയും. എന്നാല്‍ സന്തോഷിപ്പിക്കാനും സന്തോഷം നശിപ്പിക്കാനും കഴിയുമെന്നും അറിയാമോ.

കൊഴുപ്പും പഞ്ചസാരയും കൂടുതല്‍ ഉപ്പും അടങ്ങിയ ഭക്ഷണം ആരോഗ്യത്തിന് നല്ലതല്ലെന്ന് ആര്‍ക്കും അറിയാവുന്ന ഒന്നായിരിക്കും. എന്നാല്‍ ഇത്തരം ഭക്ഷണം ഡിപ്രഷന്‍ വരെ വരുത്തി വയ്ക്കും. നേരെ മറിച്ച് നല്ല കൊഴുപ്പും ധാന്യങ്ങളും പച്ചക്കറികളും അടങ്ങിയ ഭക്ഷണം മൂഡ് നന്നാക്കും. സന്തോഷത്തിന് കാരണമാവുകയും ചെയ്യും.

ഹാപ്പിനസ് ഡയറ്റില്‍ നിര്‍ബന്ധമായും അടങ്ങിയിരിക്കേണ്ട ചില പ്രത്യേക പദാര്‍ത്ഥങ്ങളുണ്ട്. ഇവ ഭക്ഷണത്തില്‍ ഉള്‍പ്പെടുത്തുന്നത് സന്തോഷിക്കാനുള്ള ഒരു കാരണമായി മാറും.

അയോഡിന്‍ ഇവയില്‍ ഒന്നാണ്. തൈറോയ്ഡ് ഗ്രന്ഥിയുടെ ശരിയായ പ്രവര്‍ത്തനത്തിന് ഇത് അത്യാവശ്യം. ഈ ഗ്രന്ഥി ശരിയായി പ്രവര്‍ത്തിച്ചില്ലെങ്കില്‍ ഓര്‍മക്കുറവ്, ഡിപ്രഷന്‍, വന്ധ്യത, വണ്ണം കൂടുക, മൈഗ്രേയ്ന്‍, അണുബാധ, ഹൃദയപ്രശ്‌നങ്ങള്‍ തുടങ്ങിയവയുണ്ടാകും. മത്തി പോലുള്ള മത്സ്യങ്ങള്‍, മുട്ട, ഉരുളക്കിഴങ്ങിന്റെ തൊണ്ട് എന്നിവയില്‍ ഇത് ധാരാളമുണ്ട്.

പാലുല്‍പ്പന്നങ്ങള്‍ നല്ല മൂഡിനെ സഹായിക്കുന്നവയാണ്. ഇവയിലെ കാല്‍സ്യം തലച്ചോറിലെ ന്യൂറോട്രാന്‍സ്മിറ്ററുകളെ ഉദ്ദീപിപ്പിക്കും. മൂഡു നന്നാക്കുന്നതില്‍ ഏറ്റവും കൂടുതല്‍ പങ്കുള്ളത് കാല്‍സ്യത്തിനാണെന്നു വേണമെങ്കില്‍ പറയാം. നല്ല മൂഡിന് തലച്ചോറിന്റെ പ്രവര്‍ത്തനത്തിന് പ്രധാനമായൊരു പങ്കുണ്ട്.

തൈര്, പാല്‍, ചീസ്, ബട്ടര്‍, മുട്ട എന്നിവയില്‍ കാല്‍സ്യം അടങ്ങിയിട്ടുണ്ട്. പാലുല്‍പന്നങ്ങള്‍ക്കു പുറമെ കാബേജ്, ചീര, ബദാം എന്നിവയിലും കാല്‍സ്യമുണ്ട്. കൊഴുവ പോലുള്ള ചെറുമത്സ്യങ്ങളിലും കാല്‍സ്യം ധാരാളമുണ്ട്.

അടുത്ത പേജില്‍

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.