താല്‍ക്കാലിക മറവി നിങ്ങളെ അലട്ടുന്നുവോ?

പലതരം കാരണങ്ങള്‍ കൊണ്ട് ഇങ്ങനെ സംഭവിക്കാം. തലേന്ന് അമിതമായി മദ്യപിച്ചാല്‍ ഇത്തരമൊരു അവസ്ഥ ഉണ്ടാകാറുണ്ട്. ശരീരത്തിന്റെ തളര്‍ച്ച കാരണമാണ് ഇത് സംഭവിക്കുന്നത്. മദ്യപാനം തലച്ചോറിനെ ബാധിക്കുന്നുവെന്നാണ് ഇത് കാണിക്കുന്നത്. ഇതിനുള്ള പ്രതിവിധി മദ്യം ഉപേക്ഷിക്കുകയോ അല്ലെങ്കില്‍ മദ്യത്തിന്റെ അളവു കുറയ്ക്കുകയോ ചെയ്യുകയാണ്. മദ്യം നിങ്ങളെ കീഴ്‌പ്പെടുത്താന്‍ അനുവദിക്കരുത്.

രക്തത്തിലെ പഞ്ചസാരയുടെ അളവ് കുറഞ്ഞാലും ഇങ്ങനെയുണ്ടാകും. തല കറങ്ങുന്ന പോലെയും കണ്ണില്‍ ഇരുട്ടു കയറുന്ന പോലെയും തോന്നാം. പഞ്ചസാരയുടെ അളവ് ക്രമീകരിക്കാനായി അല്‍പം മധുരം കഴിച്ചാല്‍ ഇതിന് പരിഹാരമാകും.

രക്തസമ്മര്‍ദം പെട്ടെന്ന് താഴ്ന്നാലും ഇത്തരം പ്രശ്‌നമുണ്ടാകും. രക്തസമ്മര്‍ദം കൊണ്ട് ഇത്തരം പ്രശ്‌നങ്ങളുള്ളവര്‍ രക്തസമ്മര്‍ദം നിയന്ത്രണത്തില്‍ നിറുത്തുകയാണ് വേണ്ടത്.

ടെന്‍ഷനും രക്തസമ്മര്‍ദത്തില്‍ വ്യത്യാസം വരുത്തുകയും അങ്ങനെ താല്‍ക്കാലിക മറവി ഉണ്ടാക്കാറും ചെയ്യുന്നുണ്ട്. ടെന്‍ഷന്‍ ഹോര്‍മോണ്‍ വ്യത്യാസങ്ങളുണ്ടാക്കുന്നതു കാരണമാണ് ഇങ്ങനെ സംഭവിക്കുന്നത്.

ഇറുകിയ വസ്ത്രങ്ങളും ശ്വാസം കിട്ടാത്ത ചുറ്റുപാടും ഇത്തരം അവസ്ഥയുണ്ടാക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.