തടി ഒതുങ്ങി, വയറ് ഉഷാറാക്കും ഭക്ഷണടിപ്‌സ്: സെലിബ്രിറ്റി ന്യൂട്രീഷണിസ്റ്റ് റുജുദ ദിവേകര്‍

ആരോഗ്യകരമായ ഭക്ഷണശീലം എപ്പോഴും നമ്മുടെ മുന്നോട്ടുള്ള ജീവിതത്തേയും സ്വാധീനിക്കുന്നതാണ്. പലപ്പോഴും പല കാരണങ്ങള്‍ കൊണ്ടും വയറിന് അസ്വസ്ഥതയും അമിതവണ്ണവും വര്‍ദ്ധിക്കുന്നു. പലപ്പോഴും ഭക്ഷണത്തിന്റെ കാര്യത്തിലും നമ്മള്‍ ശ്രദ്ധിക്കേണ്ട ചില കാര്യങ്ങളുണ്ട്. നാം കഴിക്കുന്ന ഭക്ഷണമാണ് പലപ്പോഴും ചര്‍മ്മത്തേയും ആരോഗ്യത്തേയും പ്രതിഫലിക്കുന്നത്. ജങ്ക്ഫുഡ് പോലുള്ള ഭക്ഷണങ്ങള്‍ നമ്മുടെ ആരോഗ്യത്തെ പ്രശ്‌നത്തിലാക്കുന്നത് പോലെ തന്നെ ശരീരഭാരം കൂടുന്നതിനും പ്രതിസന്ധികള്‍ക്കും രോഗാവസ്ഥകള്‍ക്കും കാരണമാകും.

ശരീരഭാരം കുറയ്ക്കാനോ ആരോഗ്യം നിലനിര്‍ത്താനോ ശ്രമിക്കുമ്പോള്‍, നിങ്ങളുടെ ഭക്ഷണക്രമം മികച്ചതാണ്. പോഷകാഹാര വിദഗ്ധയായ റുജുത ദിവേക്കര്‍ അടുത്തിടെ ഒരു പോസ്റ്റിലൂടെ ശരീരഭാരം കുറയ്ക്കുന്ന അവസ്ഥയിലേക്ക് നിങ്ങളെ എത്തിക്കുന്നു. തെറ്റായ ചില ഭക്ഷണശീലങ്ങള്‍ ശരീരഭാരം വര്‍ദ്ധിപ്പിക്കുന്നു. അതിന് കാരണമാകുന്നത് എന്തൊക്കെയെന്നും എപ്രകാരം ഒരു ദിവസം നമ്മുടെ ഭക്ഷണം തുടങ്ങണം എന്ന് നമുക്ക് നോക്കാം. കൂടുതല്‍ അറിയാന്‍ വായിക്കൂ.

ദിവസം തുടങ്ങേണ്ടത് ഇങ്ങനെ
നിങ്ങള്‍ ഒരു ദിവസം ആദ്യം ചെയ്യേണ്ട ചില കാര്യങ്ങളുണ്ട്. ഉറക്കമുണര്‍ന്ന ഉടന്‍ തന്നെ 10-15 മിനിറ്റ് ഉള്ളില്‍ എന്തെങ്കിലും ഭക്ഷണം കഴിക്കേണ്ടതാണ്. അത് മാത്രമല്ല ഇത് കഴിക്കുന്നത് വഴി മെറ്റബോളിസം വര്‍ദ്ധിപ്പിക്കുന്നതിന് സഹായിക്കും. അത് മാത്രമല്ല ശാരീരികോര്‍ജ്ജം വര്‍ദ്ധിപ്പിക്കുന്നതിനും ഈ ഭക്ഷണം സഹായിക്കും. എന്നാല്‍ ഒരു കാരണവശാലും മസാല ചേര്‍ത്ത ഭക്ഷണങ്ങള്‍ കഴിക്കരുത്. അത് മാത്രമല്ല വെറും വയറ്റില്‍ ഒരു കാരണവശാലും ചായ, കാപ്പി എന്നിവ കഴിക്കരുത്. ഇത് വയറ്റില്‍ അസ്വസ്ഥതകള്‍ വര്‍ദ്ധിപ്പിക്കുന്നു. പലപ്പോഴും അതിരാവിലെ വെറും വയറ്റില്‍ കുതിര്‍ത്ത ബദാം, വാല്‍നട്ട്, അല്ലെങ്കില്‍ പഴം എന്നിവ കഴിക്കാവുന്നതാണ്.

പ്രഭാതഭക്ഷണത്തിന് എന്ത് കഴിക്കണം?
എന്താണ് ബ്രേക്ക്ഫാസ്റ്റ് ആയി കഴിക്കേണ്ടത് എന്ന കാര്യം പ്രധാനപ്പെട്ടതാണ്. വീട്ടില്‍ തയ്യാറാക്കിയ ചൂടുള്ള ഭക്ഷണം കഴിക്കണം എന്നാണ് ഇവര്‍ പറയുന്നത്. അത് മാത്രമല്ല ഇഡ്ഡലി, ദോശ, പോഹ, അല്ലെങ്കില്‍ ചപ്പാത്തി എന്നിവ കഴിക്കാവുന്നതാണ്. ഒരു കാരണവശാലും പാക്കറ്റ് ഭക്ഷണങ്ങളും ജ്യൂസുകളും കഴിക്കരുത്. ഇത് നിങ്ങളുടെ ആരോഗ്യത്തെ പ്രശ്‌നത്തിലാക്കുന്നു.

പകല്‍ സമയങ്ങളില്‍ എന്ത് കഴിക്കാം?
പകല്‍ സമയങ്ങളില്‍ പലരും സ്‌നാക്‌സ് പോലുള്ളവ കഴിക്കുന്നു. എന്നാല്‍ ഇത് അനാരോഗ്യകരമായ ശീലമാണ് എന്നതാണ് സത്യം. ഇത്തരം അവസ്ഥയില്‍ വറുത്ത ഭക്ഷണങ്ങള്‍ ഒഴിവാക്കുന്നതിന് ശ്രദ്ധിക്കണം. പലപ്പോഴും സീസണല്‍ പഴങ്ങളോ, കരിക്ക് വെള്ളമോ, അല്ലെങ്കില്‍ വീട്ടില്‍ തയ്യാറാക്കിയ ഭക്ഷണമോ കഴിക്കാവുന്നതാണ്. അത് മാത്രമല്ല ചായയോടൊപ്പം ചേര്‍ക്കുന്ന ലഘു ഭക്ഷണങ്ങളും ഒഴിവാക്കുന്നതിന് ശ്രദ്ധിക്കണം.

ഉച്ചഭക്ഷണത്തില്‍ ശ്രദ്ധിക്കാന്‍
ഉച്ച ഭക്ഷണത്തിന്റെ കാര്യത്തില്‍ അല്‍പം ശ്രദ്ധിക്കാവുന്നതാണ്. കഴിക്കുന്ന സമയവും വളരെ പ്രധാനപ്പെട്ടതാണ്. രാവിലെ 11 മുതല്‍ ഉച്ചയ്ക്ക് 1 വരെയാണ് ഉച്ചഭക്ഷണത്തിന് അനുയോജ്യം. ഉച്ചഭക്ഷണത്തിന് ചപ്പാത്തി, ചോറ്, ദാല്‍ എന്നിവ പതിവായി കഴിക്കുന്നതില്‍ തെറ്റില്ല. ആഴ്ചയില്‍ രണ്ടുതവണയെങ്കിലും മില്ലറ്റുകള്‍ ഭക്ഷണത്തില്‍ ഉള്‍പ്പെടുത്തേണ്ടതാണ്. വേനല്‍ക്കാലത്ത് നിങ്ങള്‍ക്ക് ജോവര്‍ അല്ലെങ്കില്‍ റാഗി കഴിക്കാവുന്നതാണ്. ഇത് നിങ്ങളുടെ ആരോഗ്യത്തിന് മികച്ച മാറ്റങ്ങള്‍ നല്‍കുന്നു. അമിതവണ്ണത്തെ പ്രതിരോധിക്കുന്നതിനും സഹായിക്കും.

വൈകുന്നേരത്തെ ലഘുഭക്ഷണം
അത്താഴത്തിനും ഉച്ചഭക്ഷണത്തിനും ഇടയില്‍ ഉണ്ടാവുന്ന സമയം വളരെ പ്രധാനപ്പെട്ടതാണ്. പലപ്പോഴും നിങ്ങളുടെ ആരോഗ്യത്തെ മികച്ചതാക്കുന്നതിന് സഹായിക്കുന്ന ചില സ്‌നാക്‌സുകള്‍ ഈ സമയം കഴിക്കാവുന്നതാണ്. പ്രത്യേകിച്ച് വൈകിട്ട് 4 നും 6 നും ഇടയില്‍. അതിനായി നട്‌സുകള്‍ പോലുള്ളവ കഴിക്കാം. ചായയോടൊപ്പം നിലക്കടല, മുളപ്പിച്ച പയര്‍വര്‍ഗ്ഗങ്ങള്‍, വീട്ടില്‍ തയ്യാറാക്കിയ ലഘുഭക്ഷണങ്ങള്‍ എന്നിവയും ശീലമാക്കാവുന്നതാണ്. എന്നാല്‍ 6 മണിക്ക് ശേഷം ഇവ കഴിക്കുന്നത് പരമാവധി ഒഴിവാക്കേണ്ടതാണ്.

അത്താഴത്തിന് എന്ത് കഴിക്കണം?
ഉറങ്ങുന്നതിന് 2-3 മണിക്കൂര്‍ മുമ്പ് അത്താഴം കഴിക്കുന്നതിനും ശ്രദ്ധിക്കണം. കാരണം വൈകുന്നേരം 7 മുതല്‍ രാത്രി 8:30 വരെയാണ് അത്താഴത്തിന് ഏറ്റവും മികച്ച സമയം. അത്താഴത്തിന് ചപ്പാത്തി, ദാല്‍, ചോറ് എന്നിവ കഴിക്കാവുന്നതാണ്. അത് കൂടാതെ കിഴങ്ങ് വര്‍ഗ്ഗങ്ങളും മികച്ചതാണ്. ചോറ് ഏറ്റവും ലഘുവായ ഭക്ഷണമാണ്, രാത്രിയില്‍ ഇത് കഴിക്കുന്നത് ദഹനക്കേടിനെ പ്രതിരോധിക്കുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.