കാന്‍സര്‍ രോഗികളേ വ്യായാമം ചെയ്യൂ

Studies

oi-Siji KM

By Lakshmi

Published: Thursday, August 11, 2011, 13:57 [IST]

ശരീരത്തെ ഉന്മേഷത്തോടെയും ആരോഗ്യത്തോടെയും നിലനിര്‍ത്താനുള്ള പോംവഴിയാണ് വ്യായാമം. സ്ഥിരമായി വ്യായാമം ചെയ്താല്‍ ഒട്ടേറെ ആരോഗ്യ, മാനസിക പ്രശ്‌നങ്ങളെ ഒഴിവാക്കാന്‍ കഴിയും. ഇപ്പോഴിതാ കാന്‍സര്‍ ചികിത്സയുടെ കാര്യത്തിലും വ്യായാമത്തിന് ഏറെ പ്രാധന്യമുണ്ടെന്ന് കണ്ടെത്തിയിരിക്കുന്നു.

കാന്‍സറിനെ ചികിത്സയിലൂടെ നിയന്ത്രിച്ചവര്‍ പതിവായി വ്യായാമം ചെയ്യുന്നത് രോഗം മടങ്ങിവരാതിരിക്കാന്‍ സഹായിക്കുമെന്നാണ് മക്മില്ലന്‍ കാന്‍സര്‍ സപ്പോര്‍ട്ട് സെന്റര്‍ നടത്തിയ പഠനത്തിലാണ് ഇക്കാര്യം കണ്ടെത്തിയത്.

ചികിത്സയ്ക്കുശേഷം വിശ്രമം വിധിക്കാറുള്ള ഡോക്ടര്‍മാര്‍ ഇനി മുതല്‍ വ്യായാമം ശിപാര്‍ശ ചെയ്യണമെന്നാണു വിദഗ്ധരുടെ അഭിപ്രായം. സാധാരണ കാനന്‍സര്‍ ചികിത്സ കഴിഞ്ഞാല്‍ പൂര്‍ണമായ വിശ്രമമെന്ന കര്‍ശന നിര്‍ദ്ദേശമാണ് ഡോക്ടര്‍മാര്‍ പൊതുവേ നിര്‍ദ്ദേശിക്കാറുള്ളത്.

ചകിത്സാകാലത്ത് വ്യായാമം ചെയ്യുന്നത് ശാരീരിക ക്ഷമത വര്‍ധിപ്പിക്കുന്നതിനൊപ്പം മാനസികോല്ലാസത്തിനും കാരണമാകും. മനസ്സ് ശക്താകുന്നതോടെ കാന്‍സറിനെ ഒരു പരിധിവരെ പ്രതിരോധിക്കാന്‍ ഇതുവഴി സാധിക്കും.

ചികിത്സയുടെ പാര്‍ശ്വഫലങ്ങള്‍ കുറയ്ക്കാനും കാന്‍സര്‍ രോഗികളില്‍ പൊതുവേ കണ്ടുവരുന്ന വിഷാദരോഗം അകറ്റാനും വ്യായാമം ഉപകരിക്കും. വ്യായാമം കാന്‍സറിനെതിരായ ഏറ്റവും ശക്തമായ ആയുധമാണ്മാക്മില്ലന്‍ കാന്‍സര്‍ സപ്പോര്‍ട്ടിന്റെ ചീഫ് മെഡിക്കല്‍ ഓഫീസര്‍ ജെയിന്‍ മെര്‍ വ്യക്തമാക്കി.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.