ഉറക്കം കുറഞ്ഞാല്‍ തടികുറയും?

By Lakshmi

Published: Thursday, March 17, 2011, 14:37 [IST]

ഉറക്കമില്ലാത്ത രാത്രികള്‍ എന്നത് ഏതാണ്ട് ഒറു ഹൊറര്‍ സിനിമപോലെയാണ്. തിരിഞ്ഞും മറിഞ്ഞും കിടന്നും കുത്തിയിരുന്നും എഴുന്നേറ്റുനടന്നും നേരം വെളുപ്പിച്ചെടുക്കാന്‍ പെടുന്ന പാട്. ഈ അവസ്ഥയെ ശപിക്കാത്തവരുണ്ടാകില്ല. എന്നാല്‍ ഇത്തരമാളുകള്‍ക്ക് ഇപ്പോഴിതാ ഒരു സന്തോഷവാര്‍ത്ത.

നിങ്ങള്‍ തടിയുള്ളവരാണെങ്കില്‍ ഈ ഒരൊറ്റകാരണം കൊണ്ട് തടികുറയുമെന്നാണ് പുതിയൊരു പഠനത്തില്‍ കണ്ടെത്തിയിരിക്കുന്നത്. നേരത്തേ ഇതിന് വിരീതമായിരുന്നു ഗവേഷണഫലങ്ങള്‍, നിരന്തമായി ഉറക്കം നഷ്ടപ്പെടുന്നവരില്‍ അമിത വണ്ണത്തിന് സാധ്യതയുണ്ടെന്നായിരുന്നു അന്നത്തെ കണ്ടെത്തല്‍.

പക്ഷേ ഇപ്പോള്‍ ആഗോളതലത്തിലെ ശാസ്ത്രജ്ഞ സംഘം കണ്ടെത്തിയിരിക്കുന്നത് ഉറക്കം കുറഞ്ഞവരില്‍ തടികുറയുമെന്നാണ്. ഉറക്കമില്ലാത്ത ഒരൊറ്റരാത്രികൊണ്ട് 135കലോറിവരെ എരിച്ചുകളുയമത്രേ. അതായത് രണ്ട് മൈല്‍ നടക്കുമ്പോഴുണ്ടാകുന്നത്രയും കലോറി ഉറക്കമില്ലാത്ത ഒരുറ്റരാത്രിയില്‍ നഷ്ടപ്പെടുമെന്ന് അര്‍ത്ഥം.

കാര്യമിങ്ങനെയാണെങ്കിലും ഇത് തടികുറയ്ക്കാനുള്ള ആരോഗ്യകരമായ വഴിയല്ലെന്ന് ഗവേഷകര്‍ തന്നെ പറയുന്നുണ്ട്. കൊളറാഡോയിലെ സ്ലീപ് ആന്റ് ക്രോണോബയോളജി ലബോറട്ടറിയിലെ ഗവേഷകരാണ് ഈ കണ്ടെത്തല്‍ നടത്തിയിരിക്കുന്നത്.

ഇവര്‍ നടത്തിയ പരീക്ഷണത്തില്‍ നാല്‍പത് മണിക്കൂറോളം ഉറക്കമില്ലാതെയിരിക്കുമ്പോള്‍ യുവാക്കളുടെ ശരീരത്തില്‍ എഴ്ശതമാനത്തോളം കൂടുതല്‍ ഊര്‍ജ്ജം വിനിയോഗിക്കപ്പെടുന്നുവെന്നാണ് കണ്ടെത്തിയത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.