ജീവിതം ആഘോഷിയ്ക്കൂ...

Living

oi-Staff

By Super

Updated: Thursday, March 14, 2013, 16:43 [IST]

എല്ലായ്‌പോഴും സന്തോഷത്തോടെയിരിക്കുകയെന്നത് ജീവിതത്തില്‍ അപൂര്‍വ്വമായി സംഭവിക്കുന്നകാര്യമാണ്. പലപ്പോഴും പലതരം പ്രശ്‌നങ്ങളും നമ്മളെ അലട്ടിക്കൊണ്ടിരിക്കും. ചിലരാണെങ്കില്‍ ചെറിയ പ്രശ്‌നങ്ങളുടെ പേരില്‍ കാലാകാലം ദുഖിച്ചുനടക്കും. മറ്റുചിലരുണ്ട് എന്തൊക്കെ സംഭവിച്ചാലും നല്ല ചുറുചുറുക്കോടെ സന്തോഷിച്ച് മറ്റുള്ളവരെ സന്തോഷിപ്പിച്ച് കഴിയുന്നവര്‍. ഇത്തരക്കാരാണ് ശരിയ്ക്കും ഭാഗ്യവാന്മാര്‍. സന്തോഷിക്കുകയെന്നത് ശരിയ്ക്കും പറഞ്ഞാല്‍ എന്തൊരു ഭാഗ്യമാണ്.

എന്നാല്‍ സന്തോഷിക്കാനായി എന്തെങ്കിലും വേണ്ടേയെന്ന ചോദ്യമാണ് ഉള്ളിലുയരുന്നതെങ്കില്‍ അത് തെറ്റാണ്, സന്തോഷിക്കാനുള്ള വഴികള്‍ നമ്മള്‍ തന്നെ കണ്ടെത്തണം, അത് മറ്റാരെങ്കിലും മുന്നില്‍ കൊണ്ടുവന്നു തരുമെന്ന് കരുതി കാത്തിരിക്കുന്നത് വിഡ്ഢിത്തമാണ്. എല്ലാസമയത്തും ആശങ്കയും സങ്കടവും കൊണ്ട് നടന്നാല്‍ പൊതുവേ തിരക്കേറിയ ഈ ജീവിതം ഒട്ടും സുഖകരമല്ലാതാവും.

ആദ്യം ഒരു ഹോബി കണ്ടെത്തുക

നമ്മള്‍ സന്തോഷത്തോടെയിരിക്കുമെന്ന ഉറച്ചതീരുമാനമാണ് ആദ്യം വേണ്ടത്. പിന്നെ ഒരു വിനോദം കണ്ടുപിടിക്കാം അതായത് ഹോബി, ഒഴിവുവേളകളിലെല്ലാം നിങ്ങള്‍ക്ക് സ്വയം എക്‌സ്‌പ്ലോര്‍ ചെയ്യാം, എന്തിലാണ് സ്വന്തം താല്‍പര്യമെന്ന് കണ്ടെത്തണം, അത് ചിലപ്പോള്‍ വായനയാവാം, പെയിന്റിങാവാം എഴുത്താവാം പാചകമാകാം. എന്തുമാകട്ടെ അത് ചെയ്യുമ്പോള്‍ സന്തോഷം തോന്നുന്നുവെങ്കില്‍ അതുതന്നെയാണ് നിങ്ങളുടെ ഹോബി.

ഒരു നല്ല സുഹൃത്തിനെ കണ്ടെത്തുക
സൗഹൃദങ്ങള്‍ എന്നും നല്ല മരുന്നാണ്, സ്വന്തം പ്രശ്‌നങ്ങള്‍ ഉള്ളുതുറന്ന് ആരോടെങ്കിലും പറഞ്ഞാല്‍ത്തന്നെ പലരുടെയും ഉള്ളിലെ ഭാരം കുറയും. ഇതിനായി നമ്മള്‍ സമീപിക്കുന്നവര്‍ യഥാര്‍ത്ഥത്തി സുഹൃത്തുക്കളാണെന്ന് ഉറപ്പുവരുത്തേണ്ടത് അത്യാവശ്യമാണ്. അല്ലെങ്കില്‍ അത് കൂടുതല്‍ ദോഷം ചെയ്യും.

ജോലിസ്ഥലത്തോ, അയല്‍വീട്ടിലോ എവിടെനിന്നായാലും സുഹൃത്ത് നമ്മളെ മനസ്സിലാക്കുന്നയാളായിരിക്കണം. വീട്ടിലാണെങ്കില്‍ അമ്മയ്ക്കും അച്ഛനും നല്ല സുഹൃത്തായിരിക്കാന്‍ കഴിയും കൂടപ്പിറപ്പുകളെയും ഭര്‍ത്താവിനെയും ഭാര്യയെയും ഈ പട്ടികയില്‍ ഉള്‍പ്പെടുത്താം. സുഹൃത്തിനൊപ്പം ഇടക്ക് ഒരു ഔട്ടിങ്, ഷോപ്പിംങ്, ഒരുമിച്ച് ഒരു ചായ അങ്ങനെ ചെറിയ ചെറിയ പരിപാടികളുമാകാം, സ്ഥിരമായ ജീവിതചര്യകളില്‍ നിന്നും ഇത് വലിയ ആശ്വാസം നല്‍കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.